ຊິງເກິ້ລໃໝ່ຂອງເລ ທີ່ມາພ້ອມກັບຄວາມອົບອຸ່ນ

  ໃນວັນທີ 9 ເດືອນ 9 ທີ່ຜ່ານມາ ຈາງອິ້ຊິງ (ເລ EXO) ໄດ້້ປ່ອຍຊິິງເກິ້ລໃໝ່ທີ່ມາພ້ອມ ກັບຄາແຣ໊ກເຕີໃໝ່ສຸດອົບອຸ່ນຮັບລະດູໃບໄມ້ປົ່ງເອົາໃຈສາວໆພ້ອມທັງບອກເລີຍວ່າຊິງເກິ້ລໃໝ່ຂອງ ເລ EXO ນັ້ນເປັນເພງຊຶ້ງສຸດໆ ຟັງແລ້ວຮັບຮອງວ່າບໍ່ຜິດຫວັງແນ່ ນອນ.

ຊິງເກິ້ລໃໝ່ຂອງເລ EXO ທີ່ຫາກໍປ່ອຍອອກໄປນັ້ນມີຊື່ວ່າ 我不好  (I’m not good) ໂດຍໂດ່ງດັງມາຕັ້ງແຕ່ຕອນປ່ອຍຮູບພາບອອກມາ ເພາະເລປ່ຽນແບບໃໝ່ດ້ວຍຜົມສີເທົາ ເອີ້ນໄດ້ວ່າອົບອຸ່ນເໝືອນເຈົ້າຊາຍແຫ່ງລະດູໃບ ໄມ້ປົ່ງເລີຍ.

ເລປ່ອຍຊິງເກິ້ລໃໝ່ທັນທີນອກຈາກຈະມີເພງມ່ວນໆອອກມາໃຫ້ແຟນໆເພງໄດ້ຟັງແລ້ວທາງຕົ້ນ ສັງກັດກໍໃຈດີປ່ອຍຮູບພາບຖ່າຍ ແຟຊັນອອກມາໃຫ້ແຟນໆເພງໄດ້ ເບິ່ງກັນແບບບໍ່ມີຫ່ວງ, ນອກຈາກ ໃຈດີປ່ອຍຮູບພາບໃຫ້ເບິ່ງແລ້ວ ຄວາມໃຈດີຂອງເລຍັງບໍ່ໝົດພຽງ ເທົ່ານີ້ເພາະເພງ 我不好 (I’m not good) ບໍ່ມີຂາຍທາງ  itunes ເພາະເລປ່ອຍເພງນີ້ໃຫ້ແຟນໆເພງໄດ້ຟັງກັນແບບບໍ່ເສຍ ຄ່າໄປເລີຍ.

ຄວາມໂດ່ງດັງຂອງເລພາໃຫ້ເພງ 我不好 (I’m not good)ຂຶ້ນເປັນອັນດັບ 2 ຂອງອັນດັບເພງ ຮິດປະຈຳວັນທີ 9 ເດືອນກັນຍາ ປີ 2019 ແລະຂຶ້ນເປັນອັນດັບ 2 ຂອງອັນດັບເພງໃໝ່ຍອດນິຍົມອີກດ້ວຍ, ໂດຍເພງ 我不好 (I’m not good) ບອກເລົ່າເລື່ອງລາວຂອງຄູ່ຮັກທີ່ຮັກກັນມາດົນຝ່າຍຊາຍເຮັດທຸກຢ່າງເພື່ອຝ່າຍຍິງແລະມັກຖາມຝ່າຍຍິງວ່າ ສິ່ງທີ່ເຂົາເຮັດດີ ຫຼື ບໍ່ຈົນວັນໜຶ່ງ ຝ່າຍຍິງບອກວ່າເໝື່ອຍແລ້ວກັບຄວາມສຳພັນເຮົາອາດບໍ່ເໝາະສົມກັນຜູ້ຊາຍຈຶ່ງເວົ້າວ່າອາດເປັນເພາະຕົວຂ້ອຍເອງບໍ່ດີເອງຊຶ່ງເປັນຊື່ເພງ 我不好 (I’m not good) ນັ້ນເອງ.

ພາບ ແລະຂາ່ວຈາກ:ໜັງສືພິມເສດຖະກິດ-ສັງຄົມ

แชร์