ສໍາລັບຄົນທີ່ເປັນພະຍາດ ສະເກັດເງິນ ຄວນຫຼີກລ້ຽງອາຫານເຫຼົ່ານີ້

  ສະເກັດເງິນເປັນໂລກຜິວໜັງທີ່ເກີດຈາກການແບ່ງໂຕຜິດປົກກະຕິຂອງເຊວຜິວໜັງຢ່າງໄວກວ່າປົກກະຕິ ໂດຍການກະຕຸ້ນຂອງສານເຄມີຈາກເຊວເມັດເລືອດຂາວຊະນິດ (T-cell) ເຮັດໃຫ້ເກີດອັກເສບຈົນເກີດເປັນຜື່ນໜາໃຫຍ່ມີລັກສະນະສີເງິນແລະແດງທົ່ວຮ່າງກາຍສາມາດເກີດຂຶ້ນໄດ້ທຸກເພດທຸກໄວແຕ່ບໍ່ສາມາດຕິດຕໍ່ກັນໂດຍກົງຊຶ່ງອາຫານການກິນມີສ່ວນສໍາຄັນຕໍ່ກັບພະຍາດສະເກັດເງິນຫຼາຍເພາະມັນສາມາດກະຕຸ້ນເຮັດໃຫ້ແຜ່ລາມໄປທົ່ວຕົນໂຕເຮົາສະນັ້ນເພື່ອສະກັດບໍ່ໃຫ້ພະຍາດແຜ່ລາມໄປຫຼາຍເຮົາຄວນຫຼີກລ້ຽງອາຫານເຫຼົ່ານີ້:

• ບໍ່ຄວນຮັບປະທານອາຫານທີ່ມີໄຂມັນສູງ.
• ອາຫານແປຮູບຕ່າງໆເພາະອາຫານເຫຼົ່ານີ້ເຂົາ ເຈົ້າຈະໃສ່ສານກັນບູດ ຊຶ່ງຈະສົ່ງຜົນເສຍຕໍ່ສຸຂະພາບ.
• ຫຼີກລ້ຽງອາຫານປະເພດຈືນເພາະນໍ້າມັນຈະພາໃຫ້ເກີດຜື່ນສະເກັດເງິນຈະລາມອອກໄປທົ່ວ.
• ຫຼີກລ້ຽງອາຫານລົດຈັດ ເຜັດ, ເຄັມ,ສົ້ມ,ຫວານເກີນ ເມື່ອເຮົາຮັບປະທານອາຫານລົດຊາດທີ່ຈັດຫຼາຍໆມັນຈະກະຕຸ້ນການຂະຫຍາຍໂຕຂອງພະຍາດສະເກັດເງິນ.
• ຫຼີກລ້ຽງອາຫານດິບ ຫຼື ສຸກໆ ດິບໆ.
• ງົດອາຫານທະເລເຊັ່ນ: ກຸ້ງ, ຫອຍ,ປູ ປາທູ ເນື່ອງຈາກອາຫານທະເລມີສານທີ່ກໍ່ໃຫ້ເກີດການອັກເສບຊຶ່ງເຮັດໃຫ້ອາການຂອງໂລກສະເກັດເງິນ ເກີດຂຶ້ນອີກ.
• ອາຫານໝັກດອງບໍ່ວ່າຈະເປັນໝາກໄມ້ດອງ,ຜັກດອງ,ປາເຄັມ, ໄຂ່ເຄັມ,ກະປິ,ປາແດກ

• ແອວກໍຮໍແລະເຄື່ອງດື່ມທີ່ມີຄາເຟອິນ: ກາເຟ,ເຄື່ອງດື່ມຊູກໍາລັງຕ່າງໆ…

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 23/09/2019