ມະໄລພອນການຄ້າ ຂະຫຍາຍສາຂາຢູ່ແຂວງຄຳມ່ວນ

   ໃນວັນທີ 21 ກັນຍາ 2019 ຜ່ານມາທີ່ບ້ານຈອມທອງ ເມືອງທ່າແຂກ ແຂວງຄໍາມ່ວນ ໄດ້ຈັດພິທີເປີດສາຂາທີ 2 ຜະລິດຕະພັນຊາສະໝຸນໄພລາວຂອງບໍລິສັດ ມະໄລພອນການຄ້າຂາເຂົ້າ-ຂາອອກຈໍາກັດຜູ້ດຽວໂດຍການເຂົ້າຮ່ວມພ້ອມທັງຕັດແຖບຜ້າເພື່ອຈຳໜ່າຍຜະລິດຕະພັນດັ່ງກ່າວຂອງທ່ານ ນາງ ມະໄລພອນ ແສງດາລາ ປະ ທານບໍລິສັດມະໄລພອນການຄ້າຂາເຂົ້າ-ຂາອອກ ຈໍາກັດຜູ້ດຽວ ແລະທ່ານນາງ ສົມໃຈ ເພັດສະລາດ ຕົວແທນຈໍາໜ່າຍຜະລິດຕະພັນຊາສະໝຸນໄພລາວສາຂາແຂວງ ຄຳມ່ວນ, ຕະຫຼອດຮອດພາກສ່ວນຕ່າງໆທີ່ກ່ຽວຂ້ອງເຂົ້າຮ່ວມ.

  ສາຂາທີ 2 ທີ່ເປັນຕົວແທນຈໍາໜ່າຍຜະລິດຕະພັນຊາສະໜຸນ ໄພລາວ ແມ່ນຕັ້ງຢູ່ບ້ານຈອມທອງ ທາງ ຮ່ອມທີ 1 ຂ້າງຕະຫຼາດຫຼັກ ສອງເມືອງທ່າແຂກ ແຂວງຄຳ ມ່ວນ, ຜະລິດຕະພັນຊາສະໝຸນໄພ ລາວປະກອບມີ: ຊາໝາກແຄ້ງ ແລະຊາຫຍ້າໜອນໜ່າຍ.

  ທ່ານນາງ ມະໄລພອນ ແສງດາລາ ປະທານບໍລິສັດມະໄລພອນ ໄດ້ກ່າວວ່າ: ຈຸດປະສົງໃນການເປີດຕົວແທນຈຳໜ່າຍຊາສະໝຸນໄພລາວນີ້ເພື່ອແນໃສ່ຂະຫຍາຍຕະ ຫຼາດພ້ອມດຽວກັນນັັ້ນກໍ່ເພື່ອແນໃສ່ຢາກໃຫ້ພໍ່ແມ່ປະຊາຊົນໄດ້ຊົມໃຊ້ຜະລິດຕະພັນທີ່ມີຊັບພະຄຸນທີ່ດີຕໍ່ສຸຂະພາບ ແລະ ຮ່າງກາຍເພາະຊາໝາກແຄ້ງສາມາດຕອບ ໂຈດມີຊັບພະຄຸນຫຼາຍຢ່າງທີ່ດີຕໍ່ສຸຂະພາບເຊັ່ນ: ພະຍາດເບົາຫວານ, ຄວາມດັນເລືອດສູງ ແລະບັນຫາແຜໃນກະເພາະອາຫານເນື່ອງຈາກການກິນອາຫານບໍ່ເໝາະ ສົມ, ສ່ວນຊາຫຍ້າໜອນໜ່າຍແມ່ນມີຊັບພະຄຸນ: ຊ່ວຍບຳລຸງຕັບຊ່ວຍຟື້ນຟູໜ້າທີ່ການເຮັດວຽກຂອງຕັບທີ່ອ່ອນເພຍເນື່ອງຈາກການດື່ມເຫຼົ້າເບຍຫຼາຍ, ຊ່ວຍກຳ ຈັດ

ພະຍາດໃບໄມ້ໃນຕັບດ້ວຍການຕັດວົງຈອນຂອງພະຍາດໃບໄມ້ໃນໄລຍະເປັນໂຕໜອນຢູ່ໃນຕັບ ຫຼື ປອດໃນຮ່າງກາຍ ແລະ ເປັນທີ່ຍອມຮັບຂອງສັງຄົມ, ນອກຈາກ ສາຂາທີ 2 ນີ້ແລ້ວທາງບໍລິສັດຍັງ ຈະໄດ້ສືບຕໍ່ຂະຫຍາຍໄປທີ່ປາກເຊ, ອັດຕະປື, ສາລະວັນ ແລະຂະຫຍາຍສາຂາໄປທຸກແຂວງໃນທົ່ວປະເທດເພື່ອໃຫ້ສິນຄ້າຂອງບໍລິ ສັດໄດ້ຢູ່ທຸກພາກ ແລະທາງພາກສ່ວນໃດຕ້ອງການເປັນສາຂາຍ່ອຍແມ່ນສາມາດພົວພັນໄດ້ກັບທາງບໍລິສັດຂອງພວກເຮົາໄດ້ສຳນັກງານຕັ້ງຢູ່ບ້ານຊຳເຄ້ ເມືອງໄຊເສດຖາ ນະຄອນຫຼວງວຽງຈັນ ຫຼື ໂທ 020 56028204,  030 5389307.  

--------------

ໂດຍຂຽນ: ມະນີວັນ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์