ນໍ້າຖວ້ມໜັກຢູ່ອິນເດຍ ເສຍຊີວິດ 200 ກວາ່ຄົນ

   ເຈົ້າໜ້າທີ່ອິນເດຍເປີດເຜີຍ ວ່າ ເກີດເຫດອຸທົກກະໄພຮຸນແຮງຫຼັງຈາກຝົນຕົກໜັກໃນໄລຍະຫຼາຍ ວັນທີ່ຜ່ານມາໃນລັດມັດທະຍະປະ ເທດ ສົ່ງຜົນເຮັດໃຫ້ມີຜູ້ເສຍຊີວິດ ຫຼາຍກວ່າ 200 ຄົນ ແລະອີກຫຼາຍ ພັນຄົນບໍ່ມີທີ່ຢູ່ອາໄສ.

ຕາມຂ່າວຊິນຮວາລາຍງານວ່າ ກົມອຸຕຸນິຍົມວິທະຍາອິນເດຍລາຍງານວ່າ ລັດມັດທະຍະປະເທດ ມີປະລິມານຝົນເກີນ 34% ເມື່ອທຽບກັບປີກ່ອນຊຶ່ງນໍາໄປສູ່ເຫດນໍ້າຖ້ວມເສຍຫາຍຢ່າງຮຸນແຮງໃນຫຼາຍພື້ນທີ່ຂອງລັດ ສົ່ງຜົນເຮັດໃຫ້ມີຜູ້ເສຍຊີວິດຫຼາຍກວ່າ 200 ຄົນອີກຫຼາຍພັນຄົນບໍ່ມີທີ່ຢູ່ອາໄສລັດຖະບານເລັ່ງຊ່ວຍເຫຼືອຜູ້ທີ່ໄດ້ ຮັບຄວາມເສຍຫາຍ, ໂດຍຊາວກະ ສິກອນຈະໄດ້ຮັບເງິນຊົດເຊີຍຄ່າເສຍຫາຍ ຫຼັງຈາກປະເມີນຄວາມສູນເສຍຂອງຜົນຜະລິດຂະນະທີ່ບ້ານເຮືອນເປເພຫຼາຍກວ່າ 230 ຫຼັງ ແລະອີກປະມານ 10.000 ຫຼັງໄດ້ຮັບຄວາມເສຍຫາຍເປັນບາງສ່ວນ ໂດຍລັດຖະບານທ້ອງຖິ່ນໄດ້ມອບເງິນໃຫ້ກັບຄອບຄົວຜູ້ເສຍຊີວິດເປັນຄ່າຊົດເຊີຍຄົນລະ 400.000 ຣູປີ.

ຢ່າງໃດກໍຕາມການດຳເນີນການຄວາມຊ່ວຍເຫຼືອຈາກໜ່ວຍ ງານທ້ອງຖິ່ນລວມທັງກອງກຳລັງ ຕອບສະໜອງໄພພິບັດແຫ່ງຊາດອິນເດຍໄດ້ຊ່ວຍຊີວິດຜູ້ປະສົບໄພ ຫຼາຍກວ່າ 8.500 ຄົນ ຊຶ່ງໄດ້ຍ້າຍໄປຢູ່ສູນພັກຊົ່ວຄາວ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

 

แชร์