ສສກ ຫາລືຄຸ້ມຄອງແຜນງານໂຄງການຊ່ວຍເຫຼືອ

  ໃນວັນທີ 16 ມັງກອນ ຜ່ານມາ ທີ່ນະຄອນຫຼວງວຽງຈັນ, ກົມແຜນການກະຊວງສຶກສາທິການ ແລະກີລາ (ສສກ) ໄດ້ຈັດກອງປະຊຸມປຶກສາຫາລື ແລະແລກປ່ຽນຄໍາຄິດຄໍາເຫັນກ່ຽວກັບການຈັດຕັ້ງປະຕິບັດວຽກງານໃນການຄຸ້ມຄອງແຜນງານໂຄງການຊ່ວຍເຫຼືອເພື່ອການພັດທະນາໃນຂະແໜງການສຶກສາ ແລະກີລາປະຈໍາໄຕມາດ 4 (ເດືອນຕຸລາ, ພະຈິກ, ທັນວາ) ປີ 2018 ແລະແຜນການຈັດຕັ້ງປະຕິບັດປະຈໍາໄຕມາດ 1 ປະຈໍາປີ 2019 ໂດຍໃຫ້ກຽດເປັນປະທານຂອງທ່ານ ບຸນປັນ ໄຊມຸນຕຣີ ຫົວໜ້າກົມແຜນການກະຊວງສຶກສາທິການ ແລະກີລາ, ມີຮອງຫົວໜ້າກົມ, ຜູ້ອໍານວຍການ, ຫົວໜ້າ-ຮອງຫົວໜ້າພະແນກ,ຂະແໜງ ແລະຄະນະຮັບຜິດຊອບວຽກງານກ່ຽວຂ້ອງເຂົ້າຮ່ວມ.

  ກອງປະຊຸມດັ່ງກ່າວ, ໄດ້ສຸມໃສ່ການຈັດຕັ້ງປະຕິບັດບັນດາແຜນງານໂຄງການຂະໜາດໃຫຍ່, ເຊິ່ງກະຊວງສຶກສາທິການ ແລະກີລາຮັບຜິດຊອບປະກອບມີ 4 ແຜນງານແລະ11 ໂຄງການ ແລະຍັງມີແຜນງານໂຄງການທີ່ກໍາລັງສະເໜີໃໝ່ປະກອບມີ 1 ແຜນງານ ແລະ1 ໂຄງການ, ທັງນີ້ກໍ່ເພື່ອປຶກສາຫາລື ແລະແລກປ່ຽນຄໍາຄິດຄໍາເຫັນກ່ຽວກັບການຈັດຕັ້ງປະຕິບັດວຽກງານການຄຸ້ມຄອງແຜນງານໂຄງການຊ່ວຍເຫຼືອທາງການເພື່ອການພັດທະນາ (ODA) ໃນຂະ ແໜງການສຶກສາ ແລະກີລາປະຈໍາໄຕມາດ 4 ປີ  2018, ແຜນການຈັດຕັ້ງປະຕິບັດປະຈໍາໄຕມາດ 1 ປີ 2019; ສະເໜີແຜນການຈັດຕັ້ງປະຕິບັດປະຈໍາປີ 2019 ພ້ອມດ້ວຍຕົວເລກງົບປະມານທຶນສົມທົບຂອງລັດຖະບານຂອງແຕ່ລະແຜນການໂຄງການ. ນອກຈາກນີ້, ຍັງເພື່ອເປັນການລາຍງານບັນຫາສິ່ງທ້າທາຍອັນຮີບດ່ວນ ແລະສະເໜີວິທີການແກ້ໄຂຢ່າງຖືກຕ້ອງໃນການຈັດຕັ້ງປະຕິບັດບັນດາແຜນງານໂຄງການໃນປະຈຸບັນ ແລະຕໍ່ໜ້າ.

         ສໍາລັບ 4 ແຜນງານປະກອບມີ: ແຜນງານການປັບປຸງຄຸນນະພາບ ແລະຂະຫຍາຍໂອກາດເຂົ້າຮຽນສໍາລັບການສຶກສາຂັ້ນພື້ນຖານຢູ່ ສປປ ລາວ (BEQUAL), ແຜນ ງານສົ່ງເສີມສຸຂະພາບຈະເລີນພັນ, ບົດບາດຍິງ-ຊາຍ ແລະເພດສຶກສາ, ແຜນການສະໜັບສະໜູນການປະຕິຮູບການສຶກສາຂອງ ສປປ ລາວ 2016-2020), ແຜນງານສ້າງຄວາມເຂັ້ມແຂງໃຫ້ແກ່ວຽກງານບໍລິຫານ ແລະຄຸ້ມຄອງການສຶກສາ. ສ່ວນ 11 ໂຄງການປະກອບມີໂຄງ    ການສ້າງຄວາມເຂັ້ມແຂງໃຫ້ແກ່ວຽກງານອາຊີວະສຶກສາ ແລະຝຶກອົບຮົມວິຊາຊີບໄລຍະ 2 (SSTVET), ໂຄງການສ້າງຄວາມເຂັ້ມແຂງໃຫ້ແກ່ວຽກງານການສຶກສາ ຊັ້ນສູງໄລຍະ 2 (SSHEP), ໂຄງ ການພັດທະນາຂະແໜງການຍ່ອຍ ຊັ້ນມັດທະຍົມສຶກສາ (SESDP), ໂຄງການການສຶກສາກ່ອນໄວຮຽນ (ECE), ໂຄງການກອງທຶນຮ່ວມສາກົນເພື່ອການສຶກສາໄລຍະ 2 (GPEII), ໂຄງການພັດທະນາທັກສະເພື່ອການທ່ອງທ່ຽວ (Skills for Tour- ism) LAO/029 ໄດ້ຮັບການສະ ໜັບສະໜູນຈາກລັດຖະບານສະວິດເຊີແລນ ແລະລຸກຊໍາບວກ, ໂຄງການພັດທະນາອາຊີວະໃນ ສປປ ລາວ ໄດ້ຮັບການສະໜັບ ສະໜູນຈາກລັດຖະບານເຢຍລະມັນ ແລະສະວິດເຊີແລນ, ໂຄງການສະໜັບສະໜູນ ການພັດທະນາອາຊີວະສຶກສາ ແລະ ຝຶກອົບຮົມວິຊາຊີບ (VEFF) ຮັບ ການສະໜັບສະໜູນຈາກທະນາຄານພັດທະນາເຢຍລະມັນ, ໂຄງການປັບປຸງສະພາບແວດລ້ອມຊັ້ນມັດທະຍົມ ສຶກສາຢູ່ພາກກາງ ແລະພາກໃຕ້ຂອງ ສປປ ລາວ, ໂຄງການປັບປຸງຄຸນນະພາບການຮຽນ ແລະການສອນສໍາລັບວິຊາຄະນິດສາດ ແລະ ວິທະຍາສາດໃນການສຶກສາຊັ້ນປະຖົມ, ໂຄງການພັດທະນາຊັບພະ ຍາກອນມະນຸດທຶນການສຶກສາປະລິນຍາໂທ ແລະປະລິນຍາເອກ; ແຜນ ງານ ແລະໂຄງການທີ່ສະເໜີໃໝ່ປະກອບມີແຜນງານພັດທະນາຂະແໜງການສຶກ ສາເພື່ອຈ້າງງານ ແລະໂຄງການປັບປຸງວິທະຍາໄລຄູ.

แชร์