ຮ່ວມບໍລິຈາກເລືອດຊ່ວຍເຫຼືອຄົນໄຂ້ເລືອດອອກ ແລະຜູ້ປະສົບໄພນໍ້າຖ້ວມ

  ສູນເລືອດແຫ່ງຊາດອົງການກາແດງລາວຈັດກິດຈະກຳຮ່ວມບໍລິຈາກເລືອດພາຍໃຕ້ຄຳຂວັນ “ຄົນລາວບໍ່ຖິ້ມກັນ”ຂຶ້ນໃນວັນທີ 20 ກັນຍາຜ່ານມາທີ່ສູນການຄ້າ ລາວ-ໄອເຕັກນະຄອນຫຼວງວຽງຈັນເພື່ອຊ່ວຍຄົນເຈັບທີ່ເປັນພະ ຍາດໄຂ້ເລືອດອອກ ແລະຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມ ໂດຍເຂົ້າຮ່ວມຂອງ ທ່ານ ດຣ ສິງເມໂນລາດຮອງປະທານອົງການກາແດງລາວ,ທ່ານ ດຣ ຈັນທະລາສຸສາຄອນຜູ້ອຳນວຍການສູນເລືອດແຫ່ງຊາດບັນດາພາກສ່ວນ ກ່ຽວຂ້ອງ,ພະນັກງານທະຫານ, ຕຳຫຼວດ ແລະນັກຮຽນນັກສຶກສາຈາກສະຖາບັນຕ່າງໆເຂົ້າຮ່ວມ.

ທ່ານ ດຣ ຈັນທະລາສຸກສາຄອນໃຫ້ສຳພາດວ່າ:ການສ້າງຂະບວນການຮ່ວມບໍລິຈາກເລືອດຄັ້ງນີ້ແມ່ນໄດ້ລະດົມເອົານັກຮຽນຈາກໂຮງຮຽນມັດທະຍົມຕອນ ປາຍ ແລະນັກສຶກສາຈາກວິທະຍາໄລໃນນະຄອນຫຼວງວຽງຈັນລວມທັງພະນັກງານທະຫານ,ຕຳຫຼວດ ເຂົ້າຮ່ວມບໍລິຈາກຫຼາຍກວ່າ1ພັນ ຄົນ ໂດຍຄາດຄະເນວ່າຈະສາມາດ ໄດ້ເລືອດບໍລິຈາກ500 ຖົງຈຸດປະສົງເພື່ອຊ່ວຍເຫຼືອຄົນເຈັບທີ່ຈຳ ເປັນຕ້ອງໃຊ້ເລືອດຢູ່ຕາມໂຮງໝໍໃນຂອບເຂດທົ່ວປະເທດໂດຍສະເພາະໄລຍະນີ້ແມ່ນພະຍາດໄຂ້ເລືອດອອກລະບາດ ແລະມີຜົນກະ ທົບຈາກໄພພິບັດນໍ້າຖ້ວມຊຶ່ງມີຫຼາຍແຂວງແມ່ນມີຄວາມຫຍຸ້ງຍາກໃນການອອກຮັບບໍລິຈາກເລືອດ ແລະເລືອດບໍ່ພຽງພໍກັບ ຄວາມຕ້ອງການ.

ໃນປີ 2018 ຜ່ານມາບັນດາ ສູນເລືອດໃນຂອບເຂດທົ່ວປະເທດ ໄດ້ຮ່ວມກັນກັບການຈັດຕັ້ງຂັ້ນ ຕ່າງໆທີ່ກ່ຽວຂ້ອງສ້າງປຸກລະດົມຮັບບໍລິຈາກເລືອດໄດ້ກວ່າ 1,5ພັນ ຄັ້ງ,ມີຜູ້ເຂົ້າຮ່ວມບໍລິຈາດເລືອດ 96 ພັນກວ່າຄົນ ແລະໄດ້ຮັບເລືອດ ຕົວຈິງ 49 ພັນກວ່າຖົງ ເທົ່າກັບ 98,14% ຂອງແຜນການປະຈຳປີສຳລັບປີ, 2019 ໂດຍແບ່ງຕົວເລກໃຫ້ແຕ່ລະແຂວງນຳໄປຮ່ວມກັນຈັດຕັ້ງປະຕິບັດສັງລວມ 8 ເດືອນຜ່ານມາແມ່ນໄດ້ 34,3 ພັນຖົງແລ້ວ ແລະຄາດໝາຍສູ້ຊົນໃຫ້ບັນລຸ 55 ພັນຖົງສ່ວນປີ 2020 ແມ່ນຈະໃຫ້ໄດ້ 60 ພັນຖົງ ແລະນອກນັ້ນຍັງໄດ້ວາງເປົ້າໝາຍເພີ່ມຂຶ້ນທຸກໆປີໃນຈົນຮອດປີ 2025 ຈະໃຫ້ບັນລຸ 80 ພັນຖົງ.

------------------

 ພາບ ແລະຂາ່ວຈາກ: ຈາກໜັງສືພືມເສດຖະກິດ-ສັງຄົມ

แชร์