ສພຂ ເຊກອງ ຕິດຕາມກວດກາພື້ນທີ່ນໍ້າຖ້ວມ

  ລະຫວ່າງວັນທີ 12-13 ກັນຍາ 2019 ທ່ານ ພອນເພັດຄິວລະວົງ ສະມາຊິກສະພາແຫ່ງຊາດປະຈໍາເຂດ ທີ 16,ປະທານສະພາປະຊາຊົນແຂວງ ເຊກອງ ພ້ອມດ້ວຍສະມາຊິກສະພາປະຊາຊົນແຂວງ ແລະຄະນະນໍາ ເມືອງ ທ່າແຕງໄດ້ລົງຕິດຕາມກວດກາພື້ນ ທີ່-ທີ່ໄດ້ຮັບຜົນກະທົບຈາກໄພພິບັດຢູ່ເມືອງທ່າແຕງ.ໃນການລົງຄັ້ງນີ້ແມ່ນໄດ້ຕິດຕາມກວດກາຜົນເສຍຫາຍຕົວຈິງທີ່ໄດ້ຮັບຜົນກະທົບຈາກໄພພິບັດ ໂດຍສະເພາະເນື້ອທີ່ທໍາການຜະລິດຂອງປະຊາຊົນທີ່ໄດ້ຮັບຜົນເສຍຫາຍຢູ່ເມືອງທ່າແຕງ ເປັນຕົ້ນຜົນເສຍຫາຍຢູ່ຕາມລຽບຫ້ວຍ-ຮ່ອງບໍລິເວນບ້ານຈຸງຮຸງໃຕ້,ບ້ານໂທນໃຫຍ່,ບ້ານປະແຫຼງໃຕ້,ອ່າງ ເກັບນໍ້າຊົນລະປະທານບ້ານລີກ, ຈຸດ ຂົວຂາດຈາກການເຊາະທັ່ງຂອງກະ ແສນໍ້າຢູ່ບ້ານແສນ, ເສັ້ນທາງຕັດຂາດຈາກການໄຫຼຊຸຂອງນໍ້າຫ້ວຍເລນບ້ານເກາະຫົວພູ, ເສັ້ນທາງເຊາະ ເຈື່ອນ-ດິນພູເຈື່ອນຖົມທາງລະຫວ່າງ ບ້ານຕະກຽວ-ຕຸ້ມຍໍ ແລະດິນເຊາະ ເຈື່ອນທັບຖົມຮ່ອງຊົນລະປະທານຢູ່ ບ້ານທົ່ງຫວາຍແລະບ້ານດອນຊາ.

ນອກຈາກຕິດຕາມກວດກາຜົນ ເສຍຫາຍຂອງພໍ່ແມ່ປະຊາຊົນແລ້ວ ຍັງເປັນການຢ້ຽມຢາມຖາມຂ່າວເຖິງ ຊີວິດການເປັນຢູ່ຂອງພໍ່ແມ່ປະຊາຊົນຫຼັງໄພພິບັດ ທ່ານ ປະທານ ສພຂ ຍັງ ໄດ້ອະທິບາຍຊີ້ແຈງໃຫ້ປະຊາຊົນໄດ້ ຮັບຮູ້ເຖິງສະພາບດິນຟ້າອາກາດຢູ່ ໃນໂລກກໍຄືພາກພື້ນແມ່ນມີການປ່ຽນ ແປງໄປນັບມື້ ແລະມັນອາດຈະເກີດຂຶ້ນໃນທຸກໆປີໂດຍທີ່ເຮົາບໍ່ຄາດຄິດ ຊຶ່ງຈະກໍ່ໃຫ້ເກີດຜົນເສຍຫາຍທາງ ດ້ານຊັບສິນຂອງລັດກໍຄື ພໍ່ແມ່ປະຊາຊົນເປັນຕົ້ນເຮັດໃຫ້ມີຜົນກະທົບທາງ ດ້ານການຄົມມະນາຄົມ, ເສັ້ນທາງ ຕັດຂາດ, ຂົວຫັກເປ່ເພ, ລະບົບໄຟຟ້າ,ນໍ້າປະປາຕິດຂັດ, ລະບົບຊົນລະປະ ທານບາງບ່ອນຕັດຂາດບາງບ່ອນອັ່ງອໍລົ້ນເຫຼືອຊຸທັ່ງເຂົ້າໃສ່ບ້ານເຮືອນ ແລະເນື້ອທີ່ທໍາການຜະລິດຂອງປະ ຊາຊົນ, ເຮັດໃຫ້ເສັ້ນທາງເປ່ເພ,ຂົວຂາດປະຊາຊົນພົບຄວາມຫຍຸ້ງຍາກ ໃນການສັນຈອນໄປມາຫາສູ່ລະຫວ່າງ ບ້ານຕໍ່ບ້ານ ດັ່ງນັ້ນ,ຈິ່ງຮຽກຮ້ອງມາຍັງອໍານາດການປົກຄອງກໍຄືພໍ່ແມ່ປະຊາຊົນຈົ່ງມີສະຕິເຝົ້າລະວັງຕະຫຼອດ ຍົກຍ້າຍຈັນສັບ້າເຮືອນ, ເລົ້າເຂົ້າ ແລະສິ່ງຂອງຈໍາເປັນຈາກທີ່ຕໍ່າ, ແຄມຫ້ວຍຮ່ອງໃຫ້ຂຶ້ນໄປໄວ້ຢູ່ທີ່ສູງ ແລະປອດໄພກວ່າສິ່ງສໍາຄັນພໍ່ແມ່ປະຊາຊົນຕ້ອງມີຄວາມສາມັກຄີຊ່ວຍ ເຫຼືອເຊິ່ງກັນ ແລະກັນຢ່າງເປັນປົກ ກະຕິ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์