ກໍາມະບານຮາກຖານ ຮພສ ສຳເລັດກອງປະຊຸມໃຫຍ່ ຄັ້ງທີ XIII

   ກອງປະຊຸມໃຫຍ່ຄັ້ງທີ XIII ຂອງກໍາມະບານຮາກຖານ ບໍລິສັດລັດວິສາຫະກິດໂຮງພິມສຶກສາ (ຮພສ) ໄດ້ຈັດຂຶ້ນໃນວັນທີ 17 ກັນຍາຜ່ານມາທີ່ ນະຄອນຫຼວງວຽງຈັນ ໂດຍໃຫ້ກຽດການເປັນປະທານຂອງທ່ານ ຄໍາບອນ ບຸນນະລາດ ເລຂາໜ່ວຍພັກຜູ້ຊີ້ນໍາອົງການຈັດຕັ້ງມະຫາຊົນຮພສ,ທ່ານ ອຸ່ນຄໍາ ອວນສະຫວັນຄະນະບໍລິຫານງານສາຫະພັນ ສສກ, ມີບັນດາຄະນະ, ຫົວໜ້າຈຸ, ຮອງຈຸ, ສະມາຊິກກໍາມະບານຮາກຖານ ຮພສ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ບໍລິສັດລັດວິສາຫາກິດໂຮງພິມສຶກສາແມ່ນອົງການຈັດຕັ້ງມະຫາຊົນໜຶ່ງທີ່ກວ້າງຂວາງ, ເປັນອົງ ການເຕົ້າໂຮມສາມັກຄິ, ຄວາມເປັນເອກະພາບໃນການປົກປ້ອງຜົນປະໂຫຍດອັນຊອບທໍາຂອງບັນດາ ພະນັກງານ-ກໍາມະກອນ, ສະມາຊິກກໍາມະບານ ແລະພາຍໃຕ້ການຊີ້ນໍາພາຂອງຄະນະໜ່ວຍພັກ,ຄະນະອໍານວຍການບໍລິສັດ ລັດວິສາຫະກິດໂຮງພິມສຶກສາ ເປັນຫົວໜ່ວຍການຜະລິດ-ທຸລະກິດ ແລະສະໜອງປຶ້ມຕໍາລາແບບຮຽນໃຫ້ແກ່ຂະແໜງການສຶກສາ.

ທ່ານ ຄໍາບອນ ບຸນນະລາດໄດ້ສະຫຼຸບຕີລາຄາຄືນແຜນການເຄື່ອນໄຫວວຽກງານ, ການຊີ້ນໍາ-ນຳພາ ຂອງກໍາມະບານຮາກຖານ ຮພສ ໃນໄລຍະຜ່ານມາ (2015-2019) ແລະວາງທິດທາງແຜນການ ທີ່ຈະຕ້ອງສຸມໃສ່ໃນຕໍ່ໜ້າ (2019-2024), ຊຶ່ງໄລ ຍະຜ່ານມາ ກໍາມະບານຮາກຖານ ຮພສ ມີໄດ້ເອົາ ໃຈໃສ່ນຳພາສະມາຊິກກໍາມະບານ, ພະນັກງານ-ກໍາ ມະກອນປະຕິບັດໜ້າທີ່ວຽກງານ ທີ່ຖືກມອບໝາຍ ດ້ວຍຄວາມຕັ້ງໜ້າ ແລະມີຄວາມຮັບຜິດຊອບສູງ, ປະຈຸບັນພາຍໃນກໍາມະບານຮາກຖານ ຮພສ ທັງໝົດ 64 ສະຫາຍ ຍິງ 22 ສະຫາຍ, ສະມາຊິກພັກ 28 ສະຫາຍ ຍິງ 13 ສະຫາຍ, ສະມາຊິກແມ່ຍິງ 22 ສະຫາຍ ແລະສະມາຊິກຊາວໜຸ່ມ 26 ສະຫາຍ ຍິງ 4 ສະຫາຍ;ວຽກງານຂະບວນການ ແລະວິຊາສະເພາະເຫັນວ່າກໍາມະບານຮາກຮາກຖານ ຮພສ ໄດ້ມີຄວາມເປັນເອກະພາບກັນເອົາໃຈໃສ່ປິ່ນອ້ອມວຽກງານສະເພາະຢ່າງຕັ້ງໜ້າຂະບວນການຜະລິດປຶ້ມແບບ ຮຽນ, ຄູ່ມືຄູແຕ່ຊັ້ນອານຸບານສຶກສາມັດທະຍົມປາຍ ແລະສິ່ງພິມວິຊາການຕ່າງໆອອກຮັບໃຊ້ສັງຄົມ.

ສໍາລັບທິດທາງແຜນການເຄື່ອນໄຫວວຽກງານຂອງກໍາມະບານຮາກຖານ ຮພສ ໃນ 5 ປີຕໍ່ໜ້າ 2019-2024 ຕ້ອງເອົາໃຈໃສ່ສຶກສາອົບຮົມພະນັກ ງານ-ກໍາມະກອນ ແລະສະມາຊິກກໍາມະບານໃຫ້ມີທັດສະນະຊົນຊັ້ນກໍາມະກອນ, ຍົກສູງລະດັບຄວາມ ຮູ້,ຄວາມສາມາດ ແລະວິຊາສະເພາະໃຫ້ນັບມື້ນັບສູງຂຶ້ນ, ປັບປຸງແບບແຜນວິທີເຮັດວຽກ, ລະບົບການ ຊີ້ນໍາ-ນໍາພາ ແລະການປະສານສົມທົບວຽກງານກັບສະຫະພັນແມ່ຍິງ ຮພສ, ຄະນະຊາວໜຸ່ມປະຊາ ຊົນປະຕິວັດລາວ ຮພສ, ປະຕິບັດມະຕິຄໍາສັ່ງຂອງ ໜ່ວຍພັກ ແລະແຜນການອໍານາດການປົກຄອງໃຫ້ປາກົດຜົນເປັນຈິງ ແລະປັບປຸງສະຖານະພາບຂອງ ກໍາມະບານຮາກຖານ ຮພສ ໃຫ້ເປັນຕົວແທນແກ່ ພະນັກງານ-ກໍາມະບານໃຫ້ບັນລຸຕາມຈຸດປະສົງ ແລະລະດັບຄາດໝາຍ.

ໃນກອງປະຊຸມດັ່ງກ່າວໄດ້ປ່ອນບັດຄັດເລືອກເອົາກໍາມະບານຮາກຖານ ຮພສ ຊຸດໃໝ່ຈຳນວນ 3 ສະຫາຍໃນການສືບຕໍ່ນຳພາສະມາຊິກກໍາມະບານຮາກຖານ ຮພສ ຈັດຕັ້ງປະຕິບັດວຽກງານໃຫ້ໄດ້ຮັບຜົນສຳເລັດ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์