ສ ເກົາຫຼີ ພິຈາລະນາໃຊ້ນໍ້າມັນສໍາຮອງທາງຍູດທະສາດ

  ສ. ເກົາຫຼີ ເປີດເຜີຍວ່າຈະພິຈາລະນາເລື່ອງນໍານໍ້າມັນສຳຮອງທາງຍຸດທະສາດມາໃຊ້ ຖ້າຫາກສະຖານະການນໍ້າມັນດິບມີບັນຫາຫຼັງຈາກຊາອຸດິດອາຣັບບີຖືກໂຈມຕີໂຮງກັ່ນນໍ້າມັນແຫ່ງທີ 2.

ຕາມຂ່າວຕ່າງປະເທດລາຍ ງານວ່າ ກະຊວງພະລັງງານຂອງ ສ.ເກົາຫຼີ ຖະແຫຼງໃນວັນທີ 17 ກັນຍາທີ່ຜ່ານມາວ່າຄາດວ່າການນໍາເຂົ້ານໍ້າມັນດິບຈາກຊາອຸດິດອາ ຣັບບີຈະບໍ່ມີຜົນກະທົບໃນໄລຍະສັ້ນແຕ່ສະຖານະການແກ່ຍາວກໍອາດຈະກະທົບກັບປະລິມານນໍ້າມັນດິບໄດ້ ປະຈຸບັນ ສ.ເກົາຫຼີຊຶ່ງເປັນຜູ້ນໍາເຂົ້ານໍ້າມັນດິບຫຼາຍເປັນອັນ ດັບ 5 ຂອງໂລກມີນໍ້າມັນດິບ ແລະຜະລິດຕະພັນນໍ້າມັນກັ່ນແລ້ວເປັນນໍ້າມັນສຳຮອງທາງຍຸດທະສາດປະມານ 96 ລ້ານຖັງພຽງພໍສຳລັບການໃຊ້ງານດົນ 90 ວັນ, ລັດຖະບານຈະພະຍາຍາມໃຫ້ດີທີ່ສຸດເພື່ອຮັກສາສະຖຽນລະພາບອຸປະສົງ ແລະອຸປະທານນໍ້າມັນລວມເຖິງລາຄານໍ້າມັນເຊັ່ນ:ພິຈາລະນາປ່ອຍນໍ້າມັນສຳຮອງທາງຍຸດທະສາດຖ້າຫາກສະຖານະການ ຮ້າຍແຮງ.

ກ່ອນໜ້ານີ້ ທ່ານ ໂດນັລທຣຳປະທານາທິບໍດີຂອງອາເມລິກາໄດ້ສັ່ງໃຫ້ໃຊ້ປະລິມານນໍ້າມັນສຳຮອງສຸກເສີນເພື່ອຮັກສາອຸປະທານນໍ້າມັນແລ້ວຫຼັງຈາກເກີດເຫດ ຮ້າຍທີ່ຊາອຸດິດອາຣັບບີ ຊຶ່ງກະ ທົບກຳລັງການຜະລິດນໍ້າມັນທົ່ວໂລກປະມານ 5%.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

 

แชร์