ຫຼວງນໍ້າທາມອບ-ຮັບໜ້າທີ່ຫົວໜ້າພະແນກກະສິກຳ ແລະປ່າໄມ້

    ວັນທີ 17 ກັນຍາ 2019 ທີ່ພະແນກກະສິກຳ ແລະປ່າໄມ້ແຂວງຫຼວງນໍ້າທາໄດ້ຈັດພິທີມອບ-ຮັບໜ້າທີ່ຫົວໜ້າພະແນກກະສິກຳ ແລະປ່າໄມ້ ແຂວງ, ເຂົ້າຮ່ວມຂອງ ທ່ານ ເພັດຖາ ວອນ ພິລະວັນ ເຈົ້າແຂວງໆຫຼວງນໍ້າ ທາ, ທ່ານ ຄຳໄຫຼ ສີປະເສີດຫົວໜ້າ ພະແນກກະສິກຳ ແລະປ່າໄມ້ແຂວງຜູ້ ເກົ່າ,ມີຄະນະຈັດຕັ້ງແຂວງ,ຫົວໜ້າພະແນກ-ຮອງຫົວໜ້າພະແນກ, ຫົວໜ້າຫ້ອງການກະສິກຳ ແລະປ່າໄມ້ 5 ເມືອງ ແລະພະນັກງານລັດຖະກອນພາຍໃນພະແນກກະສິກໍາ ແລະປ່າໄມ້ ແຂວງເຂົ້າຮ່ວມ.

ທ່ານ ຈັນທະໜອມ ຂັນທະລາດ ຮອງຫົວໜ້າຄະນະຈັດຕັ້ງແຂວງຫຼວງ ນໍ້າທາກ່າວວ່າ: ເພື່ອປະຕິບັດຕາມ ມາດຕາ 19 ແລະມາດຕາ 20 ວ່າດ້ວຍ ພາລະບົດບາດສິດ ແລະໜ້າທີ່ຂອງ ເຈົ້າແຂວງ, ເຈົ້ານະຄອນຫຼວງນໍ້າທາຂອງກົດໝາຍວ່າດ້ວຍການປົກຄອງທ້ອງຖິ່ນສະບັບປັບປຸງສະບັບເລກທີ 68/ສພຊ ລົງວັນທີ 14 ທັນວາ 2015 ແລະຂໍ້ຕົກລົງຂອງທ່ານເຈົ້າແຂວງ ສະບັບເລກທີ 686/ຈຂ ລົງວັນທີ 9 ກັນຍາ 2019 ວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່, ຂໍ້ຕົກ ລົງຂອງທ່ານເຈົ້າແຂວງສະບັບເລກທີ685/ຈຂ ລົງວັນທີ 9 ກັນຍາ 2019 ວ່າດ້ວຍການແຕ່ງຕັ້ງຮອງເຈົ້າແຂວງໆ ຫຼວງນໍ້າທາ ແລະປະຕິບັດຕາມການ ແຈ້ງການຂອງຄະນະຈັດຕັ້ງສູນກາງພັກ ສະບັບເລກທີ 106/ຄຈສພ ລົງວັນ ທີ 10 ພຶດສະພາ 2019 ແລະມະຕິຕົກລົງຂອງກອງປະຊຸມສະພາປະຊາຊົນ ແຂວງຫຼວງນໍ້າທາ ວ່າດ້ວຍການຮັບຮອງເອົາການແຕ່ງຕັ້ງຮອງເຈົ້າ ແຂວງໆຫຼວງນໍ້າທາ ສະບັບເລກທີ 43/ສພຂ ລົງວັນທີ 28 ສິງຫາ 2019, ເຈົ້າແຂວງຕົກລົງແຕ່ງຕັ້ງ ທ່ານ ຄຳໄຫຼ ສີປະເສີດ ຫົວໜ້າພະແນກກະສິກຳ ແລະປ່າໄມ້ແຂວງຜູ້ເກົ່າຂຶ້ນຮັບໜ້າທີ່

ໃໝ່ເປັນຮອງເຈົ້າແຂວງໆຫຼວງ ນໍ້າທາ ແລະແຕ່ງຕັ້ງ ທ່ານ ພິມແກ້ວ ທຳລະສິນ ຮອງຫົວໜ້າພະແນກກະ ສິກຳ ແລະປ່າໄມ້ ແຂວງຫຼວງນໍ້າທາຂຶ້ນຮັກສາການຫົວໜ້າພະແນກກະສິ ກຳ ແລະປ່າໄມ້ແຂວງຫຼວງນໍ້າທາ, ໃນພິທີການແຕ່ງຕັ້ງໄດ້ລົງນາມເຊັນ ມອບ-ຮັບໜ້າທີ່ລະຫວ່າງ ທ່ານ ຄຳ ໄຫຼ ສີປະເສີດ ຫົວໜ້າພະແນກກະສິ ກຳ ແລະປ່າໄມ້ແຂວງຜູ້ເກົ່າເປັນຮອງ ເຈົ້າແຂວງໆຫຼວງນໍ້າທາ ແລະທ່ານ ພິມແກ້ວ ທຳລະສິນ ຮອງຫົວໜ້າພະ ແນກກະສິກຳ ແລະປ່າໄມ້ແຂວງຂຶ້ນຮັກສາການຫົວໜ້າພະແນກກະສິກຳ ແລະປ່າໄມ້ແຂວງຫຼວງນໍ້າທາ.

ທ່ານ ເພັດຖາວອນ ພິລະວັນ ເຈົ້າ ແຂວງໆຫຼວງນໍ້າທາກໍ່ໄດ້ໂອ້ລົມຕໍ່ພິ ທີກ່ອນອື່ນທ່ານກໍ່ໄດ້ຍ້ອງຍໍຕໍ່ການຊີ້ ນຳໆພາໃນໄລຍະຜ່ານມາ ແລະໄດ້ ຮຽກຮ້ອງສືບຕໍ່ໃນການປະຕິບັດໜ້າ ທີ່ຂອງຫົວໜ້າພະແນກກະສິກໍາ-ປ່າໄມ້ ຜູ້ໃໝ່ເພີ່ມທະວີຕໍ່ໜ້າທີ່ການເມືອງໃຫ້ ໜັກແໜ້ນ, ຊີ້ນຳໆພາພະນັກງານລັດຖະກອນໃຫ້ມີຄຸນທາດການເມືອງ,ສິນທຳປະຕິວັດ,ໃຫ້ມີແບບແຜນວິທີເຮັດວຽກ, ເພີ່ມທະວີຄວາມສາມັກຄີໃຫ້ເປັນເອກະພາບເຮັດວຽກແບບ ລວມສູນປະຊາທິປະໄຕ, ມີການແບ່ງວຽກໃຫ້ບຸກຄົນຮັບຜິດຊອບ, ເປັນເຈົ້າການປະຕິບັດລະບຽບກົດໝາຍຕີຕ້ານປາກົດການຫຍໍ້ທໍ້ໃນສັງຄົມ ແລະສືບຕໍ່ສູ້ຊົນເຮັດໃຫ້ວຽກງານວິຊາສະເພາະໃຫ້ໄດ້ຕາມຄາດໝາຍ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์