ໄຊຍະບູລີ ອະນຸມັດໃຫ້ນາຍຕໍາຫຼວດອອກສ້າງເສດຖະກິດຄອບຄົວ

  ກອງບັນຊາການ ປກສ ແຂວງໄຊຍະບູລີໄດ້ຈັດພິທີປະກາດອະນຸມັດໃຫ້ນາຍຕໍາຫຼວດອອກສ້າງເສດຖະກິດຄອບຄົວ ແລະ ເລື່ອນຊັ້ນໃຫ້ນາຍ ແລະພົນຕຳ ຫຼວດຜູ້ທີ່ມີຜົນງານ ແລະຮອດກຳນົດການເລື່ອນຊັ້ນທີ່ສະໂມສອນກອງບັນຊາການ ປກສ ແຂວງ,ໃນວັນທີ 18 ກັນຍາ 2019 ໂດຍການເປັນກຽດເຂົ້າຮ່ວມຂອງພັອຄໍາແພງ ເພັດຫົວໜ້າກອງບັນຊາການ ປກສ ແຂວງໄຊຍະບູລີ,ມີບັນດາສະຫາຍຄະນະພັກ, ຄະ ນະບັນຊາ,ຫົວໜ້າຫ້ອງ,ຮອງຫ້ອງພະນັກງານຫຼັກແຫຼ່ງພ້ອມດ້ວຍພະນັກງານນັກຮົບ.

ພັທ ຄໍາສິນ ຜິວວັນນາ ຫົວໜ້າ ຫ້ອງການເມືອງ ປກສ ແຂວງ ໄດ້ ຂຶ້ນຜ່ານຂໍ້ຕົກລົງ ຂອງລັດຖະມົນ ຕີກະຊວງປ້ອງກັນຄວາມສະຫງົບ ເລກທີ 1413, 1414,1415/ປກສ ລົງວັນທີ 22 ກໍລະກົດ 2019 ວ່າດ້ວຍການອະນຸມັດໃຫ້ ນາຍຕໍາຫຼວດອອກສ້າງເສດຖະ ກິດຄອບຄົວ ໃນນີ້ໄດ້ອະນຸມັດໃຫ້ ສະຫາຍ ພັຕ ປ້ອມ ສາລີ ສັງກັດຢູ່ຫ້ອງພາລາທິການ ປກສ ແຂວງ, ສະຫາຍ ຮອ ນາວິນ ສອນສຸພາບ ສັງກັດຢູ່ກອງບັນຊາການ ປກສ ເມືອງແກ່ນທ້າວ ແລະ ສະຫາຍ ຮອ ສະໄໝ ແສງສຸກດາ ສັງກັດຢູ່ ກອງບັນຊາການ ປກສ ເມືອງປາກ ລາຍ ອອກສ້າງເສດຖະກິດຄອບ ຄົວຕາມແນວທາງນະໂຍບາຍ ຂອງພັກ-ລັດວາງອອກ ພ້ອມທັງ ຜ່ານຂໍ້ຕົກລົງຂອງກົມໃຫຍ່ການ ເມືອງ ປ້ອງກັນຄວາມສະຫງົບ ເລກທີ 2824/ກມປສ ລົງວັນທີ 3 ກັນຍາ 2019 ແລະຂໍ້ຕົກລົງຂອງ ກອງບັນຊາການ ປກສ ແຂວງໄຊ ຍະບູລີ ເລກທີ 5417/ປຊຍ ລົງ ວັນທີ 17 ກັນຍາ 2019 ວ່າດ້ວຍ ການເລື່ອນຊັ້ນໃຫ້ນາຍ ແລະພົນຕໍາຫຼວດໃນກໍາລັງປ້ອງກັນຄວາມ ສະຫງົບ ແຂວງໄຊຍະບູລີ ຊຶ່ງມີຜູ້ ທີ່ໄດ້ຮັບການເລື່ອນຊັ້ນທັງໝົດ 144 ສະຫາຍ ໃນນີ້ ຮ້ອຍຕີ ຂຶ້ນ ຮ້ອຍໂທ 69 ສະຫາຍ,ວາທີຮ້ອຍຕີ ຂຶ້ນ ຮ້ອຍຕີ 12 ສະຫາຍ, ສິບເອກ ຂຶ້ນ ວາທີຮ້ອຍຕີ 58 ສະຫາຍ, ສິບ ໂທ ຂຶ້ນ ສິບເອກ 4 ສະຫາຍ, ສິບ ຕີ ຂຶ້ນ ສິບໂທ 1 ສະຫາຍຊຶ່ງໃຫ້ ກຽດປະດັບຊັ້ນໂດຍ ພັອ ຄໍາແພງ ເພັດຫົວໜ້າກອງບັນຊາການ ປກສ ແຂວງ.

ໂອກາດທີ່ມີຄວາມໝາຍສຳຄັນນີ້ພັອຄໍາແພງເພັດໄດ້ສະແດງຄວາມຍ້ອງຍໍຊົມເຊີຍຕໍ່ບັນດາສະຫາຍນາຍ ແລະພົນຕຳຫຼວດທີ່ໄດ້ຮັບການເລື່ອນຊັ້ນຄັ້ງນີ້ພ້ອມທັງເນັ້ນໜັກໃຫ້ບັນດາສະຫາຍຈົ່ງຍົກສູງຄວາມເປັນເຈົ້າການຈັດຕັ້ງປະຕິບັດໜ້າທີ່ວຽກງານວິຊາສະເພາະ,ຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງໜັກແໜ້ນ,ຄຸນສົມບັດສິນທຳປະຕິວັດ,ເພີ່ມຄວາມຫ້າວຫັນຄວາມກະຕືລືລົ້ນເຂົ້າໃນການຈັດຕັ້ງປະຕິບັດໜ້າທີ່ວຽກງານ ແລະແບບຢ່າງນຳໜ້າທຸກຂົງເຂດວຽກງານພ້ອມກັນຈັດຕັ້ງປະຕິບັດໜ້າທີ່ການເມືອງທີ່ໄດ້ຮັບມອບໝາຍໃຫ້ປະສົບຜົນສຳເລັດເປັນກ້າວໆ.

----------------

 ພາບ ແລະຂາ່ວຈາກ: ຈາກໜັງສືພືມເສດຖະກິດ-ສັງຄົມ

แชร์