ຕະຫຼາດເຊົ້າ ສະເໜີໃຫ້ບໍລິສັດທີ່ມີການເງິນໝັ້ນຄົງເຂົ້າພັດທະນາ

ຕະຫຼາດເຊົ້າເປັນເຂດສູນລວມການຄ້າຫຼາຍປະເພດໃນຊຸມຊົນໃຈກາງນະຄອນຫຼວງວຽງຈັນ ເພື່ອແກ້ໄຂຂໍ້ຂັດແຍ່ງສຳປະທານໂຄງການຕະຫຼາດດັ່ງກ່າວໃຫ້ເປັນສູນການຄ້າທີ່ທັນສະໄໝໄປຕາມຮູບແບບແຜນຜັງຂອງພະແນກ ຍທຂ ນວ ໃຫ້ປາກົດຜົນເປັນຈິງຈຶ່ງເປີດສະເໜີໃຫ້ນິຕິບຸກຄົນ, ບໍລິສັດທີ່ມີຖານະການເງິນໝັ້ນຄົງຮ່ວມສຳປະ ທານ ແລະ ພັດທະນາ.

 ວັນທີ 13 ກັນຍາ 2019 ໄດ້ ຈັດພິທີຖະແຫຼງຂ່າວກ່ຽວກັບທິດ ທາງ ແລະແຜນການພັດທະນາ ຕະຫຼາດເຊົ້າ ມ1, ມ2 ແລະ ມ3 ໂດຍມີທ່ານອາດສະພັງທອງສີ ພັນດອນ ຮອງເຈົ້າຄອງນະຄອນ ຫຼວງວຽງຈັນ,ທ່ານ ໄຊຄຳ ອຸ່ນ ມີໄຊ ຮອງປະທານອົງການກວດ ກາລັດຖະບານ, ທ່ານຄຳມອນ ບົວພັນ ຮອງຫົວໜ້າພະແນກການ ເງິນນະຄອນຫຼວງວຽງຈັນ ມີຫົວໜ້າໜ່ວຍງານເຕັກນິກເຄຫາຜັງເມືອງ, ພະແນກ ຍທຂ ນວ ຜູ້ປະກອບການ, ພໍ່ຄ້າຊາວຂາຍ ແລະ ຂະແໜງການກ່ຽວຂ້ອງເຂົ້າ ຮ່ວມ.

 ທ່ານ ຄຳມອນ ບົວພັນ ກ່າວວ່າ: ເພື່ອຜັນຂະຫຍາຍແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີວ່າດ້ວຍການຊີ້ນຳຜົນການແກ້ໄຂຂໍ້ຂັດແຍ່ງສຳປະທານໂຄງການຕະຫຼາດເຊົ້າ ສະນັ້ນອົງການປົກຄອງ ນວ ໄດ້ເອົາໃຈໃສ່ໃນການຊີ້ນຳໆພາໃນ ການຊອກຫາວິທີການແກ້ໄຂໃນການພັດທະນາຕະຫຼາດເຊົ້າໃຫ້ໄປ ຕາມຮູບແບບແຜນຜັງທີ່ພະແນກ ຍທຂ ນະຄອນຫຼວງວຽງຈັນທີ່ໄດ້ຮັບຮອງໄປແລ້ວນັ້ນໃຫ້ສອດຄ່ອງກັບສະພາບຄວາມເປັນຈິງປະຈຸບັນຕະຫຼາດເຊົ້າທັງໝົດແມ່ນໄດ້ຄືນມາເປັນຂອງລັດໂດຍກົງ ໂດຍພາຍໃຕ້ການຊີ້ນຳຂອງ ນວ ແລະມີຫ້ອງການຄຸ້ມຄອງ-ຈັດສັນ ເປັນຜູ້ຮັບຜິດຊອບລວມ, ຮັບຜິດ ຊອບໂດຍກົງແມ່ນຕຶກ ມ1 ແລະ ຕຶກໂຕ U, ສ່ວນຕຶກ ມ2 ແມ່ນບໍລິສັດຮົວຊິນພັດທະນາຈຳກັດເປັນຜູ້ຮັບຜິດຊອບບໍລິຫານຕາມຄຳຕັດສິນຂອງສານຂັ້ນຕົ້ນ, ສານພາກກາງ ແລະສານສູງຂັ້ນລຶບລ້າງ.

  ເນື່ອງຈາກວ່າຕະຫຼາດເຊົ້າຕັ້ງ ຢູ່ໃຈກາງຂອງ ນວ ເປັນສູນລວມ ການຄ້າທີ່ມີຫຼາຍປະເພດຢູ່ຈຸດດຽວ ກັນ ດັ່ງນັ້ນຈິ່ງມີຫຼາຍພາກສ່ວນ ໃຫ້ຄວາມສົນໃຈໃນການສຳປະ ທານພັດທະນາປະຈຸບັນແມ່ນບໍລິ ສັດ ຮົວຊິນ ພັດທະນາຈໍາກັດໄດ້ ຂໍສະເໜີໃນການພັດທະນາແລ້ວ ແຕ່ຖ້າວ່າຍັງມີບໍລິສັດ, ພໍ່ຄ້າຊາວ ຂາຍພາກສ່ວນອື່ນໆມີຄວາມສົນ ໃຈກໍສາມາດສະເໜີຕື່ມໄດ້ແຕ່ຜູ້ທີ່ເຂົ້າມາສະເໜີຕ້ອງໄດ້ຮັບຮູ້ ແລະ ປະຕິບັດຕາມແບບໂຄງສ້າງທີ່ໄດ້ ຮັບຮອງໄປແລ້ວນັ້ນ ໂດຍມີການ ເຊື່ອມຕໍ່ກັນທັງສາມຕຶກ, ມີຂົວຂ້າມຜ່ານສະຖານີລົດເມສຳລັບຜູ້ທີ່ຈະໄດ້ຮັບສໍາປະທານຕ້ອງໃຊ້ ຄືນໜີ້ໃຫ້ແກ່ບໍລິສັດ ຮົວຊິນ ພັດ ທະນາຈຳກັດທີ່ໄດ້ມີການຈ່າຍໄປແລ້ວເປັນຕົ້ນແມ່ນມີຄ່າທຸບມ້າງຕຶກໂຕ U ມູນຄ່າ 5 ແສນໂດລາ ຫຼື ປະມານ 4 ຕື້ກວ່າກີບ, ຈ່າຍຄ່າ ສຳປະທານ 3 ປີ ແຕ່ປີ 2016- 2018 ລວມ 2,7 ແສນກວ່າໂດ ລາ ສ່ວນປີ 2019 ທີ່ຍັງບໍ່ທັນໄດ້ ຈ່າຍສະເພາະຕຶກໂຕ U ມີໜີ້ສິນ ຂອງຊາວຄ້າທີ່ຕິດໜີ້ຄ່າເຊົ່າທັງ ໝົດຈຳນວນ 651 ຫ້ອງເປັນເງິນ 11 ຕື້ກວ່າກີບ ເລີ່ມແຕ່ປີ 2008 ເຖິງປະຈຸບັນ ແລະຍັງມີໜີ້ອາກອນຮອດທ້າຍປີ 2018 ຈໍານວນ 2 ຕື້ກວ່າກີບ ໃນນີ້ເຂດຮ້ານຄຳຈຳ ນວນ 104 ລ້ານກວ່າກີບ, ເສື້ອ ຜ້າ 583 ລ້ານກວ່າກີບ, ຮ້ານເຄື່ອງໃຊ້ປະຈຳວັນ309 ລ້ານ ກວ່າກີບ, ເຄື່ອງໃຊ້ໄຟຟ້າ 499 ລ້ານກວ່າກີບ, ຮ້ານສີ້ນໄໝ 1 ຕື້ກວ່າກີບ ສຳລັບຜູ້ໄດ້ຮັບສຳປະທານຕະຫຼາດເຊົ້າຕ້ອງໄດ້ຮັບຜິດຊອບດູແລຕຶກ ມ1 ຕ້ອງໄດ້ຈ່າຍ ເງິນ 1 ລ້ານໂດລາ ໃຫ້ແກ່ຜູ້ຕາງໜ້າບໍລິສັດເອັກສະຄາລີເບີ ແລະຕ້ອງແມ່ນນິຕິບຸກຄົນ, ບໍລິສັດທີ່ມີຖານະການເງິນໝັ້ນຄົງ.

----------------

ໜັງສືພິມເສດຖະກິດ-ສັງຄົມ

แชร์