ສາລະວັນ ເຜີຍແຜ່ທຳມະນູນສົງ ແລະປະກາດກຳມາທິການຕ່າງປະເທດ

  ໃນວັນທີ 19 ກັນຍາ 2019 ທີ່ສະໂມສອນແຂວງສາລະວຄະນະກຳມະການອົງການພຸດທະສາດສະໜາສຳພັນລາວ (ອພສ) ແຂວງ ສາລະວັນ ໄດ້ເຜີຍແຜ່ທຳມະນູນສົງ ແຫ່ງ ສປປ ລາວ (ສະບັບປັບປຸງ) ແລະປະກາດການນຳໃຊ້ຊື່ ເອີ້ນຂອງເຈົ້າຄະນະແຂວງ, ພ້ອມທັງແຕ່ງຕັ້ງຫົວໜ້າກຳມາທິການໆ ຕ່າງປະເທດແຂວງ,ໂດຍການເຂົ້າຮ່ວມຂອງພະຫຼັກຄຳສາລະວັນຣັດຄຸນາຈານສອນໄຊ ແກ້ວເມືອງໃຕ້ ເຈົ້າຄະນະແຂວງສາລະວັນ,ມີພະຍອດ ຄຳພັດທະຣະເກສິດຳຣົງພິມມະຈັກ ຫົວໜ້າກຳມາທິການໆ ຕ່າງປະເທດສູນກາງ ອພສ, ພ້ອມ ດ້ວຍຄະນະບໍລິຫານງານອພສ ແຂວງສາລະວັນ ແລະບັນດາພະແນກການທີ່ກ່ຽວຂ້ອງອ້ອມຂ້າງແຂວງເຂົ້າຮ່ວມ.

ພະຍອດຄຳພັດທະຣະເກສິດຳຣົງ ພິມມະຈັກ ໄດ້ກ່າວຈຸດປະສົງ ໃນການລົງເຜີຍແຜ່ທຳມະນູນສົງ ແຫ່ງ ສປປ ລາວ, ທັງດ້ານເນື້ອ ໃນ,ພາລະບົດບາດ, ສິດ ແລະໜ້າ ທີ່ເພື່ອເຮັດໃຫ້ການນຳໃຊ້ເຄື່ອນ ໄຫວວຽກງານຕ່າງໆຂອງພະສົງ ເປັນໄປຢ່າງສະດວກ, ຖືກຕ້ອງ ແລະສອດຄ່ອງກັບເນື້ອໃນຄວາມໝາຍຂອງທຳມະນູນສົງລາວສະບັບປັບປຸງປີ 2018 ທີ່ໄດ້ກຳນົດ ຫຼັກການ,ລະບຽບການ  ແລະມາດ ຕະການແນໃສ່ເຕົ້າໂຮມຄວາມສາມັກຄີຂອງບັນພະຊິດ,ພຸດທະສາ ນີກະຊົນ ແລະປະຊາຊົນບັນດາ ເຜົ່າ, ທັງພາຍໃນ, ຕ່າງປະເທດ, ທັງແມ່ນລະບຽບການປົກຄອງສູງ ສຸດຂອງອົງການຈັດຕັ້ງພະສົງ ລາວ ທີ່ສອດຄ່ອງກັບຫຼັກພະທຳ ມະ, ວິນັຍລັດຖະທຳມະນູນ, ກົດໝາຍ, ລະບຽບການ ແລະຮີດຄອງປະເພນີທີ່ກ່ຽວຂ້ອງມີທັງໝົດ 13 ໝວດ, 76 ມາດຕາ ແລະຄຳແນະນຳວ່າດ້ວຍການຈັດຕັ້ງປະຕິບັດທຳມະນູນສົງລາວກ່ຽວກັບຜູ້ ທີ່ຈະເຂົ້າບວດ,  ການເອີ້ນຊື່ນຳໜ້າບຸກຄະລາກອນສົງ, ເຄື່ອງໝາຍ,ທຸງ ແລະຕາປະທັບເພື່ອໃຫ້ມີຄວາມ ເຂົ້າໃຈຖືກຕ້ອງ, ຊັດເຈນ ແລະ  ເປັນເອກະພາບກັນຈັດຕັ້ງປະຕິບັດ ໃນຂອບເຂດທົ່ວປະເທດ.

ໃນໂອກາດດຽວກັນນັ້ນກໍ່ໄດ້ ປະກາດການຮັບຮອງແຕ່ງຕັ້ງເອົາ ຄະນະບໍລິຫານງານ ອພສ ແຂວງ ສາລະວັນ 6 ອົງ ແລະປະກາດ ພະມະຫາສັງຄະລິຂິດປະກາສິຕາ ສຸວັນນະຈາລຶກ ຫຼື ນຳໃຊ້ຊື່ເອີ້ນຄື:ພະອາຈານສອນໄຊ ແກ້ວເມືອງ ໃຕ້ ປະທານ ອພສ ແຂວງມາ ເປັນພະຫຼັກຄຳສາລະວັນຣັດຕະນະ ຄຸນາຈານເຈົ້າຄະນະແຂວງ,ພະອາຈານ ຄຳເປຈັນທະຈອນ ຮອງ ປະທານ ອພສ ແຂວງ ມາເປັນ ພະຫຼັກຄຳທັມມະຍານໂພທິຮອງ ເຈົ້າຄະນະແຂວງ ແລະພະອາຈານສີປະເສີດ ໄຊຍະປັນຍາມາເປັນພະປຣີຊາຣັດຕະນະໄຊເມທີຮອງ ເຈົ້າຄະນະແຂວງຫົວໜ້າກຳມາທິການສຶກສາສົງແຂວງ ແລະໄດ້ ປະກາດແຕ່ງຕັ້ງຄະນະກຳມາທິການຕ່າງປະເທດ 3 ອົງ, ທັງ ໄດ້ມອບກາປະທັບໃຫ້ເຈົ້າຄະນະແຂວງ ແລະຫ້ອງການບໍລິຫານ ອພສ ແຂວງສາລະວັນ.

-------------

ໜັງສືພິມເສດຖະກິດ-ສັງຄົມ

แชร์