ເມືອງນອງ ປະກາດຈົບຊັ້ນມັດທະຍົມຕອນຕົ້ນບໍາລຸງ

  ພິທີປະກາດຈົບຊັ້ນມັດທະຍົມຕອນຕົ້ນບໍາລຸງສໍາລັບປະຊາຊົນທົ່ວເມືອງນອງໄດ້ຈັດຂື້ນໃນວັນທີ 19 ກັນຍາ 2019 ທີ່ສະໂມສອນຂອງເມືອງ ໂດຍເປັນກຽດເຂົ້າຮ່ວມຂອງທ່ານ ຄໍາຜາຍສີສະຫວັນຮອງລັດຖະມົນຕີກະຊວງ ສຶກສາທິການ ແລະກີລາ, ທ່ານ ຄໍາພູນ ຕຸໄພທູນ ຮອງເຈົ້າແຂວງສະຫວັນນະເຂດ, ການນໍາເມືອງພ້ອມດ້ວຍແຂກທີ່ຖືກເຊີນ ແລະ ບັນດາຜູ້ບໍລິຫານການສຶກສາ ແລະ ຄູ-ອາຈານຈາກໂຮງຮຽນແຫ່ງ ຕ່າງໆພາຍໃນເມືອງຕະຫຼອດຮອດນັກສຶກສາຈົບບໍາລຸງເຂົ້າຮ່ວມ.

ທ່ານ ກາດໍາ ເຜີຍຊະນະວົງຫົວໜ້າຫ້ອງການສຶກສາທິການ ແລະກີລາເມືອງກ່າວວ່າ:ທົ່ວເມືອງ ມີໂຮງຮຽນລ້ຽງເດັກ ແລະໂຮງ ຮຽນອະນຸບານ (ເອກະລາດ 1 ແຫ່ງ) ແລະໂຮງຮຽນອະນຸບານ(ຕິດແປະກັບຊັ້ນປະຖົມ) ທັງໝົດ 35 ແຫ່ງ, ໂຮງຮຽນປະຖົມ 76 ແຫ່ງ (ປະຖົມສົມບູນມີທັງໝົດ 67 ແຫ່ງ)ໂຮງຮຽນມັດທະຍົມທັງ ໝົດ 6 ແຫ່ງ (ມັດທະຍົມສົມບູນ 6 ແຫ່ງ) ຈໍານວນຫ້ອງຮຽນ ມ ຕົ້ນ ທັງໝົດ 33 ຫ້ອງ, ຈໍາ ນວນຄູລວມທັງໝົດ 86 ຄົນ, ຍິງ 46 ຄົນ ໃນນັ້ນຄູອາສາສະ ໝັກ 23 ຄົນ, ຍິງ 14 ຄົນ.ມີຈໍານວນຫ້ອງຮຽນມັດທະຍົມຕອນປາຍທັງໝົດ 14 ຫ້ອງ, ມີນັກຮຽນຊັ້ນມັດທະຍົມຕອນປາຍທັງໝົດ 354 ຄົນ, ຍິງ 140 ຄົນ ທຽບ ໃສ່ປີຜ່ານມາແມ່ນເພີ່ມຂຶ້ນ 63  ຄົນ. ສໍາລັບວຽກງານບໍາລຸງຍົກລະດັບທົ່ວເມືອງມີກຸ່ມເປົ້າໝາຍເຂົ້າຮຽນຊັ້ນມັດທະຍົມທັງໝົດ 429 ຄົນ, ຍິງ 30 ຄົນ, ຮຽນຈົບ ມ.ຕົ້ນບໍາລຸງທັງໝົດ 424 ຄົນ,ຍິງ 30 ຄົນ ເທົ່າກັບ 98,63%. ສ່ວນຜົນສໍາເລັດຂອງການຍົກລະດັບການສຶກສາມັດທະຍົມຕົ້ນບໍາລຸງພາຍຫຼັງທີ່ໄດ້ປະກາດຈົບຊັ້ນປະຖົມສຶກສາບໍາລຸງໃຫ້ແກ່ປະຊາຊົນທົ່ວເມືອງໃນປີ 2014 ແລ້ວ,ສືບຕໍ່ປະຕິບັດຕາມແຜນຍຸດທະສາດປະຕິຮູບລະບົບການສືກສາແຫ່ງຊາດ ໂດຍ

ຂະຫຍາຍຕາໜ່າງ ການສຶກສາທາງໃນແລະນອກ ໂຮງຮຽນໄປພ້ອມໆກັນ ໂດຍອີງ ໃສ່ 3 ແຜນງານໃຫຍ່ທີ່ກະຊວງ ສຶກສາທິການ ແລະກີລາວາງອອກ ໂດຍອີງໃສ່ມະຕິກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງ ສະຫວັນນະເຂດທີ່ໄດ້ວາງຄາດ ໝາຍໃຫ້ເມືອງນອງສູ້ຊົນຈັດຕັ້ງປະຕິບັດການຍົກສູງລະດັບການ ສຶກສາຊັ້ນມັດທະຍົມຕົ້ນບໍາລຸງໃຫ້ປະຊາຊົນທົ່ວເມືອງຮອດປີ 2018 ໃຫ້ສໍາເລັດ, ດັ່ງນັ້ນຄະນະພັກ-ອົງການປົກຄອງເມືອງ ແລະຫ້ອງການສຶກສາທິການ ແລະກີລາເມືອງໄດ້ປະສານສົມທົບ ແລະພ້ອມກັນຈັດ ຕັ້ງປະຕິບັດຂະບວນການຍົກລະດັບການສຶກສາຊັ້ນມັດທະຍົມບໍາ ລຸງໃຫ້ແຕ່ລະບ້ານ ຊຶ່ງໄດ້ປະຕິບັດນັບຕັ້ງແຕ່ສົກຮຽນ 2015 ເປັນຕົ້ນມາເຖິງປີ 2018 ໄດ້ຈັດຕັ້ງປະຕິບັດການຮຽນ-ການສອນຊັ້ນມັດທະຍົມຕົ້ນບໍາລຸງໃຫ້ປະຊາຊົນສໍາເລັດຈໍານວນ 69 ບ້ານ,ປະຊາກອນເກນອາຍຸ 15-30 ປີ 2.796 ຄົນ, ຍິງ 1,330 ຄົນ,ຈົບສາມັນ ໄປແລ້ວ 1,983 ຄົນ, ຍິງ 1,300 ຄົນ, ໃນນັ້ນກຸ່ມເປົ້າໝາຍຍັງຄ້າງ ພຽງ 429 ຄົນ, ຍິງ 30 ຄົນ. ຜ່ານການຈັດຕັ້ງການຮຽນ-ການສອນແຕ່ປີ 2015 ຮອດປີ 2018 ສາມາດຈັດການຮຽນ-ການສອນໄດ້ 69 ບ້ານ ແລະເສັງຈົບຊັ້ນມັດທະຍົມຕອນຕົ້ນໄດ້ແລ້ວ 410 ຄົນ, ຍິງ 28 ຄົນ ທຽບໃສ່ ເປົ້າໝາຍ 429 ຄົນ, ຍິງ 30 ຄົນ ແລະຜ່ານການປະເມີນຈາກຫ້ອງການສຶກສາທິການ ແລະກີລາເມືອງ ເຫັນວ່າປະຕິບັດໄດ້ຕົວຈິງຈໍານວນ 410 ຄົນ, ຍິງ 28 ຄົນ ແລະຍັງ ບໍ່ຜ່ານຈໍານວນ 19 ຄົນ, ຍິງ 2 ຄົນ ເທົ່າກັບ 95,57%; ພະແນກສຶກສາແຂວງປະເມີນໄດ້ 396 ຄົນ, ຍິງ28 ຄົນ, ບໍ່ຜ່ານ 4 ຄົນເທົ່າກັບ 96,60% ແລະກະຊວງສຶກສາປະເມີນຜ່ານ 424 ຄົນ, ຍິງ28 ຄົນ ບໍ່ຜ່ານ 5 ຄົນ ເທົ່າກັບ 98,83%.

---------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์