ຍທຂ ແຂວງຜົ້ງສາລີ ປະກາດເປັນຄະນະພັກຮາກຖານ

  ພິທີປະກາດກົງຈັກການຈັດຕັ້ງຄະນະພັກຮາກຖານພະແນກໂຍທາທິການ ແລະຂົນສົ່ງ (ຍທຂ) ແຂວງຜົ້ງສາລີ ໄດ້ຈັດຂຶ້ນໃນຂອງ ວັນທີ 20 ກັນຍ2019 ທີ່ຫ້ອງປະຊຸມພະແນກດັ່ງກ່າວ ໂດຍການເປັນປະທານຂອງ ທ່ານ ແພງ ລີລາວົງ ຮອງເລຂາພັກແຂວງ,ຮອງເຈົ້າແຂວງຜົ້ງສາລີ,ຫົວໜ້າຄະນະຮັບຜິດຊອບປັບປຸງກົງຈັກການຈັດຕັ້ງຂັ້ນແຂວງ, ມີທ່ານ ສັນຕິ ແກ້ວຍະສານ ກຳມະການປະຈຳພັກແຂວງຫົວໜ້າຄະນະຈັດຕັ້ງແຂວງ,ມີຄະນະກວດກາ ແຂວງ, ໜ່ວຍພັກອ້ອມຂ້າງຕະຫຼອດຮອດຄະນະໜ່ວຍພັກ,ສະມາຊິກພັກພາຍໃນພະແນກເຂົ້າຮ່ວມນຳ.

  ສະຫາຍ ບຸນທະວີ ສໍສຸກັນ ເລຂາໜ່ວຍພັກ ຫົວໜ້າພະແນກໂຍ ທາທິການ ແລະຂົນສົ່ງແຂວງ ໄດ້ຜ່ານບົດສະຫຼຸບຕີລາຄາການ ເຄື່ອນໄຫວຊີ້ນຳໆພາຂອງໜ່ວຍ ພັກພະແນກໂຍທາທິການ ແລະ ຂົນສົ່ງແຂວງ ສະໄໝທີ XIII ໄລຍະ 5 ປີຜ່ານມາ; ຜ່ານບົດສຳຫຼວດການນຳພາລວມຂອງໜ່ວຍພັກພະ ແນກໂຍທາທິການ ແລະຂົນສົ່ງ ແຂວງ;ຈາກນັ້ນຕາງໜ້າຄະນະຈັດຕັ້ງແຂວງ ແລະຄະນະກວດກາ ແຂວງ ໄດ້ຂຶ້ນຜ່ານມະຕິຕົກລົງ ຂອງຄະນະປະຈຳພັກແຂວງເຊັ່ນ: ມະຕິຕົກລົງວ່າດ້ວຍການແຍກ ໜ່ວຍພັກ, ມະຕິຕົກລົງການສ້າງ ຕັ້ງຄະນະພັກ,ມະຕິຕົກລົງວ່າດ້ວຍ ການສ້າງຕັ້ງ 4 ໜ່ວຍພັກຄື:ໜ່ວຍພັກຂະແໜງຂົນສົ່ງ ແລະແຜນການ-ສະຖິຕິ,ໜ່ວຍພັກຂະແໜງ ຂົວທາງ, ໜ່ວຍພັກຂະແໜງເຄຫາ ແລະຜັງເມືອງ-ລັດວິສາຫະກິດນໍ້າປະປາ,ໜ່ວຍພັກຂະແໜງ ຈັດຕັ້ງ-ບໍລິຫານ ແລະການເງິນ, ຂະແໜງກວດກາ; ຜ່ານມະຕິຕົກລົງວ່າດ້ວຍການບົ່ງຕົວແຕ່ງຕັ້ງຄະນະພັກຮາກຖານພະແນກໂຍທາທິການ ແລະຂົນສົ່ງແຂວງ,ມະຕິຕົກລົງວ່າດ້ວຍການບົ່ງຕົວ ແຕ່ງຕັ້ງຄະນະໜ່ວຍພັກທີ່ຂຶ້ນກັບ ຄະນະພັກຮາກຖານພະແນກໂຍ ທາທິການ ແລະຂົນສົ່ງແຂວງໃນນັ້ນຕົກລົງແຕ່ງຕັ້ງ ສະຫາຍ ບຸນທະວີ ສໍສຸກກັນ ເປັນເລຂາຄະນະພັກຮາກຖານພະແນກໂຍທາທິການ ແລະຂົນສົ່ງແຂວງ,ສະຫາຍສີສຸພັນຈັນສະຫວັດເປັນຮອງ, ສະຫາຍ ບຸນພານິດ ແກ້ວຮຸ່ງ, ສະຫາຍ ສົມເພັດ ສີສັງວອນ ແລະ ສະຫາຍ ບົວຄຳ ອິນດາວົງ ເປັນ ກຳມະການໜ່ວຍພັກ ແລະແຕ່ງຕັ້ງຄະນະທັງ 4 ໜ່ວຍພັກຄື: ໜ່ວຍພັກຂະແໜງຂົນສົ່ງ ແລະແຜນການ-ສະຖິຕິ ແມ່ນແຕ່ງຕັ້ງ ສະຫາຍ ບຸນພານິດ ແກ້ວຮຸ່ງ ເປັນເລຂາໜ່ວຍພັກ,ສະຫາຍສຸກທະພັນ ພິພັດເສລີ ເປັນຮອງ, ສະຫາຍ ທະນົນໄຊ ຄຳອ່ອນ ເປັນກຳມະ ການໜ່ວຍພັກ; ສ່ວນໜ່ວຍພັກ ຂະແໜງຂົວທາງ ແຕ່ງຕັ້ງສະຫາຍ ສີສຸພັນຈັນສະຫວັດ ເປັນເລຂາ,ສະຫາຍ ໄຊສົມເພັດສີພັນເປັນ ຮອງ,ສະຫາຍຊາຍທອງ ສຸວັນນາ ເປັນກຳມະການ; ໜ່ວຍພັກ ຂະແໜງເຄຫາ-ຜັງເມືອງ ແລະລັດວິສາຫະກິດນໍ້າປະປາ ແຕ່ງຕັ້ງສະ ຫາຍ ສົມເພັດ ສີສັງວອນ ເປັນເລຂາສະຫາຍ ພອນ ແກ້ວພິລາ ເປັນ ຮອງ, ສະຫາຍ ພອນໄຊ ຈອມແກ້ວ ເປັນກຳມະການ;ໜ່ວຍພັກສຳລັບ ໜ່ວຍພັກຂະແໜງຈັດຕັ້ງ-ບໍລິ ຫານ,ການເງິນ ແລະກວດກາ ແຕ່ງຕັ້ງ ສະຫາຍ ນາງ ບົວຄຳອິນ ດາວົງ ເປັນເລຂາ,ສະຫາຍຄຳໃບ ວັນນະແສນແພງ ເປັນຮອງ,ສະຫາຍ ນາງ ບົວວັນສີ ເປັນກຳມະການ ແລະຜ່ານມະຕິຕົກລົງວ່າດ້ວຍການແຕ່ງຕັ້ງຄະນະກວດກາຄະນະພັກຮາກຖານ ແລະຄະນະກວດກາຂອງແຕ່ລະໜ່ວຍພັກ ຕື່ມອີກ.

 ໃນໂອກາດດັ່ງກ່າວຄະນະພັກຮາກຖານພະແນກໂຍທາທິການ ແລະຂົນສົ່ງ ຍັງໄດ້ມອບ ປິນເຕີ 1 ຊຸດມູນຄ່າ 1,9 ລ້ານກີບ ໃຫ້ຄະນະຮັບຜິດຊອບປັບປຸງກົງຈັກການຈັດຕັ້ງຂັ້ນແຂວງ.

------------------

 ພາບ ແລະຂາ່ວຈາກ: ຈາກໜັງສືພືມເສດຖະກິດ-ສັງຄົມ

แชร์