ອົງການແພຣນ ມອບອຸປະກອນການສຶກສາ ໃຫ້ໂຮງຮຽນ 6 ແຫ່ງ

  ວັນທີ 16  ກັນຍາ  2019  ທີ່ໂຮງຮຽນ ມສ ປາກທາຫ້ອງ ການແພຣນປະຈຳເມືອງປາກທາແຂວງບໍ່ແກ້ວ ໄດ້ມອບອຸປະກອນການຮຽນ-ການສອນໃຫ້ກັບຫ້ອງການສຶກສາທິການແລະກີລາເມືອງ ເພື່ອນຳໄປມອບຕໍ່ໃຫ້ໂຮງຮຽນ 6 ແຫ່ງໂດຍເຂົ້າຮ່ວມຂອງທ່ານ ບຸນປະສິດຈັນທອງໃສຮອງຫົວໜ້າຫ້ອງການສຶກສາທິການ ແລະກີລາເມືອງ, ມີຄູ-ອາຈານພາກສ່ວນທີ່ກ່ຽວຂ້ອງ ແລະນ້ອງນັກຮຽນເຂົ້າ ຮ່ວມ.

ຜູ້ຕາງໜ້າອົງການແພຣນໄດ້ກ່າວມອບອຸປະກອນໃຫ້ກັບຫ້ອງ ການສຶກສາວ່າ: ອຸປະກອນດັ່ງກ່າວນີ້ແມ່ນໄດ້ຮັບການຊ່ວຍເຫຼືອຈາກສູນກາງອົງການແພຣນປະຈຳລາວ ຊຶ່ງປະກອບມີອຸປະກອນຮັບໃຊ້ພາຍໃນຫ້ອງການຂອງຄູ-ອາຈານ ແລະອຸປະກອນກີລາເຊັ່ນເຈ້ຍເອຊີ, ເຟີດ, ບິກ, ສໍດຳ, ຊອງໃສ່ເອ ກະສານ, ບານເຕະ, ບານຕີ, ກະຕໍ້ພ້ອມຕາໜ່າງ, ແຄນ, ກອງ ແລະ ອື່ນໆ ລວມມູນຄ່າທັງໝົດ 38,75 ລ້ານກີບນອກນີ້ຍັງມີອຸປະກອນສຳ ລັບນ້ອງນັກຮຽນເດັກອາສາສະໂມ ສອນຂອງອົງການແພຣນອີກຈຳ ນວນໜຶ່ງອຸປະກອນດັ່ງກ່າວນີ້ທາງ ອົງການແພຣນໄດ້ມອບໃຫ້ກັບຫ້ອງ ການສຶກສານຳໄປມອບໃຫ້ກັບໂຮງ ຮຽນ 6 ແຫ່ງ ໃນເມືອງເປັນຕົ້ນ ແມ່ນໂຮງຮຽນ ມຕ ຫາດສະ, ມຕ ຫາດດອນແກ້ວ, ມຕ ຫ້ວຍໂມງ, ມຕ ຫ້ວຍແສດ, ມສ ປາກທາ ແລະ ມສ ກ້ອນຕື່ນ.

ຈາກນັ້ນທ່ານ ບຸນປະສິດ ຈັນ ທອງໃສກໍ່ໄດ້ກ່າວຄຳຂອບໃຈຕໍ່ກັບອົງການແພຣນ ທີ່ໄດ້ໃຫ້ການສະໜັບສະໜູນວຽກງານການສຶກສາມາຕະຫຼອດ ແລະຈະນຳເອົາອຸປະກອນດັ່ງກ່າວນີ້ໄປມອບໃຫ້ແຕ່ລະໂຮງຮຽນໃຫ້ໄດ້ຮັບອຸປະກອນຢ່າງ ຄົບຖ້ວນພ້ອມທັງເນັ້ນໜັກໃຫ້ແຕ່ລະໂຮງຮຽນນຳໃຊ້ອຸປະກອນໃຫ້ເກີດຜົນປະໂຫຍດຫຼາຍຂຶ້ນ.

ພາບ ແລະຂາ່ວຈາກ:ໜັງສືພິມເສດຖະກິດ-ສັງຄົມ

• 20/09/2019