ເທັນນິສເຍົາວະຊົນລາວຜົນງານດີຢ່າງຕໍ່ເນື່ອງ

  ທ້າວ  ໄດມ້ອນ ບຸນທະລານັກເທັນນິສເຍົາວະຊົນ ສປປ ລາວ ໄວ 11 ປີ ທີ່ມີຜົນງານດີຢ່າງຕໍ່ເນື່ອງກວດຫຼາຍລາງວັນທັງພາຍໃນ ແລະຕ່າງປະເທດຫຼ້າສຸດໄດ້ໄປ ຮ່ວມການແຂ່ງຂັນເທັນນິສນາໆ ຊາດ ໃນລາຍການ SENKO CUPWorld junior tennis tour championship 2019ນະຄອນຫຼວງໂຕກຽວປະເທດຍີ່ປຸ່ນ.

ໃນວັນທີ 13-22 ກັນຍາ 2019 ຊຶ່ງເປັນຄັ້ງທຳອິດຂອງໄດມ້ອນ ແລະເພື່ອນນັກກີລາອີກ 2 ຄົນ ໄດ້ໄປຄົ້ນຫາປະສົບການໃໜ່ທີ່ ແດນຊາມູໄຣ,ຊຶ່ງໄດມ້ອນເປັນນັກກີລາທີ່ມີຜົນງານດີເດັ່ນສຸດໃນການແຂ່ງຂັນຄັ້ງນີ້ ໂດຍສະເພາະວັນທີ 19 ກັນຍານີ້ ໄດ້ລົງແຂ່ງຂັນປະ ເພດຊາຍດ່ຽວລຸ່ນອາຍຸ 11 ປີ ໄດມ້ອນສາມາດເອົາຊະນະ 3 ຈາກ 4 ນັດຄື:ຊະນະນັກກີລາຈາກໄທ 6-3, ຊະນະນັກກີລາຍີ່ປຸ່ນ 6-4,ຊະນະອົດສະຕຣາລີ 6-2 ແລະ ເສຍໃຫ້ນັກກີລາຈາກຈີນ 1-6 ໄດ້ອັນດັບ 2 ຂອງກຸ່ມ, ເຂົ້າໄປລຸ້ນ ກຸ່ມທີ 2 ຮອບຕໍ່ໄປ, ໃນກຸ່ມ D ປະກອບມີຍີ່ປຸ່ນ ເຈົ້າພາບ, ສປປ ລາວ, ໄທ, ອົດສະຕຣາລີ ແລະສປຈີນ.

ການແຂ່ງຂັນໃນລາຍການ SENKO CUP World juniortennis tour championship 2019 ມີນັກເທັນນິສເຍົາວະຊົນຈາກ 18 ປະເທດເຂົ້າຮ່ວມການ ແຂ່ງຂັນມີທັງປະເພດທິມຍິງ, ທິມຊາຍ, ດ່ຽວຍິງ, ດ່ຽວຊາຍ, ໃນຮຸ່ນ ອາຍຸ 11 ປີ, 13 ປີ, ແລະ15 ປີ, ຊຶ່ງຮູບແບບຂອງການແຂ່ງຂັນ ຮອບທຳອິດແບບພົບກັນໝົດໃນກຸ່ມ, ມີນັກກີລາເຂົ້າຮ່ວມ 23 ຄົນ, ແບ່ງ ເປັນ 4 ກຸ່ມ ແລ້ວຄັດເອົາທີ 1 ຂອງແຕ່ລະກຸ່ມໄປຊີງຂັນດັບທີ 1ສ່ວນທີ 2 ຂອງແຕ່ລະກຸ່ມກໍມາພົບ ກັນເພື່ອຊີງຂັນອັນດັບ 2, ສ່ວນທີ 3 ແລະ4 ຂອງກຸ່ມໄປແຂ່ງຂັນຈັດອັນດັບຕໍ່ໄປ.

ສຳລັບໃນຮອບທີ 2 ການຊີງ ຂັນອັນດັບ 2 ສປປ ລາວ ຢູ່ຮ່ວມ ກຸ່ມກັບນັກກີລາຈາກຍີ່ປຸ່ນ ເຈົ້າພາບ ແລະ2 ນັກກີລາຈາກຮົງກົງ, ສ່ວນນັກກີລາເທັນນິສເຍົາວະຊົນລາວ ອີກ 2 ຄົນຄື: ທ້າວ ເຄນນີ້ ຄຳສິງ ນັກກີລາຈາກແຂວງຫຼວງພະບາງ ລົງແຂ່ງຂັນປະເພດຊາຍດ່ຽວຮຸ່ນ ອາຍຸ 13 ປີ ແລະທ້າວ ໄຊຊະຫວັດ ຈັນຊົມພູ ລົງແຂ່ງຮຸ່ນອາຍຸ 15 ປີ ຈົບໃນຮອບແບ່ງກຸ່ມໃນອັນດັບທີ 6.

ການແຂ່ງຂັນໃນຄັ້ງນີ້ສະຫະພັນກີລາເທັນນິສນະຄອນຫຼວງ ໄດ້ສົ່ງຄະນະນັກກີລາເຂົ້າຮ່ວມ 5 ຄົນນຳໂດຍທ່ານ ຕຸ້ຍບຸນທະລາປະທານເທັນນິສນະຄອນຫຼວງວຽງຈັນ ເປັນຄະນະນຳພາ, ທ່ານ ຈິດ ຕະກອນໄຊຍະລິນ ເປັນຄູຝຶກພ້ອມດ້ວຍນັກກີລາ 3 ຄົນ ຄື: ທ້າວໄດ ມ້ອນ ບຸນທະລາ ລົງແຂ່ງຂັນຮຸ່ນອາຍຸບໍ່ເກີນ 11 ປີ, ທ້າວ ເຄນນີ້ ຄຳສິງ ລົງແຂ່ງຂັນຮຸ່ນອາຍຸບໍ່ເກີນ 13 ປີ ແລະທ້າວ ໄຊຊະຫວັດ ຈັນ ຊົມພູ ລົງແຂ່ງຮຸ່ນອາຍຸ 15.

-----------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์