ສະກາຍຊຸບເປີມາເກັດ ມອບເຄື່ອງໃຫ້ສະຫວັນນະເຂດ

  ວັນທີ 20 ກັນຍາ 2019 ທີ່ຫ້ອງວ່າການປົກຄອງແຂວງສະຫວັນນະເຂດ, ບໍລິສັດສະກາຍຊຸບເປີມາເກັດກຣຸບ ໄດ້ນຳເອົາເຂົ້າສານ, ເຄື່ອງອຸປະໂພກບໍລິໂພກ, ອາ ຫານແຫ້ງ, ໝີ່ ແລະເຄື່ອງນຸ່ງຮົ່ມເປັນວັດປັດຖຸໄຈຈຳນວນໜຶ່ງລວມມູນຄ່າ 20 ກວ່າລ້ານກີບ ມອບໃຫ້ຫ້ອງວ່າການປົກຄອງແຂວງສະຫວັນນະເຂດ ເພື່ອປະກອບ ສ່ວນຊ່ວຍເຫຼືອຜູ້ປະສົບໄພນໍ້າຖ້ວມບັນດາເມືອງທີ່ໄດ້ຮັບຜົນກະທົບຈາກທຳມະຊາດຊຶ່ງກ່າວມອບໂດຍທ່ານນາງ ຫຼ້າພາວັນ ອິນເມືອງໄຊ ຜູ້ບໍລິຫານບໍລິສັດສະກາຍຊຸບ ເປີມາເກັດ ແລະກ່າວຮັບໂດຍ ທ່ານ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ພ້ອມດ້ວຍພາກສ່ວນກ່ຽວຂ້ອງ ແລະພະນັກງານໃນບໍລິສັດເຂົ້າຮ່ວມ.

  ບໍລິສັດສະກາຍຊຸບເປີມາເກັດກຣຸບເປັນຮ້ານຄ້າສະດວກຊື້-ຂາຍດ້ວຍມີເຄື່ອງມືທັນສະໄໝໃນການໃຊ້ລະບົບຄອມພີວເຕີຊຳລະບໍລິການໃຊ້ຈ່າຍພ້ອມທັງການບໍລິການຂາຍດ້ວຍຄວາມວ່ອງໄວປະຈຸບັນມີ 3 ສາຂາຄື: ສາຂາໜຶ່ງຕັ້ງຢູ່ສູນການຄ້າລາວ-ໄອເຕັກ, ສາຂາສອງຢູ່ສີໄຄ ນະຄອນຫຼວງວຽງຈັນແລະສາຂາສາມຢູ່ສູນການຄ້າສະຫວັນ-ໄອເຕັກ ແຂວງສະຫວັນນະເຂດ ເນື່ອງຈາກຄວາມເປັນ ຫ່ວງຊີວິດການເປັນຢູ່ຂອງປະຊາ ຊົນບັນດາເມືອງຕ່າງໆໃນແຂວງສະຫວັນນະເຂດທີ່ໄດ້ຮັບຜົນກະທົບຈາກໄພທຳມະຊາດນໍ້າຖ້ວມຢ່າງໜັກໜ່ວງ, ບໍລິສັດ ສະກາຍຊຸບເປີມາ ເກັດກຣຸບໄດ້ລະດົມທຶນບໍລິຈາກໃນຕູ້ບໍລິຈາກຂອງຮ້ານສະກາຍຊຸບເປີມາເກັດທຸກສາຂາຮ່ວມກັນ ແລະ ນຳເອົາເຄື່ອງວັດຖຸປັດໄຈເປັນເຂົ້າສານ, ເຄື່ອງນຸ່ງຮົ່ມ, ອຸປະໂພກບໍລິໂພກ, ອາຫານແຫ້ງ, ໝີ່ ແລະນໍ້າດື່ມຈໍານວນໜຶ່ງລວມມູນຄ່າ 20 ກວ່າລ້ານກີບ ມາມອບໃຫ້ຫ້ອງວ່າການປົກຄອງແຂວງສະຫວັນນະເຂດ ເພື່ອເປັນການປະກອບສ່ວນແກ້ໄຂບັນເທົາທຸກໃຫ້ປະຊາຊົນບັນໄດ້ໃຊ້ຊີວິດການເປັນຢູ່.

  ໂອກາດນີ້ ທ່ານ ໂພໄຊ ໄຊຍະສອນ ຕາງໜ້າໃຫ້ການນໍາແຂວງສະຫວັນນະເຂດ ກໍໄດ້ກ່າວຄວາມຂອບໃຈສະແດງຄວາມຍ້ອງຍໍຊົມເຊີຍມາຍັງ ທ່ານ ນາງ ຫຼ້າພາວັນ ອິນເມືອງໄຊ ກໍຄືບໍລິສັດສະກາຍ ຊຸບເປີມາເກັດກຣຸບລວມໄປເຖິງຜູ້ທີ່ມີສ່ວນຮ່ວມໃນການບໍລິຈາກວັດຖຸປັດໄຈໃນຄັ້ງນີ້ທີ່ໄດ້ເຫັນເຖິງຄວາມເປັນຫ່ວງເປັນໄຍຕໍ່ພໍ່ແມ່ປະ ຊາຊົນທີ່ໄດ້ຮັບຜົນກະທົບຈາກໄພທຳມະຊາດນໍ້າຖ້ວມ, ມີຈິດໃຈສັດທາ, ເອື້ອເຟື້ອເພື່ອແຜ່ເປັນສ່ວນໜຶ່ງໃນການຊ່ວຍເຫຼືອຜູ້ທີ່ກໍາລັງຕົກທຸກໄດ້ຍາກ, ພວກເຮົາຈະນໍາ ເອົາວັດຖຸປັດໄຈຈໍານວນນີ້ໄປແຈກຢາຍໃຫ້ຜູ້ປະສົບໄພນໍ້າຖ້ວມຢ່າງທົ່ວເຖິງ.

-------------

ຂຽນໂດຍ: ແພງຕາ 

ພາບ ແລະພາບຂ່າວຈາກ: ໜັງສືພິມເສດຖະກິດ-ສັງຄົມ

แชร์