ທທທ ເປັນເຈົ້າພາບເຊື່ອມໂຍງທ່ອງທ່ຽວ ທາງວັດທະນະທຳອາຊຽນ

 

 ການທ່ອງທ່ຽວແຫ່ງປະ ເທດໄທ (ທທທ) ໄດ້ຮັບກຽດເປັນ ເຈົ້າພາບອາຊຽນສົ່ງເສີມດ້ານ ການທ່ອງທ່ຽວພາຍໃຕ້ໂຄງການ “Experiencing ASEAN POP Culture”ພ້ອມຂັບເຄື່ອນຄຸນຄ່າວັດທະນະທຳແຕ່ລະທ້ອງຖິ່ນ, ປະສົມປະສານງານສ້າງສັນແຫຼ່ງທ່ອງທ່ຽວຜ່ານວັດທະນະທຳສະໄໝນິຍົມເຊື່ອມໂຍງດ້ານອາຫານສິລະປະ,ວັນນະຄະດີ, ດົນຕີ ແລະກີລາໃນແຂວງເມືອງຮອງ ຂອງປະເທດໄທ ແລະໃນກຸ່ມປະ ເທດອາຊຽນ ໂດຍມີສິນລະປິນຊື່ດັງຮ່ວມກັນສ້າງສີສັນເພື່ອສະ ທ້ອນວິຖີຊຸມຊົນ. 

ທ່ານ ກິດສະດາ ລັດຕະນະພຶກ ຜູ້ອຳນວຍການພູມີພາກອາຊຽນ ອາຊີໃຕ້ ແລະປາຊີຟິກໃຕ້ການທ່ອງ ທ່ຽວແຫ່ງປະເທດໄທກ່າວວ່າ:ປີນີ້ປະເທດໄທໄດ້ຮັບກຽດເປັນເຈົ້າພາບອາຊຽນ ສົ່ງເສີມດ້ານການທ່ອງທ່ຽວພາຍໃຕ້ໂຄງການ “Experiencing ASEAN POPCulture” ດັ່ງນັ້ນເພື່ອສົ່ງເສີມພາບຮັກການທ່ອງທ່ຽວ ທທທ ຈຶ່ງເລືອກເອົາເມືອງຮອງທີ່ມີສະຖານ ທີ່ສວຍງາມ ແລະຊົງຄຸນຄ່າດ້ານ ວັດທະນະທຳຮ່ວມສະໄໝທັງໃນປະເທດ ແລະອາຊຽນ ໂດຍເຊື່ອມ ໂຍງເລື່ອງລາວຂອງສິລະປະ, ວັນນະຄະດີ, ດົນຕີ ກີລາ ແລະສື່(Media) ເພື່ອນຳຈຸດເດັ່ນຂອງ ເມືອງຮອງມາສ້າງເປັນສັນຍາລັກຂອງທ້ອງຖິ່ນຜ່ານຜົນງານສ້າງ ສັນຂອງສິນລະປິນຊື່ດັງຈາກປະ ເທດອາຊຽນ ໃນຫຼາກຫຼາຍຂະແໜງ ທາງວັດທະນະທຳສະໄໝນິຍົມ ຫຼື POP Culture ທີ່ສະທ້ອນໃຫ້ ເຫັນເຖິງຄວາມສວຍງາມມ່ວນຊື່ນ ໃນຫຼາຍມິຕິຂອງເມືອງຮອງທັງຍັງເຊື່ອວ່າໂຄງການນີ້ຈະສາມາດ ສ້າງກະແສການເດີນທາງທ່ອງ ທ່ຽວເພື່ອເຊື່ອມໂຍງພູມີພາກອາ ຊຽນເຂົ້ານຳກັນໂດຍມີປະເທດໄທ ເປັນສູນກາງພ້ອມກະຕຸ້ນການທ່ອງ ທ່ຽວເມືອງຮອງໃຫ້ຄຶກຄັກ ແລະ ສາມາດສ້າງໂອກາດໃນທາງລາຍ ໄດ້ສູ່ຊຸມຊົນຫຼາຍຍິ່ງຂຶ້ນ ແລະເພື່ອ ຕ້ອງການເຈາະກຸ່ມນັກທ່ອງທ່ຽວ ກຸ່ມໃໝ່ໃນອາຊຽນທີ່ມີຄວາມສົນ ໃຈເລື່ອງສິລະປະວັດທະນະທຳ. 

ທ່ານ ນາງ ອາລຸນລຸ້ງ ສີວັດທະນະປະພາຜູ້ຊ່ວຍປະທານເຈົ້າ ໜ້າທີ່ຝ່າຍການເງິນກຸ່ມບໍລິສັດຄິງ ພາວເວີ ໃນຖານະຜູ້ນຳທຸລະກິດ ທ່ອງທ່ຽວລະດັບໂລກ ແລະເປັນ  Gate way ຂອງນັກທ່ອງທ່ຽວທົ່ວໂລກພ້ອມເປັນກຳລັງສຳຄັນໃນ ການຮ່ວມປະຊາສຳພັນການທ່ອງທ່ຽວໄທ ໂດຍສະເພາະການຂັບ ເຄື່ອນທຸລະກິດທ່ອງທ່ຽວທາງວັດ ທະນະທຳ ຊຶ່ງໃນເມືອງຮອງຂອງ ປະເທດໄທ ມີສະຖານທີ່ຈຳນວນຫຼາຍທີ່ມີສັນຍາລັກເດັ່ນສະເພາະ ແລະມີຄຸນຄ່າ; ສ່ວນ  ໂຄງການ“Experiencing ASEAN POP Culture” ທທທ ໄດ້ນໍາຈຸດເດັ່ນ ແລະຄວາມໜ້າສົນໃຈຂອງ 5 ສະຖານທີ່ສຳຄັນຈາກແຂວງຊຽລາຍ,ສຸໂໄທ, ຕຣາດ ແລະໃນກຸ່ມປະເທດອາຊຽນ ເຊັ່ນ ພະຕະບອງ ແລະມັນທະເລ.

ສໍາລັບກະຊວງຖະແຫຼງຂ່າວ ວັດທະນະທຳ  ແລະທ່ອງທ່ຽວ  ສປປ ລາວ ໄດ້ເຂົ້າຮ່ວມສົ່ງເສີມກິດຈະກຳຜະລິດໜ້າກາກທີ່ເຮັດດ້ວຍໄມ້ ໄຜ່ ແລະຈັດການສະແດງໜ້າກາກ ທີ່ສານເຈົ້າພໍ່ພະຍາແກ້ວ ເມືອງ ຊຽງ ຂອງແຂວງຊຽງລາຍ ເພື່ອ ຖ່າຍທອດເລື່ອງລາວຂອງຫຸ່ນກະ ບອກຈາກລຸ້ນສູ່ລຸ້ນຜ່ານຄະນະຫຸ່ນນັກສະແດງກະບອກຂອງ ສປປ ລາວ ໄດ້ແກ່ເອື້ອຍຖີ (The Lemthy) ແລະອ້າຍສົມປອງ ອິນທະ ວົງ, ນອກຈາກນີ້ຍັງມີຮູບພາບສິ ລະປະຊື່ວ່າ “ແມ່ນໍ້າຂອງ” ຜົນ ງານຈາກຄູ່ສິລະປະນັກອອກແບບລຸ້ນໃໝ່ໄຟແຮງຄົນຫວຽດນາມ ຊຶ່ງເປັນພາບ Mural Printing ການຮ່ວມຈັບປາຂອງຊາວປະມົງທ້ອງຖິ່ນອັນສື່ເຖິງສັນຍາລັກຄວາມ ຮ່ວມມື ແລະຄວາມສຳພັນອັນດີລະຫວ່າງ ສປປ ລາວ ແລະປະເທດໄທ.

ໂຄງການ “Experiencing ASEAN POP Culture” ແມ່ນ ໄດ້ຈັດສະແດງໃນວັນທີ 13 ຫາ 15 ກັນຍາ 2019 ທີ່ປະເທດໄທ,ພາຍໃນງານປະກອບດ້ວຍກິດຈະກຳທີ່ໜ້າສົນໃຈຈຳນວນຫຼາຍເຊັ່ນການສະແດງເປີດງານ,ກິດຈະກຳຮ່ວມໂອ້ລົມກັບເຫຼົ່າສິນລະປິນທັງໄທ ແລະອາຊຽນ,ງານສຳມະນາທາງວິຊາການຫົວຂໍ້ອິດທິພົນຂອງສິລະປະສະໄໝນິຍົມທີ່ມີຕໍ່ອຸດສະຫະກຳການທ່ອງທ່ຽວລວມທັງ ງານສະແດງຜົນງານ Exhibition Exploring ເມືອງຮອງທັງ 5 ແຫ່ງນໍາອີກ.

---------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์