ຊິໄນເດີ ອີເລັກຕຣິກ ເປີດໂຕຕົວແທນຈໍາໜ່າຍ ແລະແນະນໍາສິນຄ້າໃໝ່

  ວັນທີ 11 ກັນຍາຜ່ານມາທີ່ນະຄອນຫຼວງວຽງຈັນ ບໍລິສັດຊິໄນເດີອີເລັກຕຣິກ ໄດ້ຈັດງານເປີດໂຕຕົວແທນຈຳໜ່າຍ ແລະ ແນະນໍາສິນຄ້າໃໝ່ຊຶ່ງບໍລິສັດຊິ ໄນເດີອີເລັກຕຣິກ ເປັນຜູ້ຊ່ຽວຊານລະດັບໂລກດ້ານການບໍລິຫານຈັດການພະລັງງານແລະລະບົບອັດຕະໂນມັດໄດ້ຈັດພິທີສຳມະນາເຜີຍແຜ່ຄວາມຮູ້, ຄວາມເຂົ້າໃຈລວມເຖິງເຕັກໂນໂລຊີຕ່າງໆ ໃນດ້ານມາດຕະຖານລະບົບດາຕ້າເຊັນເຕີ, ລະບົບພະລັງງານສຳຮອງໄຟຟ້າ ແລະລະບົບປັບອາກາດເນື່ອງຈາກໃນຂະນະນີ້ທຸກໜ່ວຍງານ ແລະອົງກອນຕ່າງໆໄດ້ຫັນມາຄຳນຶງເຖິງຄວາມສຳຄັນໃນການປັບປຸງລະບົບພາຍໃຕ້ຫ້ອງຄວບຄຸມຂໍ້ມູນໄປສູ່ລະບົບດາຕ້າເຊັນເຕີ ທີ່ໄດ້ມາດຕະຖານເປັນຈຳນວນ ຫຼວງຫຼາຍ, ບໍລິສັດ ຊິໄນເດີອີເລັກຕຣິກ ຈຶ່ງມີຄວາມປະສົງຢາກເສີມສ້າງຄວາມຮູ້, ຄວາມເຂົ້າໃຈໃຫ້ກັບບັນດາລູກຄ້າຕະຫຼອດຈົນຮອດຜູ້ທີ່ສົນໃຈພາຍໃຕ້ຫົວຂໍ້ດັ່ງນີ້: Schne iderEcoStruxure Data Center Solution, Powerquality and management by Schneider UPS innovation (Easy UPS, Galaxy VS), Uniflair Efficient room Cooling for Data Center environment.

 ໃນງານດັ່ງກ່າວນີ້ມີຜູ້ສົນໃຈເຂົ້າຮ່ວມງານຢ່າງຄືກຄື້ນຈາກຫຼາຍພາກສ່ວນປະກອບດ້ວຍຜູ້ອອກແບບງານລະບົບໄອທີ, ທະນາຄານຕ່າງໆລວມເຖິງບໍລິສັດໂທລະຄົມໃນປະເທດລາວ, ທັງນີ້ ຄາດ ຫວັງວ່າ ຜູ້ເຂົ້າຮ່ວມສຳມະນາຈະ ໄດ້ຮັບຄວາມຮູ້, ຄວາມເຂົ້າໃຈ ແລະສາມາດເລືອກໃຊ້ລະບົບປັບອາກາດທີ່ເໝາະສົມສຳລັບອົງກອນຂອງທ່ານໄດ້ຢ່າງຖືກຕ້ອງພາຍໃຕ້ງົບປະມານທີ່ເໝາະສົມ ແລະດ້ວຍປະສົບການ ແລະຄວາມເຊື່ອໝັ້ນຂອງບໍລິສັດ ຊິໄນເດີອີເລັກຕຣິກ ໃນດ້ານລະບົບປັບອາກາດທີ່ສາມາດຕອບສະໜອງລູກຄ້າໄດ້ຢ່າງຫຼາກຫຼາຍພ້ອມທັງທີມງານທີ່ມີຄວາມພ້ອມ ແລະຄວາມສາມາດໃນການໃຫ້ບໍລິການກ່ອນ ແລະຫຼັງການຂາຍສາມາດສ້າງຄວາມໝັ້ນໃຈໃນການຕັດສິນໃຈເລືອກໂຊລູຊັ່ນທີ່ດີທີ່ສຸດ ແລະ ເໝາະສົມກັບອົງກອນຂອງຕົນເອງໄດ້, ສະນັ້ນບໍລິສັດ ຊິໄນເດີ ອີເລັກຕຣິກ ໂອເວີຊີເອເຊຍ ສາຂາປະເທດລາວໄດ້ຈັດພິທີແຕ່ງຕັ້ງບໍລິສັດເອວີເທຣດດິ້ງຈໍາກັດ ໃຫ້ເປັນຕົວແທນຈໍາໜ່າຍທາງການ APC by Schneider ໃນປະເທດລາວທັງນີ້ກໍເພາະວ່າເອວີເທຣດດິ້ງເປັນບໍລິສັດທີ່ນໍາໜ້າດ້ວຍວິໄສທັດທາງດ້ານການສະໜອງການບໍໍລິການກຸ່ມສິນຄ້າທີ່ມີຄຸນນະພາບສູງ ແລະໂດດເດັ່ນທາງດ້ານນະວັດຕະກຳລະດັບໂລກໃຫ້ແກ່ສັງຄົມລາວ.

 ເອວີເທຣດດິ້ງ ເປັນບໍລິສັດທີ່ມີໂຄງສ້າງດ້ານການຈໍາໜ່າຍ, ການບໍລິການຫຼັງການຂາຍ ແລະການກະຈາຍສິນຄ້າທີ່ໝັ້ນຄົງໃນການຕອບສະໜອງໃຫ້ແກ່ບັນດາຫົວ ໜ່ວຍທຸລະກິດຕ່າງໆໃນທົ່ວປະເທດ. ດັ່ງນັ້ນ, ຊິໄນເດີອີເລັກຕຣິກສາຂາປະເທດລາວຈຶ່ງໄດ້ມີການຈັດຕັ້ງແຜນທຸລະກິດຮ່ວມກັນ ແລະແຕ່ງຕັ້ງໃຫ້ບໍລິສັດເອວີເທຣດ ດິ້ງ ຈໍາກັດ ເປັນຕົວແທນຈຳໜ່າຍທາງການໃນປະເທດລາວເພື່ອເປັນສູນກາງທາງດ້ານການສະໜອງສິນຄ້າໃຫ້ແກ່ບັນດາບໍລິສັດກ່ຽວຂ້ອງ ແລະພາກສ່ວນຮ້ານຄ້າທີ່ຈັດຈໍາໜ່າຍ APC by SchneiderElectric ໃນລາວຢ່າງທົ່ວເຖິງ.

  ນອກນັ້ນໃນງານດັ່ງກ່າວຍັງໄດ້ມີການເປີດໂຕສິນຄ້າໃໝ່ໃນກຸ່ມເຄື່ອງສໍາຮອງໄຟຟ້າ Easy UPS ຊຶ່ງມີທັງແບບ(1Ph BV Series) ເຄື່ອງສໍາຮອງໄຟຟ້າລຸ້ນໃໝ່ທີ່ອອກແບບມາສໍາລັບປ້ອງກັນໄຟຟ້າທີ່ບໍ່ສະຖຽນ, ເປັນເຄື່ອງສໍາຮອງໄຟຟ້າອະເນກປະສົງທີ່ພັດທະນາຂຶ້ນມາເພື່ອຈັດການສະພາບພະລັງງານທີ່ບໍ່ສອດຄ່ອງກັນ, ໃນຂະນະດຽວກັນຍັງ ມອບຄວາມໄວ້ວາງໃຈທາງດ້ານຄຸນນະພາບໃຫ້ຜູ້ຊ່ຽວຊານດ້ານ ໄອທີທົ່ວໂລກນິຍົມໃຊ້ກັບວຽກ ງານທີ່ພັກອາໄສ ແລະຫ້ອງການທົ່ວໄປ, ນອກນີ້ ເຮົາຍັງມີເຄື່ອງສຳຮອງໄຟຟ້າແບບອອນລາຍ (1PhOnline) ສຳລັບຜູ້ຊຽ່ວຊານດ້ານໄອທີໃນທຸລະກິດຂະໜາດນ້ອຍຈົນເຖິງຂະໜາດກາງໃຫ້ບໍລິການພື້ນຖານກາ ນປ້ອງກັນໄຟສໍາລັບພະລັງງານທີ່ບໍ່ສະຖຽນໃນທຸກເງື່ອນໄຂ, ເພື່ອໃຫ້ໝັ້ນໃຈວ່າມັນສອດຄ່ອງ ແລະ ການເຊື່ອມຕໍ່ທີ່ເຊືື່ອຖືໄດ້ໃນຊ່ວງເວລາທີ່ສຳຄັນທີ່ສຸດ, ເຄື່ອງສຳ ຮອງໄຟຟ້າແບບອອນລາຍ, UPS ອະເນກປະສົງຄຸນນະພາບສູງລາຄາບໍ່ແພງເປັນເຄື່ອງສໍາຮອງໄຟຟ້າທີ່ພັດທະນາຂຶ້ນເພື່ອຮອງຮັບແຮງດັນໄຟ ຟ້າສູງ ແລະເງື່ອນໄຂພະລັງງານບໍ່ສອດຄ່ອງກັນ, ມອບຄຸນນະພາບທີ່ໜ້າເຊື່ອຖືໃຫ້ຜູ້ຊ່ຽວຊານດ້ານໄອທີນັບລ້ານຄົນທົ່ວໂລກ.

-----------------

ຂຽນໂດຍ: ວົງມະນີ

ພາບ ແລະຂ່າວຈາກ: ນສພ ເສດຖະກິດ-ສັງຄົມ

แชร์