ຊຸບຕາແຫ່ງ ສ.ເກົາຫຼີ ຄິມ ແຕຮີ ເກີດລູກຄົນທີ 2 ແລ້ວ

  ຄູ່ຮັກຊຸບຕາແຫ່ງ ສ.ເກົາຫຼີຄິມ ແຕຮີ ແລະເຣນ ໄດ້ຕ້ອນຮັບສະມາຊິກໃໝ່ຄົນທີ 2 ຂອງຄອບຄົວແລ້ວ ໂດຍຕົ້ນສັງກັດຂອງຄິມແຕຮີ ໄດ້ອອກຖະແຫຼງການຢືນຢັນວ່າເຮົາຂໍແຈ້ງຂ່າວດີໃຫ້ທ່ານຮູ້ວ່າຄູ່ຮັກຄິມ ແຕຣີ ແລະຈອງ ຈິ ຮຸນ (ເຣນ) ໄດ້ຕ້ອນຮັບສະມາຊິກໃໝ່ຂອງຄອບຄົວໃນວັນທີ 19 ກັນຍາທີ່ຜ່ານມາຊຶ່ງຄິມ ແຕຣີ ໄດ້ໃຫ້ກຳເນີດລູກຄົນທີສອງ ໂດຍ ເປັນລູກສາວຢູ່ໂຮງໝໍໃນນະຄອນ ຫຼວງເຊອູນທັງແມ່ ແລະລູກມີສຸຂະພາບ ແຂງແຮງດີ ໂດຍມີຄອບຄົວໃຫ້ຄຳອວຍພອນ ແລະເບິ່ງ ແຍງຢ່າງອົບອຸ່ນ ແລະມີຄວາມສຸກ.

ຕົ້ນສັງກັດຂໍສະແດງຄວາມຍິນດີຢ່າງຈິງໃຈ ແລະອົບອຸ່ນທັງນີ້ ຄິມ ແຕຮີຈະກັບມາສູ່ອາຊີບນັກສະແດງທີ່ດີອີກຄັ້ງຂໍໃຫ້ແຟນໆຮູບເງົາຈົ່ງສະໜັບສະໜູນລາວຕະຫຼອດໄປ, ໂດຍເຣນ ແລະຄິມ ແຕຣີ ພັດທະນາຄວາມສຳພັນເປັນຄົນຮັກ ແລະມັກຮັກກັນມາເປັນເວລາ 5 ປີກ່ອນທີ່ຈະຕັດສິນໃຈແຕ່ງດອງກັນໃນເດືອນມັງກອນປີ 2017 ແລະມີລູກສາວຄົນທຳອິດໃນເດືອນຕຸ ລາ ປີ 2017.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 23/09/2019