ຫຼາຍພາກສ່ວນສືບຕໍ່ມອບເຄື່ອງຊ່ວຍເຫຼືອຜູ້ປະສົບໄພນໍ້າຖ້ວມ

ທີ່ກະຊວງແຮງງານ ແລະສະຫວັດດີການສັງຄົມ (ຮສສ), ຍັງມີບັນດາພາກສ່ວນຕ່າງໆສືບຕໍ່ມາມອບເຄື່ອງຊ່ວຍເຫຼືອຜູ້ປະສົບໄພນໍ້າຖ້ວມຢູ່ 6 ແຂວງ ພາກກາງ ແລະພາກໃຕ້ໂດຍສະເພາະແມ່ນບໍລິສັດລັດວິສາຫະກິດໂຮງງານຜະລິດຢາເລກ 3 ແລະບໍລິສັດລັດວິສາຫະກິດລາວເດີນອາກາດທີ່ໄດ້ເຂົ້າມາມອບໃນວັນທີ 18 ກັນຍາ 201 9, ຊຶ່ງຕາງໜ້າລັດຖະບານຮັບແມ່ນ ທ່ານ ນາງ ໃບຄຳ ຂັດທິຍະ ຮອງລັດຖະມົນຕີກະຊວງ ຮສສ, ໂດຍມີພາກສ່ວນທີ່ກ່ຽວຂ້ອງເຂົ້າຮ່ວມ.

 ສຳລັບເຄື່ອງທີ່ນຳມາຊ່ວຍເຫຼືອຜູ້ ປະສົບໄພນໍ້າຖ້ວມໃນເທື່ອນີ້ປະກອບມີ ເຄື່ອງຈາກບໍລິສັດລັດວິສາຫະກິດໂຮງງານຜະລິດຢາເລກ 3 ລວມມູນຄ່າ 103 ລ້ານກີບ, ໃນນັ້ນເປັນຢາ 98,95 ລ້ານກີບ, ເຂົ້າ ແລະເຄື່ອງອຸປະໂພກ 4,4 ລ້ານກີບ, ຊຶ່ງຕາງໜ້າມອບແມ່ນທ່ານ ພູຂົງ ໂຈມມາລາຮອງຜູ້ອຳນວຍການ ບໍລິສັດລັດວິສາຫະກິດໂຮງງານຜະລິດ ຢາເລກ 3, ສ່ວນບໍລິສັດລັດວິສາຫະກິດ ລາວເດີນອາກາດມອບເປັນເຄື່ອງບໍລິ ໂພກລວມທັງໝົດ 22 ລ້ານກີບ, ຕາງໜ້າມອບແມ່ນທ່ານ ບົວຈັນ ສູນນະລາດ ຜູ້ອຳນວຍການບໍລິຫານລັດວິສາຫະກິດ ລາວເດີນອາກາດ, ໂດຍເຄື່ອງທັງໝົດ ແມ່ນໄດ້ຈາກການຮີບໂຮມຂອງພະນັກງານພາຍໃນລັດວິສາຫະກິດ.

  ທ່ານ ພູຂົງ ໂຈມມາລາ ໃຫ້ຮູ້ວ່າ: ຢາແມ່ນເປັນສິ່ງຈຳເປັນທີ່ສຸດທີ່ຈະໃຊ້ໃນ ການແກ້ໄຂໄລຍະສຸກເສີນ ແລະໄລຍະຍາວຕົ້ນຕໍແມ່ນພະຍາດທີ່ຈະມາກັບນໍ້າລວມທັງຫຼັງນໍ້າຖ້ວມ, ດັ່ງນັ້ນກໍຫວັງວ່າ ຢາຈະເປັນປະໂຫຍດຫຼາຍໃນການຊ່ວຍ ໃຫ້ປະຊາຊົນລາວກໍຄືຊ່ວຍປ້ອງກັນໃຫ້ ຜູ້ທີ່ໄດ້ຮັບຜົນກະທົບພົ້ນຈາກສະພາບພະ ຍາດແຊກຊ້ອນທີ່ຈະມາກັບໄພພິບັດຄັ້ງ ນີ້ໄດ້, ໂດຍໄລຍະຜ່ານມາ, ລັດວິສາຫະກິດ ໂຮງງານຜະລິດຢາເລກ 3 ກໍໄດ້ເອົາໃຈ ໃສ່ປະກອບສ່ວນຊ່ວຍເຫຼືອສັງຄົມມາ ໂດຍຕະຫຼອດ ແລະຍັງຈະສືບຕໍ່ໃຫ້ການຊ່ວຍເຫຼືອຕໍ່ໄປເທົ່າທີ່ບໍລິສັດຈະເຮັດໄດ້.

---------------------

ນສພ ເສດຖະກິດ-ສັງຄົມ

แชร์