ມສ ຈັນທາ ປະຕິບັດແຜນພັດທະນາການສຶກສາ ບັນລຸຄາດໝາຍຫຼາຍດ້ານ

   ໃນວັນທີ 20 ກັນຍາ ຜ່ານ ມາ ໂຮງຮຽນມັດທະຍົມສຶກສາສົມ ບູນ (ມສ)ຈັນທາເມືອງສາມັກຄີ ໄຊ ແຂວງອັດຕະປື ໄດ້ເປີດກອງປະຊຸມປະຈຳປີສະຫຼຸບຕີລາຄາຄືນຜົນການຈັດຕັ້ງປະຕິບັດແຜນພັດ ທະນາການສຶກສາຂອງໂຮງຮຽນ ໄລຍະ1ຜ່ານມາສົກຮຽນ 2018-2019 ແລະທິດທາງໃນສົກຮຽນ2019-2020 ໂດຍພາຍໃຕ້ການເຂົ້າຮ່ວມຂອງທ່ານ ອຸດົມສິນ ສີຊານົນ ຄະນະພະແນກສຶກສາທິການ ແລະກີລາແຂວງອັດຕະປື, ທ່ານ ພູທິດ ສີລະປະຜູ້ອຳນວຍ ການໂຮງຮຽນ ມສ ຈັນທາ,ມີຫ້ອງການສຶກສາທິການ ແລະກີ ລາເມືອງ,ອຳນາດການປົກຄອງບ້ານອ້ອມຂ້າງ,ພະນັກງານຄູ-ອາຈານພ້ອມດ້ວຍນ້ອງນັກຮຽນເຂົ້າ ຮ່ວມ.ທ່ານ ພູທິດສີລະປະ ໄດ້ຜ່ານບົດສະຫຼຸບລາຍງານຜົນການຈັດຕັ້ງປະຕິບັດແຜນພັດທະນາການສຶກສາສົກຮຽນ 2018-2019 ແລະແຜພັດທະນາການສຶກສາໃນສົກຮຽນ 2019-2020 ໃຫ້ຮູ້ວ່າ: ຕະຫຼອດ 1 ສົກຮຽນຜ່ານ ມາຄະນະພັກ-ຄະນະບໍລິຫານໂຮງຮຽນ ມສ ຈັນທາ ໄດ້ເອົາໃຈໃສ່ຊີ້ ນຳ-ນຳພາ, ຊຸກຍູ້ສົ່ງເສີມພະນັກງານສະມະຊິກພັກຄູ-ອາຈານ ແລະ ນ້ອງນັກຮຽນພາຍໃນໂຮງຮຽນສູ້ ຊົນຈັດຕັ້ງປະຕິບັດແຜນພັດທະນາການສຶກສາແລະກີລາສົກຮຽນ 2018-2019 ໄດ້ມີໝາກຜົນສຳເລັດຕາມຄາດໝາຍຫຼາຍດ້ານເປັນ ຕົ້ນແມ່ນສາມາດສ້າງນັກຮຽນເກັ່ງເຂົ້າຮ່ວມການແຂ່ງຂັນສອບເສັງນັກຮຽນລະດັບຊາດໄດ້  2  ຄົນໃນ 2 ວິຊາຄື: ຊັ້ນ ມ4 ວິຊາພາ ສາລາວ-ວັນນະຄະດີແລະຊັ້ນ ມ7 ວິຊາຄະນິດສາດນອກນັ້ນຍັງມີນັກຮຽນເກັ່ງຂັ້ນແຂວງວິຊາຄະນະສາດຊັ້ນ ມ7 ໄດ້ອັບດັບທີ 2, ວິຊາເຄມີສາດໄດ້ອັນດັບທີ 3, ຊັ້ນ ມ4 ວິຊາເຄມີສາດໄດ້ອັນດັບທີ 3 ຂອງແຂວງ ແລະບັນດາໜ້າວຽກອື່ນໆກໍ່ສາມາດເຮັດບັນລຸຄາດໝາຍໃນແຜນປີທີ່ໂດຍມີຜົນວ່າງໄວ້ ແລະໃນສົກ 2019-2020 ນີ້ໂຮງ ຮຽນ ມສ ຈັນທາ ວາງແຜນວຽກ ແລະຄາດໝາຍກໍ່ສາງ ແລະປັບປຸງເຮັດໃຫ້ໂຮງຮຽນ ມສ ຈັນທາ ເປັນໂຮງຮຽນມີລະບຽບແບບແຜນຖືກຕ້ອງຕາມມາດຕະຖານຂອງໂຮງຮຽນແບບໃໝ່ທີ່ກະຊວງສຶກ ສາໄດ້ວາງອອກ.

 ໃນໂອກາດນີ້ທ່ານອຸດົມສິນສີຊານົນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຄະນະພັກຄະນະບໍລິຫານການສຶກສາພ້ອມດ້ວຍ ຄູ-ອາຈານແລະນ້ອງ    ນັກຮຽນທີ່ ຍາດມາໄດ້, ແຕ່ເຖິງຢ່າງໃດກໍ່ຕາມ ເພື່ອຍົກສູງຄຸນນະພາບການສຶກສາໃຫ້ໄດ້ດີຂຶ້ນກວ່າເກົ່າໄປຕາມ 3 ລັກສະນະແລະ5 ຫຼັກມູນກາບັນລຸຄາດໝາຍທີ່ວາງໄວ,ອຳນວຍການພ້ອມຄະນະຜູ້ບໍລິຫານການສຶກສາຂອງໂຮງຮຽນເພີ່ມທະວີເອົາໃຈໃສ່ດ້ານການຄຸ້ມຄອງ-ບໍລິຫານໂຮງຮຽນໃຫ້ມີຄວາມເຂັ້ມ ແຂງຂຶ້ນຕື່ມ ໂດຍສະເພາະການຄຸ້ມພະນັກງານຄູ-ອາຈານໃຫ້ມີຄວາມຮັບຜິດຊອບສູງຕໍ່ວຽກງານວິຊາສະເພາະ,ປະຕິບັດພາລະບົດບາດ,ສິແລະໜ້າທີ່ຂອງຄູໃນການສິດສອນ ແລະການຄຸ້ມຄອງ ນັກຮຽນໃຫ້ເຕັມພາລະບົດບາດແລະມີຈັນຍາບັນຂອງຄູຢ່າງໜັກແໜ້ນ,ແລະການຄຸ້ມຄອງ-ບໍລິຫານວຽກງານການເງິນກໍ່ຕ້ອງໃຫ້ມີຄວາມເຂັ້ມແຂງປະຕິບັດຕາມລະບຽບຫຼັກການຢ່າງຖືກຕ້ອງ ແລະພ້ອມນີ້ກໍ່ຕ້ອງເພີ່ມທະວີການສ້າງຄວາມສາມັກຄີພາຍໃຖັນແຖວພະນັກງານຄູອາຈານໃຫ້ແໜ້ນແຟ້ນ,ເຂັ້ມແຂງເພື່ອພ້ອມກັນສຶບຕໍ່ປະຕິບັດແຜນພັດທະນາການສຶກສາສົກຮຽນ 2019-2020 ໃຫ້ໄດ້ຕາມຄາດໝາຍຢ່າງມີປະສິດທິພາບສູງ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์