ຜົນແຂ່ງຂັນລາວແຟຊັນວິກ 2019

  ສຳເລັດໄປດ້ວຍດີຂອງການ ແຂ່ງຂັນອອກແບບອາພອນລາວ ແຟຊັນວິກ ປະຈຳປີ 2019 ທີ່ໄດ້ ເລີ່ມຈັດແຕ່ວັນທີ 9-13 ກັນຍາ ພາຍໃຕ້ຫົວຂໍ້ “ກີບດອກໄມ້” ເພື່ອ ຊີງເອົາທຶນການສຶກສາຂະແໜງ ການອອກແບບໃນບັນດາສະຖາບັນການອອກແບບທີ່ມີຊື່ສຽງຕ່າງໆ ໃນລະດັບສາກົນສຳລັບປີ 2019 ຜູ້ທີ່ໄດ້ລາງວັນຊະນະເລີດຈາກແຂ່ງຂັນອອກແບບອາພອນແມ່ນທ້າວ ສຸນັນທາ ພັນທະປັນຍາ.

ຮອບຊີງຊະນະເລີດໄດ້ຈັດຂຶ້ນ ວັນທີ 13 ກັນຍາ ທີ່ໂຮງແຮມ ແລນມາກ ນະຄອນຫຼວງວຽງຈັນ ໂດຍການເຂົ້າຮ່ວມທ່ານ ນາງ ປານີ ໄຊຍະວົງສ໌ ຜູ້ກໍ່ຕັ້ງ ແລະປະທານໂຄງການລາວແຟຊັນວິກ, ທ່ານ ສົມສະໜຸກ ມີໄຊ ຮອງປະ ທານສະມາຄົມນັກຂ່າວລາວທັງ ເປັນປະທານສະພາບໍລິຫານໂຄງ ການລາວແຟຊັນວິກພ້ອມດ້ວຍ ທ່ານເອກອັກຄະລັດຖະທູດຝຣັ່ງປະຈຳລາວ ບັນດາແຂກພາກສ່ວນ ກ່ຽວຂ້ອງເຂົ້າຮ່ວມ.

ລາວແຟຊັນວິກ ເປັນໂຄງການອາພອນທີ່ໃຫຍ່ທີ່ສຸດຂອງລາວທີ່ ໄດ້ຄັດເລືອກເອົານັກອອກແບບທີ່ມີຊື່ສຽງໃນວົງການແຟຊັນໄປສູ່ລະດັບເວທີສາກົນແລະໄດ້ສ້າງເຄືອ ຂ່າຍການຮ່ວມມືຢ່າງແໜ້ນແຟ້ນ ກັບບັນດາວົງການແຟຊັນສາກົນຄຽງຄູ່ກັນນັ້ນລາວແຟຊັນວິກຍັງ ມີເປົ້າໝາຍສຳຄັນໃນການສ້າງໂອກາດໃຫ້ກັບບັນດານັກອອກແບບ ໜຸ່ມນ້ອຍຂອງລາວທີ່ຍັງດ້ອຍໂອກາດໃຫ້ມີເວທີສະແດງຜົນງານການອອກແບບແລະເປີດໂອກາດໃຫ້ພວກເຂົາໄດ້ກ້າວເຂົ້າສູ່ວົງການ ແຟຊັນມືອາຊີບສຳລັບໂຄງການ ລາວແຟຊັນວີກ 2019 ແມ່ນຈັດແຂ່ງຂັນພາຍໃຕ້ຫົວຂໍ້ “ກີບ ດອກໄມ້”ເພື່ອຊີງເອົາທຶນການສຶກສາຂະແໜງການອອກແບບໃນ ບັນດາສະຖາບັນການອອກແບບທີ່ມີຊື່ສຽງຕ່າງໆໃນລະດັບສາກົນໃນນີ້ມີນັກອອກແບບໜຸ່ມນ້ອຍລາວເຂົ້າຮ່ວມ5 ຄົນທີ່ມາສະ ແດງໂຊຜົນງານການອອກແບບປະດິດຊຸດອາພອນ.

ຜ່ານການແຂ່ງຂັນຜູ້ຊະນະເລີດແມ່ນທ້າວ ສຸນັນທາ ພັນທະປັນຍາ ໄດ້ຮັບທຶນການສຶກສາໃນສະຖາບັນແຟຊັ້ນທີ່ມີຊື່ສຽງ ESMOD (Paris) ເປັນເວລາ 6 ເດືອນ, ຮອງຊະນະເລີດຜູ້ທີ 1 ແມ່ນ ທ້າວ ຄອນວິໄຊ ສຸວັດດີ ໄດ້ຮັບທຶນການສຶກສາ ແລະຝຶກອັບຮົມໃນສະຖາ ບັນແຟຊັນທີ່ປະເທດສິງກະໂປເປັນເວລາ 6 ເດືອນ, ຮອງຊະນະເລີດ ຜູ້ທີ 2 ທ້າວ ມັງກອນ ໄຊຍະວົງ ໄດ້ຮັບທຶນການສຶກສາໃນສະຖາບັນແຟຊັນທີ່ປະເທດລອນດອນ ແລະ ຮ່າໂນ້ຍ ສສ ຫວຽດນາມ ເປັນ ເວລາ 1 ປີ, ຮອງຊະນະເລີດຜູ້ທີ 3 ແມ່ນທ້າວ ອານຸສິດ ແພງຄຳພັດ ໄດ້ຮັບທຶນການສຶກສາໃນສະຖາບັນແຟຊັນທີ່ປະເທດຟິລິບປິນ Fas hion Institute of the 2 ເດືອນ ແລະຮອງຊະນະເລີດຜູ້ທີ 4 ແມ່ນນາງ ມະນີທິບ ພັນທະປັນຍາ ໄດ້ຮັບທຶນການຝຶກອັບຮົມໃນສະຖາບັນແຟຊັນທີ່ບັງກອກ ປະເທດໄທ ເປັນເວລາ 2 ເດືອນ.

-----------------

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์