ເຫດນໍ້າຖ້ວມໃນກຳປູເຈຍເສຍຊີວິດ 11 ຄົນ

  ເກີດເຫດນໍ້າຖ້ວມຮຸນແຮງ ໃນຫຼາຍແຂວງຂອງກຳປູເຈຍ ເຮັດໃຫ້ປະຊາຊົນຫຼາຍພັນຄອບຄົວ ຕ້ອງອົບພະຍົບອອກຈາກພື້ນທີ່ ປະສົບໄພ.ຕາມຂ່າວຕ່າງປະເທດລາຍ ງານວ່າ: ທ່ານ ຄຸນ ຄິມປະທານຄະນະກຳມະການບໍລິຫານຈັດ ການໄພພິບັດແຫ່ງຊາດຂອງກຳປູ ເຈຍເປີດເຜີຍໃນວັນທີ 18 ກັນຍາຜ່ານມາວ່າ: ມີຜູ້ເສຍຊີວິດແລ້ວ 11 ຄົນ ຊຶ່ງລວມທັງເດັກນ້ອຍ 2 ຄົນ ແລະປະຊາຊົນ 10.000 ຄອບຄົວຕ້ອງອົບພະຍົບອອກຈາກພື້ນທີ່ໃນ 14 ແຂວງ ໃນໄລ ຍະ 10 ວັນທີ່ຜ່ານມາເນື່ອງຈາກນໍ້າຖ້ວມໃນລະດັບວິກິດ ໂດຍມີບ້ານເຮືອນທັງໝົດ 1 ແສນຫຼັງ,ພື້ນທີ່ທົ່ງນາເສຍຫາຍທັງໝົດ 156.250 ໄຣ່ ແລະພື້ນທີ່ດ້ານກະສິກຳອື່ນໆຈົມຢູ່ໃຕ້ນໍ້າ 31.250 ໄຣ່.ພີເອັນເອັນທີວີໂທລະພາບທ້ອງຖິ່ນຂອງກຳປູເຈຍໄດ້ເຜີຍແຜ່ຮູບພາບໃຫ້ເຫັນໝູ່ບ້ານຫຼາຍ ແຫ່ງຖືກນໍ້າຖ້ວມໜັກລວມທັງໝູ່ ບ້ານໃນແຂວງ ໄພແວງເຮັດໃຫ້ ປະຊາຊົນຕ້ອງໃຊ້ເຮືອໃນການເດີນທາງອອກຈາກໝູ່ບ້ານ. ເມື່ອວັນອາທິດທີ່ຜ່ານມາກະຊວງຊັບພະຍາກອນນໍ້າຄາດຄະ ເນລະດັບນໍ້າຈະຍັງເພີ່ມສູງຂຶ້ນເລື້ອຍໆໃນຫຼາຍແຂວງ ຊຶ່ງລວມ ທັງແຂວງໄພແວງອີກດ້ວຍ.

 ພາບ ແລະຂາ່ວຈາກ:ໜັງສືພິມເສດຖະກິດ-ສັງຄົມ

แชร์