ເປີດສາຍຮູບເງົາເລື່ອງ ດອກຈໍາປາບານ

  ພິທີເປີດສາຍຮູບເງົາເລື່ອງ “ດອກຈໍາປາບານ” ຮອບສື່ມວນ ຊົນໄດ້ຈັດຂຶ້ນໃນວັນທີ 18 ກັນຍາ 2019 ທີ່ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງທ່ານ ບົວເງິນ ຊາພູວົງ ຮອງລັດຖະມົນ ຕີກະຊວງຖະແຫຼງຂ່າວວັດທະນະທໍາ ແລະທ່ອງທ່ຽວພ້ອມດ້ວຍ ແຂກຖືກເຊີນຈາກພາກລັດ ແລະ ເອກະຊົນ,ບໍລິສັດຫ້າງຮ້ານ, ນັກ ຮ້ອງນັກສະແດງ ແລະສື່ມວນຊົນ.

ທ່ານ ວິທູນ ສູນດາຣາ ຫົວໜ້າກົມຮູບເງົາ, ກະຊວງຖະແຫຼງ ຂ່າວວັດທະນະທຳ ແລະທ່ອງທ່ຽວ ໃຫ້ຮູ້ເຖິງປະຫວັດຄວາມເປັນມາຂອງຮູບເງົາເລື່ອງດອກຈໍາປາ ບານວ່າ: ໃນວັນທີ 25 ເມສາ 2016 ກົມຮູບເງົາກະຊວງຖະ ແຫຼງຂ່າວວັດທະນະທໍາ ແລະທ່ອງ ທ່ຽວແຫ່ງ ສປປ ລາວ ໄດ້ເຊັນສັນຍາຮ່ວມມືກັບບໍລິສັດ ຈົງສື້ຢາໄທ້ ສື່ວັດທະນະທໍາສາກົນຈໍາກັດແຫ່ງ ສປ ຈີນ ໃນການຮ່ວມມືຜະ ລິດຮູບເງົາເລື່ອງດອກຈໍາປາບານ ເພື່ອສະເຫຼີມສະຫຼອງສາຍພົວພັນການທູດລະຫວ່າງລາວ-ຈີນ, ພາຍຫຼັງເຊັນສັນຍາແລ້ວທັງສອງຝ່າຍ ໄດ້ຮ່ວມກັນສຸມທຸກຄວາມພະຍາຍາມ, ຄວາມຮູ້ ແລະປະສົບການ ເຂົ້າໃສ່ການຖ່າຍທໍາ ແລະການ ປັບປຸງຕ່າງໆ ເພື່ອເຮັດໃຫ້ຮູບເງົາ ອອກມາດີທີ່ສຸດ, ມາຮອດປີ 2018 ຮູບເງົາດັ່ງກ່າວໄດ້ຜະລິດສໍາເລັດ.

ຮູບເງົາເລື່ອງດອກຈໍາປາບານ ເປັນຮູບເງົາປະຫວັດສາດທີ່ຮ່ວມ ກັນສ້າງຄັ້ງທໍາອິດລະຫວ່າງລາວ-ຈີນ ຊຶ່ງເປັນຮູບເງົາທີ່ມີເນື້ອໃນ ສະແດງໃຫ້ເຫັນເຖິງສາຍພົວພັນມິດຕະພາບ ແລະການຮ່ວມມືລະ ຫວ່າງປະເທດລາວ  ແລະຈີນ  ໂດຍ ມີສາວລາວ  ແລະບ່າວຈີນ ເປັນ ນັກສະແດງຫຼັກທີ່ຈະນໍາພາທ່ານ ຜູ້ຊົມໄປສໍາພັດເຖິງຄວາມຮັກ, ຄວາມຄິດຮອດຄວາມຜູກພັນທີ່ ແຊກຊ້ອນດ້ວຍເນື້ອໃນທີ່ມີຄວາມ ໝາຍທາງປະຫວັດສາດແຫ່ງສາຍ ພົວພັນມິດຕະພາບ ແລະຄວາມສາມັກຄີຮັກແພງລະຫວ່າງສອງ ຊາດລາວ-ຈີນ, ພິເສດຮູບເງົາ ເລື່ອງນີ້ຍັງເປັນການສົ່ງເສີມປີ ທ່ອງທ່ຽວລາວ-ຈີນ 2019 ຊຶ່ງ ບ່ອນຖ່າຍທໍາແມ່ນເຕັມໄປດ້ວຍສະ ຖານທີ່ທ່ອງທ່ຽວທີ່ສວຍສົດງົດ ງາມທາງດ້ານທໍາມະຊາດ, ປະຫວັດສາດ ແລະວັດທະນະທໍາຂອງ ປະເທດລາວອີກດ້ວຍ.

ແນວໃດກໍດີຮູບເງົາເລື່ອງດອກຈໍາປາບານ ແມ່ນໄດ້ເລີ່ມເປີດສາຍໃນວັນທີ 19 ກັນຍາ ທີ່ໂຮງຮູບ ເງົາເມເຈີ້ທຸກສາຂາທົ່ວປະເທດ ແລະລາຍໄດ້ສ່ວນໜຶ່ງຈາກການຂາຍປີ້ ແລະອຸປະຖຳຮູບເງົາເລື່ອງ ດັ່ງກ່າວຈະນໍາໄປຊ່ວຍເຫຼືອຜູ້ປະ ສົບໄພນໍ້າຖ້ວມທາງພາກກາງ ແລະ ພາກໃຕ້ຂອງລາວ, ຊຶ່ງທ່ານສາມາດຊື້ປີ້ໄດ້ທີ່ໂຮງຮູບເງົາເມເຈີ້ທົ່ວ ປະເທດ ຫຼື ສອບຖາມຂໍ້ມູນເພີ່ມ ເຕີມໄດ້ທີ່ເບີ 22214789, 933 12332, 99938261.

ພາບ ແລະຂາ່ວຈາກ:ໜັງສືພິມເສດຖະກິດ-ສັງຄົມ

แชร์