ເມືອງປາກທາ ທຳລາຍສິນຄ້າໝົດອາຍຸ ແລະສິນຄ້າຕ້ອງຫ້າມ

  ວັນທີ 20 ກັນຍາ 2019 ທີ່ຫ້ອງການອຸດສາຫະກຳ ແລະ ການຄ້າເມືອງປາກທາ ແຂວງບໍ່ ແກ້ວ ໄດ້ຈັດພິທີທຳລາຍສິນຄ້າໝົດ ອາຍຸ,ເຊື່ອມຄຸນນະພາບ ແລະສິນ ຄ້າຕ້ອງຫ້າມຂຶ້ນ ໂດຍເປັນກຽດ ເຂົ້າຮ່ວມຂອງທ່ານ ນາງ ຈັນສຸກ ວັນນະວົງຄະນະປະຈຳພັກເມືອງ ຜູ້ຊີ້ນຳອົງການຈັດຕັ້ງມະຫາຊົນ, ທ່ານ ສີວິໄຊ ແສງຄະກຸນຫົວໜ້າຫ້ອງການສາທາລະນະສຸກເມືອງ,ມີຫົວໜ້າ-ຮອງຫົວໜ້າຫ້ອງການ ແລະວິຊາການພາຍໃນຫ້ອງການ ທີ່ກ່ຽວຂ້ອງຕະຫຼອດຮອດນ້ອງ ນັກຮຽນເຂົ້າຮ່ວມ.

ທ່ານ ແດງ ສຸພາພອນ ຮອງ ຫົວໜ້າຫ້ອງການອຸດສາຫະກຳ ແລະການຄ້າ ເມືອງປາກທາ ໄດ້ຂຶ້ນ ຜ່ານບົດລາຍງານຫຍໍ້ກ່ຽວກັບ ການລົງກວດກາສິນຄ້າໝົດອາຍຸ ແລະສິນຄ້າຕ້ອງຫ້າມຕາມຫ້າງ ຮ້ານຕ່າງໆໃນທົ່ວເທສະບານ ເມືອງປາກທາໃນຄັ້ງນີ້ ກວດກາ ຫົວໜ່ວຍທຸລະກິດຫ້າງຮ້ານຈຳນວນ 50 ຮ້ານໃນທົ່ວເມືອງ, ກວດ ກາພົບເຫັນສິນຄ້າເຊື່ອມຄຸນນະ ພາບຈຳນວນ 42 ຮ້ານ ໃນນີ້ຮ້ານ ຂາຍເຄື່ອງຄົນຈີນ 3 ຮ້ານ, ຜ່ານ ການກວດກາພົບເຫັນສິນຄ້າໝົດ ອາຍຸການນຳໃຊ້, ເຊື່ອມຄຸນ,

ປອມແປງລອກຮຽນແບບ ແລະສິນຄ້າຕ້ອງຫ້າມ ໃນນີ້ເປັນປະເພດສິນ ຄ້າຕ້ອງຫ້າມມີ 2 ລາຍການ (ເຄື່ອງຊອດປາ 2 ເຄື່ອງ) ສິນຄ້າປອມແປງລອກຮຽນແບບ 2 ລາຍ ການ (ເຄື່ອງຮັບສັນຍານດາວ ທຽມມີ 2 ຫົວ, ກ່ອງຮັບສັນຍານ 7 ຫົວ) ແລະປະເພດສິນຄ້າບໍລິໂພກ ໝົດອາຍຸມີຈຳນວນ 28 ລາຍການ ເປັນຕົ້ນ: ໂຄກກ່ອງໃຫຍ່ 15 ແພັກ, ນໍ້າແຟນຕ້າ 15 ແພັກ, ໂອອີຊິ 35 ກ່ອງ, ນົມແລັກຕາຊອຍ 20 ກ່ອງ, ໂຢເກິດ 35 ກ່ອງ, ເຂົ້າໜົມ ຈີນ 30 ຖົງ, ໝີ່ໄວໆ 30 ຖົງ ນອກ ຈາກນີ້ຍັງມີຄີມອາບນໍ້າ ແລະ ອື່ນໆອີກຈຳນວນໜຶ່ງ ລວມມູນຄ່າ ທັງໝົດ 7 ລ້ານກວ່າກີບ ພາຍຫຼັງ ກວດພົບສິນຄ້າດັ່ງກ່າວ ແລ້ວຄະນະຮັບຜິດຊອບກໍ່ໄດ້ຍຶດສິນຄ້າພ້ອມທັງເຮັດບົດບັນທຶກກ່າວເຕືອນ ຕໍ່ເຈົ້າຂອງຮ້ານ.

ພ້ອມກັນນັ້ນຜູ້ເຂົ້າຮ່ວມກໍ່ໄດ້ພ້ອມກັນເຜົາທຳລາຍສິນຄ້າທີ່ໝົດຄຸນນະພາບ, ເຊື່ອມຄຸນ ແລະສິນຄ້າຕ້ອງຫ້າມ, ປອມແປງລອກຮຽນແບບຢ່າງເປັນທາງການ ທັງນີ້ກໍ່ເພື່ອແນ່ໃສ່ໃຫ້ຜູ້ບໍລິໂພກພາຍໃນ ເມືອງໄດ້ຮັບຄວາມປອດໄພຈາກສິນຄ້າໝົດອາຍຸການ, ຮັບປະກັນໃຫ້ການຊື້ການຂາຍມີຄວາມໂປ່ງໃສ ແລະຖືກຕ້ອງຕາມລະບຽບຫຼັກ ການທີ່ວາງໄວ້.

-------------

 ໜັງສືພິມເສດຖະກິດ-ສັງຄັມ

 

แชร์