ໜອງບົກທຳລາຍສິນຄ້າໝົດອາຍຸ

 ເພື່ອເປັນການຕ້ານ ແລະສະກັດກັ້ນການຈຳໜ່າຍສິນຄ້າທີ່ໝົດອາຍຸໃນການໃຊ້ງານຂອງຜູ້ອຸປະໂພກ ແລະບໍລິໂພກໃນວັນທີ 18 ກັນຍາຜ່ານມາທີ່ກອງບັນຊາການ ປກສ ເມືອງໜອງບົກ ແຂວງຄຳມ່ວນ ໄດ້ຈັດພິທີທຳລາຍສິນຄ້າທີ່ໝົດອາຍຸໂດຍເຂົ້າຮ່ວມມີ ທ່ານ ໄພວັນ ໄຊປັນຍາ ຫົວໜ້າຫ້ອງການອຸດສາຫະກຳ ແລະ ການຄ້າເມືອງມີ ທ່ານ ບຸນມີ ຈິດຕະວົງ ຫົວໜ້າຫ້ອງການຍຸຕິທຳເມືອງຜູ້ຊີ້ນຳກຸ່ມບ້ານໃຫຍ່ໃນເທສະບານ ແລະຫ້ອງການທີ່ກ່ຽວຂ້ອງເຊັ່ນ: ປກສ, ກະສິກຳ ແລະ ປ່າໄມ້ ເມືອງນາຍບ້ານໆໜອງບົກເຂົ້າຮ່ວມຢ່າງພ້ອມພຽງ.

 ທ່ານ ທອງດໍາ ລັດຕະນະໄຊ ຮອງຫົວໜ້າຫ້ອງການອຸດສາຫະກຳ ແລະການຄ້າເມືອງໄດ້ລາຍງານໃນລາຍການສິນຄ້າທີ່ໄດ້ລົງໄປກວດມາໄດ້ຕາມຮ້ານຄື: ເຂົ້າໝົມ 271 ຖົງ, ເຄື່ອງປຸງແຕ່ງອາຫານ 157 ຖົງ, ເຄື່ອງສຳອາງ 145 ອັນ, ອາຫານເສີມ 11 ກັບ, ເຄື່ອງດື່ມ 127 ແພັກ, ເຄື່ອງໃຊ້ອື່ນໆ 3 ອັນ ແລະ ມີປະເພດສິນຄ້າທີ່ນໍາເຂົ້າມາບໍ່ຖືກຕ້ອງແມ່ນມີປະເພດ: ຢາສູບ ອິຊີ້ 25 ຊອງ, ເບຍຮູດາ 21 ປ໋ອງ ລວມມູນຄ່າທີ່ທຳລາຍສິນຄ້າໃນຄັ້ງນີ້ 7 ລ້ານກວ່າກີບ.

----------------

ຂຽນໂດຍ: ສົມສະໄຫວ 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์