ໄຊຍະ-ເລີຍ ຈະຮ່ວມມືກັນດ້ານການຄ້າ ແລະທ່ອງທ່ຽວ

  ເພື່ອເປັນການສືບຕໍ່ຈັດຕັ້ງປະຕິບັດເນື້ອໃນຂອງບົດບັນທຶກດ້ານການຄ້າ ແລະການທ່ອງທ່ຽວ ຂອງທັງສອງແຂວງຄື: ແຂວງ ໄຊຍະບູລີ ສປປ ລາວ ແລະແຂວງ ເລີຍ ຣາຊະອານາຈັກໄທໃຫ້ໄດ້ ຮັບຜົນສໍາເລັດນັ້ນ,ໃນຕອນບ່າຍຂອງວັນທີ 13 ກັນຍາ 2019 ທີ່ ຫ້ອງວ່າການແຂວງໄຊຍະບູລີ,ທ່ານ ນາງ ບຸນພັກ ອິນທະປັນຍາ ຮອງເຈົ້າແຂວງໄດ້ຕ້ອນຮັບການ ເຂົ້າຢ້ຽມຂໍ່ານັບຂອງ ທ່ານ ຊະ ນາດ ຊັດຊະວານວົງ ຮອງຜູ້ວ່າ ແຂວງເລີຍ ພ້ອມດ້ວຍຄະນະ.

ການພົບປະກັນຄັ້ງນີ້ໂດຍມີຈຸດ ປະສົງເພື່ອປຶກສາຫາລືກັນດ້ານ ການຄ້າຊາຍແດນ ແລະການທ່ອງ ທ່ຽວເປັນຕົ້ນແມ່ນ: ສິນຄ້າທີ່ຈະ ສົ່ງອອກ ແລະນໍາເຂົ້າ, ຜົນຜະລິດ ກະສິກໍາ, ສິນຄ້າໂອດັອບທີ່ເປັນ ເອກະລັກສະເພາະຂອງແຕ່ລະ ຝ່າຍ,ການເຂົ້າ-ອອກຜ່ານດ່ານຕ່າງໆຂອງແຂວງໄຊຍະບູລີ-ແຂວງເລີຍຕ້ອງໄດ້ອໍານວຍຄວາມສະດວກໃຫ້ກັບນັກທ່ອງທ່ຽວ, ພໍ່ຄ້າຊາວຂາຍ ແລະປະຊາຊົນທັງ ສອງຝັ່ງ ເພື່ອບໍ່ເປັນການທ່ວງດຶງ ໃຫ້ເສຍເວລາ ແລະບໍ່ສ້າງຄວາມ ລໍາຄານໃຫ້ກຸ່ມຄົນດັ່ງກ່າວ, ປຶກ ສາຫາລືສະຖານທີ່ທ່ອງທ່ຽວຢູ່ ແຂວງໄຊຍະບູລີ ເພື່ອຈະດຶງດູດ ເອົານັກທຸລະກິດ, ຜູ້ປະກອບ ການເຂົ້າມາປະມູນ ແລະພັດທະ ນາແຫຼ່ງທ່ອງທ່ຽວຕ່າງໆ, ເພື່ອຮອງ

ຮັບນັກທ່ອງທ່ຽວມາທ່ຽວ ແລ້ວມີຄວາມປະທັບໃຈ ແລະ ຢາກມາອີກ,ຫາລືດ້ານການຮອງຮັບຂອງນັກທ່ອງທ່ຽວເຊັ່ນ: ເຮືອນພັກ,ຮ້ານອາຫານ ແລະໂຮມສະ ເຕ ຕ້ອງຄຸມດ້ານລາຄາໃຫ້ຢູ່ໃນຄວາມເໝາະສົມ,ອາຫານການກິນຕ້ອງໃຫ້ມີແບບພື້ນບ້ານ,ອາຫານຕາມທໍາມະຊາດ ແລະຕ້ອງໃຫ້ມີການຈໍາລອງວິຖີຊີວິດແບບດັ່ງ ເດີມໃຫ້ນັກທ່ອງທ່ຽວໄດ້ເຫັນ, ສ້າງກິດຈະກໍາໃຫ້ນັກທ່ອງທ່ຽວ ໄດ້ລ່ອງເຮືອຕາມລໍານໍ້າຂອງໂດຍ ເລີ່ມແຕ່ທ່າເຮືອເມືອງປາກລາຍຫາ ເມືອງຊຽງຄານ ແລະແຕ່ຊຽງຄານຫາປາກລາຍສ້າງໂອ ກາດໃຫ້ປະຊາຊົນທັງສອງແຂວງ ໄດ້ໄປ-ມາຫາສູ່ກັນ,ແລກປ່ຽນວັດທະນະທໍາ-ຮີດຄອງປະເພນີ,ຈັດໃຫ້ມີຕະຫຼາດນັດສິນຄ້າໂອດັອບ,ສະແດງສິລະປະ-ວັນນະຄະດີ ເຊິ່ງ ກັນ ແລະກັນ ໂດຍພັດປ່ຽນກັນເປັນເຈົ້າພາບ,ທັງນີ້ກໍເພື່ອເຮັດ ໃຫ້ທັງສອງແຂວງໄດ້ຮັບຜົນປະໂຫຍດຈາກການຄ້າ ແລະການ ທ່ອງທ່ຽວຮ່ວມກັນ.

————-

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 19/09/2019