ພະທາດພະບາດ-ໂພນສັນ ມໍລະດົກທ້ອງຖິ່ນ ແຂວງບໍລິຄຳໄຊ

  ຖ້າທ່ານໄດ້ໄປທ່ອງທ່ຽວທາງໃດແລ້ວກໍ່ບໍ່ຄວນພາດໂອກາດເພື່ອໄປຢ້ຽມຢາມບຸນນະມັດສະການພະທາດພະບາດໂພນສັນແມ່ນປາງບຸນໜຶ່ງທີ່ໄດ້ສືບຕໍ່ກັນມາແຕ່ຄາວຮຸ້ນປູ່ຍ່າຕາຍາຍໂດຍເຊື່ອຖືກັນວ່າສະຖານທີ່ແຫ່ງນີ້ແມ່ນເປັນທີ່ພະພຸດທະເຈົ້າເພີ່ນເຄີຍມາແຜ່ເມດຕາໂຜດສັດ ຫຼື ເຜີຍແຜ່ພຸດທະສາສະໜາແລະເພື່ອເປັນການລ້ຳລຶກເຖີງຄຸນງາມຄວາມດີດັ່ງກ່າວ.

  ສະນັ້ນ, ທຸກໆປີພໍຮອດວັນເພັງ 15 ຄໍ່າເດືອນ 2 ຊາວພຸດທະສະນິກະຊົນຜູ້ມີຈິດໃຈເຫຼື້ອມໃສສັດທາຈຶ່ງໄດ້ພາກັນມາຮ່ວມເຮັດບຸນຄົບງັນຢ່າງຫຼວງຫຼາຍບຸນພະບາດນອກຈາກໄວ້ພະບາດ-ພະທາດແລ້ວຍັງຕິດພັນກັບການເຮັດບຸນພະເຫວດປະຈຳປີ ແລະພ້ອມດຽວກັນນັ້ນພາຍໃນແຂວງກໍ່ຍັງໄດ້ຈັດງານບຸນວັດພະ ບາດຄຽງຄູ່ກັບການຈັດບຸນວັດໂພນສັນທີ່ຕັ້ງຢູ່ຕິດກັບນ້ຳຂອງທາງຈາກທາງເລກ 13 ໃຕ້ປະມານ 3 ກິໂລແລັດໃສ່ວັນດຽວກັນຈົນຫຼາຍໆຄົນທີ່ມາຮ່ວມເຮັດບຸນດັ່ງກ່າວນີ້ເອີ້ນວ່າ: ງານພະບາດໂພນສັນ.

  ພາຍໃນງານຈະປະກອບດ້ວຍງານຕະຫຼາດນັດ-ວາງສະແດງສິນຄ້າຫັດຖະກຳ, ອຸດສາຫະກຳ ແລະ ຜະລິດຕະພັນການທ່ອງທຽ່ວ, ທຽ່ວຊົມການໄຫ້ວຮອຍພະບາດ, ງານບຸນນະມັດສະການພະບາດ-ໂພນສັນ ແລະງານໃສ່ບາດພະບາດ-ໂພນສັນຈະໃຊ້ເວລາ 4 ວັນເຕັມ, ພາຍໃຕ້ຄຳຂວັນທີ່ວ່າ: “ໄປທ່ອງທ່ຽວບໍລິຄຳໄຊ ນໍ້າໃຈມິດຕະພາບ, ດິນແດນກຸຫຼາບກາບພະບາດໃຫຍ່ໂພນສັນ, ອາຍຸໝັ້ນພັນພັນປີ” ຊຶ່ງເປັນສະຖານທີ່ສຳຄັນທາງພຸດທະສາສະໜາທີ່ມີຊື່ສຽງທີ່ພຸດທະສາສະນິກະຊົນນິຍົມສັດທາຕັ້ງຢູ່ເທິງໂນນຫີນສູງໃນເນື້ອທີ່ 12 ເຮັກຕາ ທຸກສິ່ງປຸກສ້າງນັບແຕ່ອາຮາມ, ຮອຍພະບາດ, ພະທາດ, ຫໍພະນອນ, ຫໍແຈກ, ກຸຕິ, ບ່ອນປະຕິບັດທຳຂອງພະພິກຂຸຮອຍພະບາດທີ່ເຊື່ອກັນວ່າ “ພະພຸດທະເຈົ້າ” ໄດ້ມາປະທັບໄວ້ໃຫ້ເປັນບ່ອນສັກກາລະບູຊາແກ່ຊາວພຸດທັງຫຼາຍ,ປະຊາຊົນເຂດນີ້ມີຄວາມເຊື່ອຕໍ່ກັນມາວ່າຖ້າຜູ້ໃດເດີນທາງຜ່ານແລ້ວຍໍມືນົບໄຫວ້ຈະເຮັດໃຫ້ເດີນທາງດ້ວຍຄວາມສະຫວັດດີພາບ.

  ເພື່ອເປັນການເສີມຂະຫຍາຍວັດທະນະທຳ ແລະພັດທະນາວຽກງານທ່ອງທ່ຽວຂອງເມືອງໃຫ້ກວ້າງຂວາງ, ຊຸກຍູ້ປຸກລະດົມຂະບວນການຟົດຟື້ນ. ແຂວງບໍລິຄຳໄຊ ທີ່ຖືເອົາການທ່ອງທຽ່ວທຳມະຊາດ, ວັດທະນາທຳ ແລະປະຫວັດສາດໃຫ້ມີການຂະຫຍາຍຕົວຢ່າງແຂງແຮງ-ຕໍ່ເນື່ອງ, ເປັນການພັດທະນາການທ່ອງທຽ່ວໃຫ້ກາຍເປັນອຸດສະຫະກຳການທ່ອງທຽ່ວ, ເປັນການດຶງດູດນັກທ່ອງທຽ່ວທັງພາຍໃນ ແລະ ຕ່າງປະເທດໃຫ້ຫຼາຍຂຶ້ນ, ເພື່ດເຮັດໃຫ້ຂະແໜງການທ່ອງ ທ່ຽວໄດ້ຮັບການພັດທະນາໄປຄຽງຄູ່ກັບການພັດທະນາຂະແໜງການອື່ນໆ ແລະ ເພື່ອເປັນການສົ່ງເສີມຜະລິດຕະພັນຫັດຖະກຳ, ກະສິກຳ ແລະ ການປຸງແຕ່ງ ໃຫ້ມີການຂະຫຍາຍຕົວເຮັດໃຫ້ຊິວິດການເປັນຢູ່ຂອງພໍ່ແມ່ປະຊາຊົນບັນດາເຜົ່ານັບມື້ນັບດີຂຶ້ນສະນັ້ນ, ອຳນາດການປົນຄອງເມືອງທ່າພະບາດຈຶ່ງໄດ້ຕົກລົງຈັດງານ “ສະເຫຼີມສະຫຼອງມໍລະດົກທ້ອງຖິ່ນດິນແດນແຫ່ງໂພນຈິກວຽງງົວ” ຂຶ້ນຢູ່ບ້ານ ພະບາດ ເມືອງທ່າພະບາດ ແຂວງ ບໍລິຄຳໄຊ ພ້ອມກັບງານນະມັດສະ ການບຸນພະບາດ-ໂພນສັນໃນລະຫວ່າງວັນທີ ແລະ17-20 ມັງກອນ 2019 ນີ້.

 

แชร์