ແອ່ນຕີ້ໄວຣັສຈຳເປັນບໍ່ຄອມພິວເຕີ ທຸກເຄື່ອງຕ້ອງມີ ຫຼື ບໍ່

   ໂປຣແກຣມແອ່ນຕ້ີໄວຣັສຈຳເປັນແນວໃດຄອມພິວເຕີທຸກ ເຄື່ອງຕ້ອງມີໄວ້ຫຼືບໍ່ຖ້າບໍ່ມີແອນຕີໄວຣັສຈະສ່ຽງອັນຕະລາຍຫຼາຍໜ້ອຍປານໃດ.ໂປຣແກຣມແອ່ນຕ້ີໄວຣັສ (Antivirus) ທີ່ຄົນໃຊ້ຄອມພິວເຕີສ່ວນໃຫຍ່ມັກຈະມີຕິດເຄື່ອງເອົາໄວ້ຢ່າງໜ້ອຍ1 ໂປຣແກຣມແລະ ໃຊ້ກັນມາດົນຫຼາຍສິບປີແລ້ວເພື່ອເປັນການປ້ອງກັນໄວຣັສຕ່າງໆ ທີ່ຢູ່ໃນໂລກອິນເຕີເນັດບໍ່ໃຫ້ເຂົ້າມາທຳລາຍຂໍ້ມູນພາຍໃນເຄື່ອງຂອງເຮົາໄດ້ແຕ່ກໍມີຫຼາຍຄົນທີ່ເກີດຄຳຖາມໃນໃຈວ່າຈົນເຖິງຍຸກ ປະຈຸບັນນີ້ແລ້ວເຮົາຍັງຈຳເປັນຕ້ອງຫາໂປຣແກຣມແອ່ນຕີ້ໄວຣັສມາໃຊ້ກັນຢູ່ອີກບໍ່ ແລະຖ້າບໍ່ມີແອ່ນຕີ້ໄວຣັສແລ້ວຈະມີຄວາມສ່ຽງຫຼາຍໜ້ອຍປານໃດວັນນີ້ເຮົາຈະມາຫາຄຳຕອບໄປພ້ອມໆກັນ ໄພຄຸກຄາມໃນຍຸກປະຈຸບັນນີ້ນອກຈາກໄວຣັສແລ້ວກໍຍັງມີໄພຄຸກຄາມອື່ນໆອີກຫຼາຍຢ່າງບໍ່ວ່າຈະ ເປັນ Malware,Ransomvare,Phishing ແລະອື່ນໆອີກ ໂດຍ ໂປຣແກຣມແອ່ນຕີ້ໄວຣັສກໍໄດ້ພັດທະນາໃຫ້ສາມາດປ້ອງກັນໄພຄຸກຄາມເຫຼົ່ານີ້ໄດ້ດ້ວຍເໝືອນກັນ ຊຶ່ງເມື່ອທຽບກັບຍຸກສະໃໝກ່ອນແລ້ວຖືວ່າໃນຍຸກປະຈຸບັນນີ້ມີໄພຄຸກຄາມ ຫຼາຍກວ່າແຕ່ກ່ອນພໍສົມຄວນ ແລະ ແນ່ນອນວ່າຖ້າໃນເຄື່ອງຄອມພິວເຕີຂອງເຮົາບໍ່ມີໂປຣແກຣມແອ່ນຕີ້ໄວຣັສເລີຍກໍຈະເຮັດໃຫ້ມີຄວາມສ່ຽງຄ່ອນຂ້າງສູງຢ່າງໃດກໍຕາມໃນປະຈຸບັນເຮົາກໍອາດບໍ່ຈຳເປັນຕ້ອງເສຍເງິນຊື້ໂປຣແກຣມແອ່ນຕ້ີ ໄວຣັສມາໃຊ້ກໍໄດ້ເນື່ອງຈາກໃນ Windows 10 ນັ້ນໄມໂຄຣຊອຟ ໄດ້ພັດທະນາໂປຣແກຣມແອ່ນຕີ້ໄວຣັສ Windows Defender ມາພ້ອມກັບ Windows 10 ຕັ້ງແຕ່ຕົ້ນທຸກເຄື່ອງຢູ່ແລ້ວຊຶ່ງມັນກໍສາ ມາດໃຊ້ງານໄດ້ຄ່ອນຂ້າງດີ ແລະ ກາຍເປັນແອ່ນຕີ້ໄວຣັສທີ່ມີຄົນທົ່ວໂລກໃຊ້ງານຫຼາຍທີ່ສຸດໃນຂະນະນີ້ໄປແລ້ວແຕ່ຖ້າຫາກຕ້ອງການຄວາມປອດໄພເພີ່ມຂຶ້ນອີກກໍສາມາດຊື້ແອ່ນຕີ້ໄວຣັສຕົວອື່ນໆມາໃຊ້ຄວບຄູ່ກັນໄດ້.

ສະຫຼຸບແລ້ວຄອມພິວເຕີທຸກເຄື່ອງນັ້ນຄວນຈະມີໂປຣແກຣມແອ່ນຕີ້ໄວຣັສຕິດເຄື່ອງໄວ້ຢ່າງ ໜ້ອຍ 1 ໂປຣແກຣມເຖິງວ່າເຮົາຈະໃຊ້ອິນເຕີເນັດຢ່າງລະມັດລະ ວັງແລ້ວກໍຕາມການປ້ອງກັນໄວ້ ກ່ອນກໍຍ່ອມດີກວ່າສະເໝີ ຫຼືຖ້າບໍ່ຢາກເສຍເງິນຊື້ໂປຣແກຣມແອ່ນຕີ້ໄວຣັສມາໃຊ້ກໍສາມາດໃຊ້ Windows Defender ທີ່ມາພ້ອມກັບ Windows 10 ຢູ່ແລ້ວກໍໄດ້ ເໝືອນກັນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์