ທູດມາເລເຊຍ ສະຫຼອງວັນຊາດ ແລະວັນສ້າງຕັ້ງກອງທັບ

  ວັນທີ 13 ກັນຍາ 2019 ສະຖານທູດມາເລເຊຍປະຈຳລາວຈັດງານສະເຫຼີມສະຫຼອງວັນຊາດມາເລເຊຍ ຄົບຮອບ 62 ປີ ແລະວັນສ້າງຕັ້ງກອງທັບມາເລເຊຍ ຄົບຮອບ 86 ປີ ທີ່ນະຄອນຫຼວງວຽງຈັນໂດຍເຂົ້າຮ່ວມຂອງທ່ານ ທັນສະໄໝ ກົມມະສິດລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະການສື່ສານທ່ານ ນາງ ຄຳເພົາ ເອີນທາວັນຮອງລັດຖະມົນຕີກະຊວງການຕ່າງປະເທດ, ທ່ານ ໂມຮາມັດ ໄອນີອາ ຕັນເອກອັກຄະລັດຖະທູດມາເລເຊຍປະຈຳລາວບັນດາແຂກພາກສ່ວນກ່ຽວຂ້ອງເຂົ້າຮ່ວມ.

ທ່ານ ໂມຮາມັດ ໄອນີ ອາຕັນກ່າວວ່າ:ການສະເຫຼີມສະຫຼອງ ວັນຊາດມາເລເຊຍ ຄົບຮອບ 62 ປີ ປີນີ້ມີຄໍາຂວັນທີ່ວ່າ:“ຮັກປະເທດມາເລເຊຍຂອງຂ້ອຍມາເລເຊຍຂາວສະອາດ”ເປັນຄຳຂວັນທີ່ເນັ້ນເຖິງຄວາມສຳຄັນຂອງຄວາມສາມັກຄີ ແລະຄວາມຮັກຊາດ ເພື່ອຄວາມເປັນຢູ່ທີ່ດີຄວາມຈະເລີນຮຸ່ງເຮືອງຂອງປະເທດນອກນີ້ຍັງເປັນພາບທີ່ສະແດງໃຫ້ ເຫັນເຖິງຄວາມມີຄຸນນະທຳຂອງ ຊາວມາເລເຊຍທຸກຄົນໂດຍປາສະຈາກການສໍ້ລາດບັງຫຼວງສຳ ລັບປີນີ້ເປັນປີຄົບຮອບ 53 ປີ ແຫ່ງ ການສ້າງຕັ້ງສາຍພົວພັນການທູດລະຫວ່າງລາວ ແລະມາເລເຊຍ ຊຶ່ງໄດ້ຮັກສາສາຍພົວພັນບົນພື້ນຖານຄວາມໄວ້ວາງໃຈເຄົາລົບ,ມີຄວາມປາຖະໜາດີ ແລະຄວາມເຂົ້າອົກເຂົ້າໃຈເຊິ່ງກັນ ແລະກັນມາເລເຊຍໄດ້ເລີ່ມໂຄງການຮ່ວມມືທາງດ້ານວິຊາການຂອງມາ ເລເຊຍ MTCP ຕັ້ງແຕ່ປີ 1980 ໄດ້ຈັດໂຄງການຫຼັກສູດໃຫ້ກັບລັດຖະກອນລາວຕັ້ງແຕ່ປີ 1986 ເປັນຕົ້ນມາຕັ້ງແຕ່ນັ້ນໄດ້ມີລັດຖະກອນຈຳນວນ 1.543 ຄົນ ໄດ້ ເຂົ້າຮ່ວມໂຄງການ MTCP ປີ 2019 ແມ່ນໄດ້ມີ 35 ຄົນ.

ນອກນັ້ນຍັງໄດ້ສົ່ງເສີມການພົວພັນສອງຝ່າຍລະຫວ່າງສອງປະເທດແລ້ວລັດຖະບານມາເລ ເຊຍຍັງໄດ້ເນັ້ນໃສ່ການສົ່ງເສີມສາຍພົວພັນລະຫວ່າງປະຊາຊົນ ກັບປະຊາຊົນນຳອີກ ໂດຍໄດ້ສະແດງອອກໃນ 7 ເດືອນຕົ້ນປີ 2019 ນີ້ສະຖິຕິຊາວລາວເດີນທາງໄປທ່ອງທ່ຽວປະເທດມາເລເຊຍຈຳນວນ 15.881ເທື່ອຄົນເພີ່ມຂຶ້ນ 11,4% ເມື່ອທຽບກັບປີຜ່ານມາສ່ວນດ້ານການຄ້າການລົງທຶນຂອງນັກລົງທຶນມາເລເຊຍຢູ່ ສປປ ລາວເຫັນວ່າມີການຂະຫຍາຍຕົວສົມຄວນຈັດເປັນອັນດັບທີ 4 ຂອງນັກລົງທຶນຕ່າງປະເທດຢູ່ ສປປ ລາວ ໃນປີ 2018 ຜ່ານມາ ເຊັ່ນ: ໂຄງການໄຟຟ້າພະລັງງານ ນໍ້າ,ເຂດເສດຖະກິດພິເສດ ແລະ ເຂດເສດຖະກິດສະເພາະ,ການທະນາຄານ ແລະການທ່ອງທ່ຽວອື່ນໆ.

—————-

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

 

แชร์