ແອແທັກຊີ້ນະວັດຕະກຳການເດີນທາງແບບໃໝ່ ທີ່ຈະຊ່ວຍຫຼຸດຜ່ອນລົດຕິດ

 ບໍ່ພຽງແຕ່ເມືອງໃຫຍ່ໆເທົ່ານັ້ນທີ່ປະເຊີນບັນຫາລົດຕິດແຕ່ຫຼາຍປະເທດໃຫຍ່ໆບໍ່ວ່າ ສປ ຈີນ, ຍີ່ ປຸ່ນ ຫຼື ອາເມລິກາເອງກໍເບື່ອກັບບັນຫານີ້ເໝືອນກັນຫຼາຍໆບໍລິສັດນະວັດຕະກຳຊັ້ນນຳຈຶ່ງຄິດຄົ້ນແລະພະຍາຍາມພັດທະນາສິ່ງທີ່ ເອີ້ນວ່າ Flying car ເພື່ອທີ່ພວກ ເຮົາຈະບໍ່ໄດ້ຕ້ອງທົນກັບການຕ້ອງລໍລົດຕິດຕາມຖະໜົນອີກຕໍ່ໄປ.

ໂດຍເຈົ້າ Flying car ນີ້ມີຊື່ ເອີ້ນອີກວ່າ Air taxi ຊຶ່ງຂັບເຄື່ອນດ້ວຍພະລັງງານໄຟຟ້າແບບ eVTOLs  ຊຶ່ງເຄື່ອນທີ່ຂຶ້ນລົງແບບ ແນວຕັ້ງດ້ວຍຄວາມງຽບເປັນມິດ ກັບສິ່ງແວດລ້ອມ ແລະຄ່າໃຊ້ຈ່າຍຈະຖືກກວ່າເຮລິກອບແຕຢ່າງແນ່ ນອນ.

ທັງນີ້ບໍລິສັດດ້ານເຕັກໂນໂລຊີທົ່ວໂລກກໍແຂ່ງຂັນກັນພັດທະນາເຈົ້ານະວັດຕະກຳ Flying car ນີ້ເຊັ່ນ Airbus SE, Embraer SA ແລະແນ່ນອນວ່າຕ້ອງມີ UberTechnologies Inc ໃນສະໜາມນີ້ດ້ວຍຢ່າງແນ່ນອນ ໂດຍ ບາງບໍລິສັດໄດ້ທົດລອງນຳໃຊ້ກັນ ໄປແລ້ວ ແລະກຳລັງພັດທະນາຕໍ່ໃຫ້ສົມບູນຢູ່.ຄາດວ່າໃນອະນາຄົດຂ້າງໜ້າບໍ່ເກີນ 20 ປີພາຍໃນປີ 2024 ຄົນທົ່ວໂລກຈະໄດ້ໃຊ້ນະວັດຕະກຳ Flying car ກັນແບບບິນຂຶ້ນສູ່ທ້ອງຟ້າເໝືອນໃນຮູບເງົາແອັກຊັນ-ແຟນຕາຊີຢ່າງແນ່ນອນ.

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์