ຢູ 16 ລາວ ໄປບໍ່ເຖິງຮອບສຸດທ້າຍ ບານເຕະຊີງແຊ້ມອາຊີ

   ໃນວັນທີ  22 ກັນຍາ ຜ່ານມານັກເຕະທິມຊາດລາວ ຮຸ່ນອາຍຸ ບໍ່ເກີນ 16 ປີ ໄດ້ລົງແຂ່ງຂັນບານ ເຕະນັດທີ 3 ພົບກັນກັບ ກຳປູເຈຍ ຢູ່ສະໜາມກີລາແຫ່ງຊາດຫຼັກ 16 ທິມຊາດລາວ ສາມາດເອົາຊະ ນະກຳປູເຈຍ 1-0, ໃນລາຍການ (AFC U-16 CHAMPION SHIP 2020 Qualifiers) ຮອບຄັດເລືອກ ກຸ່ມ J ທີ່ ສປປ ລາວ ໄດ້ຮັບກຽດເປັນເຈົ້າພາບ ໃນລະຫວ່າງວັນທີ 18-22 ກັນ ຍາ 2019 ໂດຍປະກອບມີ: ຍີ່ປຸ່ນ (ແຊ້ມເກົ່າ), ລາວເຈົ້າພາບ, ມາ ເລເຊຍ (ແຊ້ມອາຊຽນ 2019) ແລະກຳປູເຈຍ.

ເຮັດໃຫ້ທິມຊາດລາວມີ 6 ຄະແນນ ຍິງໄດ້ພຽງ 2 ປະຕູູ ແລະເສຍໄປເຖິງ 4 ປະຕູ ເຮັດໃຫ້ການ ລຸ້ນອັນດັບທີ 2 ດີທີສຸດບໍ່ເປັນດັ່ງໃຈໃນການທີຈະຕິດ 1 ໃນ 4 ທິມ  ອັນດັບ 2 ທີ່ດີເພາະປະຈຸບັນທິມ ທີມີຜົນງານດີກວ່າແມ່ນ: ອິນໂດ ເນເຊຍ, ອຸດສະເບກິດສະຖານ, ຫວຽດນາມ ແລະໄທ ຢູ່ໃນ 1-4 ທິມ ໃນອັນດັບ 2 ທີ່ດີໃນຕອນນີ້ ແລະອາດມີການປ່ຽນແປງຖ້າ ຫາກໃນກຸ່ມອື່ນແຂ່ງສຳເລັດ, ສ່ວນທິມຊາດລາວໝົດໂອກາດທີ່ຈະໄດ້ ໄປຫຼິ້ນໃນຮອບສຸດທ້າຍແນ່ນອນ ແລ້ວເພາະລົງ 3 ນັດ ຊະນະ 2 ແລະເສຍ 1 ນັດມີ 6 ຄະແນນ, ແຕ່ຜົນການໄດ້ເສຍຍັງຕິດລົບຢູ່ ເພາະຍິງໄດ້ແຕ່ພຽງ 2 ປະຕູ ແລະ ເສຍ 4 ປະຕູ,ການແຂ່ງຂັນບານເຕະຊາຍຊີງແຊ້ມອາຊີ ຮຸ່ນອາຍຸ  ບໍ່ເກີນ 16 ປີ ໃນຮອບຄັດເລືອກ 2020 ຈະຄັດເອົາທິມແຊ້ມຂອງແຕ່ລະກຸ່ມ ແລະອັນດັບ 2 ຂອງແຕ່ລະກຸ່ມດີທີສຸດ 4 ທິມ ເພື່ອເຂົ້າ ໄປຫຼິ້ນໃນຮອບສຸດທ້າຍ.

ການແຂ່ງຂັນບານເຕະຊາຍ ຢູ 16 ປີ ຊີງແຊ້ມອາຊີ 2020 ຮອບຄັດເລືອກ, ມີ 47 ທິມ ເຂົ້າຮ່ວມ, ແບ່ງເປັນ 11 ກຸ່ມໃນ 2 ຂົງເຂດຄືຂົງເຂດອາຊີຕາເວັນ ຕົກ ມີ 25 ທິມ ແບ່ງເປັນ 6 ກຸ່ມ,ກຸ່ມ A-F ແລະຂົງເຂດອາຊີຕາ ເວັນອອກ 22 ທິມ ແບ່ງເປັນ 5 ກຸ່ມ G-K, ຮູບແບບການແຂ່ງຂັນພົບກັນໝົດໃນກຸ່ມແລ້ວຄັດເອົາທີ 1 ຂອງ 11 ກຸ່ມ ບວກກັບທີ 2 ດີສຸດ 4 ທິມເພື່ອໄປແຂ່ງຂັນໃນຮອບສຸດທ້າຍ.

---------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์