ສະຫວັນຮ່ວມນໍ້າໃຈ ຊ່ວຍຜູ້ປະສົບໄພນໍ້າຖ້ວມ 3 ຕື້ກວ່າກີບ

  ໃນຄໍ່າຄືນຂອງວັນທີ 11 ກັນຍາ 2019 ທີ່ພັດທະຄານດາວຮຸ່ງ ນະຄອນໄກສອນພົມວິຫານ ອຳນາດການປົກຄອງແຂວງສະຫວັນນະເຂດ ຊຶ່ງນຳໂດຍທ່ານ ສັນຕິ ພາບ ພົມວິຫານ ເຈົ້າແຂວງສະຫວັນນະເຂດ, ທ່ານ ຄຳເຜີຍ ຜັນທະຈອນ ປະທານສະພາປະຊາຊົນແຂວງ, ພະແນກການອ້ອມຂ້າງແຂວງ, ໄດ້ພ້ອມກັນຈັດງານລະດົມທຶນຮ່ວມໃຈຊ່ວຍຜູ້ປະສົບໄພພິບັດນໍ້າຖ້ວມ, ມີນັກທຸລະກິດຈາກຫຼາຍພາກສ່ວນເຂົ້າຮ່ວມ.

  ທ່ານ ສັນຕິພາບ ພົມວິຫານ ໄດ້ກ່າວເປີດງານພ້ອມທັງລາຍງານສະພາບນໍ້າຖ້ວມຢູ່ພາຍໃນ ແຂວງສະຫວັນນະເຂດ ວ່າຍັງມີນໍ້າຖ້ວມສູງຢູ່ເຂດເມືອງສອງຄອນ, ຈຳພອນ ແລະຊົນນະບູລີ ເຮືອນຊານຂອງປະຊາຊົນຫຼາຍຫຼັງ ຄາເຮືອນ ຍັງຈົມຢູ່ໃຕ້ນໍ້າແລະ ຄາດວ່າຍັງອີກຫຼາຍມື້ກວ່າທີ່ນໍ້າຈະຫຼຸດລົງເຂົ້າສູ່ປົກກະຕິຊຶ່ງຜົນເສຍຫາຍຈາກນ້ຳຖ້ວມໃນຄັ້ງນີ້ມີຜົນກະທົບຕໍ່ບ່ອນຢູ່ອາໄສ ມີ 10 ເມືອງ, 165 ບ້ານ, 13.736 ຄອບຄົວ, 30.637 ຄົນ, ໃນນັ້ນຕ້ອງຍົກຍ້າຍປະຊາຊົນອອກໄປຢູ່ບ່ອນທີ່ປອດໄພມີ 81 ບ້ານ, 7.433 ຄອບຄົວ, 27.252 ຄົນ, ບາງຄອບຄົວໄດ້ສູນເສຍສະມາຊິກໃນຄອບຄົວ, ຊຶ່ງມີເສຍຊີວິດຈາກເຫດການນີ້ 4 ຄົນ, ຜົນກະທົບຕໍ່ເນື້ອທີ່ທຳ ການຜະລິດຂອງປະຊາຊົນໃນ 14 ເມືອງ 1 ນະຄອນ ມີ 463 ບ້ານ, 34.910 ຄອບຄົວ, ເນື້ອທີ່ນາປີຖືກນໍ້າຖ້ວມ 49.274 ເຮັກຕາ, ເນື້ອທີ່ສວນປູກພືດ 2.5

85 ເຮັກຕາ, ອ່າງເກັບອ 11 ແຫ່ງ, ຄູກັນນ້ຳ 4 ແຫ່ງ, ປະຕູນ້ຳ 12 ແຫ່ງແລະສາຖານີຈັກສູບນ້ຳ 9 ແຫ່ງ, ໜອງປາຖືກນ້ຳຖ້ວມ 1.819 ໜອງ, ສັດ ລ້ຽງຕາຍ ແລະ ສູນຫາຍ 3.202 ໂຕ ນອກຈາກນັ້ນ ກໍ່ຍັງມີຜົນກະທົບຕໍ່ພື້ນຖານໂຄງ ລ່າງຄື: ເສັ້ນທາງເສຍຫາຍຫຼາຍ ກວ່າ 54 ເສັ້ນ, ບາງບ່ອນທາງຂາດ, ນ້ຳເຊາະເຈື່ອນ, ຂົວເປ້ເພຍຸບລົງ, ເສັ້ນທາງຫຼາຍບ່ອນຖືກຕັດຂາດ ບໍ່ສາມາດສັນຈອນໄປ-ມາໄດ້, ການເຂົ້າເຖິງປະຊາຊົນຜູ້ປະສົບໄພ ພົບຄວາມຫຍຸ້ງຍາກ, ມູນຄ່າຄວາມ ເສຍຫາຍເສັ້ນທາງ ແລະຂົວຫຼາຍ ກວ່າ 72 ຕື້ກີບ, ເສົາໄຟຟ້າຫຼາຍ ບ່ອນຫັກລົ້ມໃນບາງເຂດພື້ນທີ່ບໍ່ສາ ມາດກະຈາຍກະແສໄຟຟ້າໄດ້, ໝໍ້ແປງໄຟ, ກົງເຕີໄຟ, ເຄື່ອງໃຊ້ໄຟຟ້າຂອງປະຊາຊົນຈຳນວນຫຼາຍຖືກນ້ຳຖ້ວມເສຍຫາຍຊຶ່ງຍັງບໍ່ສາມາດສັງລວມຂໍ້ມູນໄດ້, ມີໂຮງຮຽນ 165 ແຫ່ງ ຖືກນ້ຳຖ້ວມ ແລະ 187 ໂຮງຮຽນບໍ່ສາມາດເປີດໄຂສົກຮຽນໃໝ່ທັນ, ມາຮອດປະຈຸບັນ ມີ 81 ໂຮງຮຽນໃນບ່ອນທີ່ຖືກນ້ຳຖ້ວມບໍ່ສາມາດເປີດການຮຽນ-ການສອນໄດ້, ມີສຸກສາລາ 8 ແຫ່ງຖືກນ້ຳຖ້ວມບໍ່ສາ ມາດບໍລິການປະຊາຊົນໄດ້, ນ້ຳສ້າງ, ນ້ຳບາດານ 659 ໜ່ວຍ ແລະວິດຖ່າຍຫຼາຍພັນໜ່ວຍຖືກຖ້ວມ.

  ໃນງານຄັ້ງນີ້ຜູ້ເຂົ້າຮ່ວມກໍ່ໄດ້ຮັບຊົມການສະແດງສິລະປະວັນນະຄະດີ ແລະ ມີນັກຮ້ອງ, ນັກສິນລະປິນຈາກຄ້າຍຕ່າງໆທີ່ສະໝັກໃຈເຂົ້າຮ່ວມໃນງານນີ້ຫຼາຍກວ່າ 20 ຄົນ, ເພື່ອມາປະກອບສ່ວນ ສຽງເພງໃຫ້ແຂກທີ່ເຂົ້າຮ່ວມໄດ້ ຜ່ອນຄາຍ, ສະຫຼັບດ້ວຍການມອບ-ຮັບເຄື່ອງບໍລິຈາກວັດຖຸ, ສິ່ງຂອງ, ເຄື່ອງອຸປະໂພກ-ບໍລິໂພກ ແລະເງິນ ຊ່ວຍເຫຼືອຜູ້ປະສົບໄພພິບັດນ້ຳຖ້ວມຈາກບໍລິສັດ, ຫ້າງຮ້ານ, ສ່ວນບຸກ ຄົນ ລວມມູນຄ່າທັງໝົດ 3 ຕື້ກວ່າ ກີບ ໃນນັ້ນ ເປັນເງິນກີບ 2,87 ຕື້ກີບ, 52.000 ໂດລາ ແລະວັດຖຸລວມມູນຄ່າ 211 ລ້ານກວ່າກີບ, ນີ້ຄືທານນ້ຳໃຈຂອງຊາວແຂວງສະຫວັນນະເຂດ, ໃນຍາມລຳບາກຕ້ອງໄດ້ມີການຊ່ວຍເຫຼືອເຊິ່ງກັນ ແລະກັນ.

------------

ນສພ ເສດຖະກິດ-ສັງຄົມ

แชร์