ຫຼວງພະບາງ ເຜີຍແຜ່ມາດຕະຖານ ໂຮງແຮມຂຽວອາຊຽນ

  ວັນທີ 11 ກັນຍາ ຜ່ານມາທີ່ໂຮງແຮມຈິດຈະເລີນເມືອງຫຼວງ ນະຄອນຫຼວງພະບາງໄດ້ມີກອງປະຊຸມເຜີຍແຜ່ມາດຕະຖານໂຮງ ແຮມຂຽວອາຊຽນ ໂດຍການເປັນປະທານຂອງທ່ານ ບຸນມາ ເພັດສາວົງ ຫົວໜ້າກົມຄຸ້ມຄອງການ ທ່ອງທ່ຽວ, ທ່ານ ນາງ ສຸດາພອນ ຄົມທະວົງ ຮອງຫົວໜ້າພະ ແນກຖະແຫຼງຂ່າວ,ວັດທະນະທໍາແລະທ່ອງທ່ຽວແຂວງຫຼວງພະບາງ,ມີຜູ້ຕາງໜ້າພະແນກຖະແຫຼງ ຂ່າວ, ວັດທະນະທໍາ ແລະທ່ອງ ທ່ຽວແຂວງຊຽງຂວາງ ແລະໄຊຍະບູລີ ພ້ອມດ້ວຍຜູ້ປະກອບການ ທຸລະກິດໂຮງແຮມເຮືອນພັກເຂົ້າ ຮ່ວມ.

ທ່ານ ບຸນມາ ເພັດສາວົງ ກ່າວວ່າ: ຈຸດປະສົງການເຜີຍແຜ່ມາດ ຕະຖານໂຮງແຮມຂຽວອາຊຽນຄັ້ງນີ້ກໍເພື່ອເປັນການຊຸກຍູ້ໃຫ້ພາກອຸດສາຫະກໍາທີ່ພັກແຮມຂອງອາຊຽນ ມີການນໍາໃຊ້ຊັບພະຍາກອນແບບຍືນຍົງພ້ອມທັງຊ່ວຍຊຸກຍູ້ໃຫ້ມີ ການປະຢັດພະລັງງານ ແລະນໍາໃຊ້ຜະລິດຕະພັນທີ່ເປັນມິດກັບສິ່ງແວດລ້ອມ, ການນໍາໃຊ້ຜະລິດຕະພັນສີ ຂຽວ,ການຄຸ້ມຄອງພະນັກງານ ແລະສິ່ງແວດລ້ອມທີ່ຊ່ວຍໃຫ້ປະຊາຊົນທ້ອງຖິ່ນໄດ້ຮັບຜົນປະໂຫຍດຈາກການປະຕິບັດງານຢ່າງເປັນ ມືອາຊີບ.

ທ່ານກ່າວຕື່ມວ່າ: ເນື້ອໃນຈິດ ໃຈຫຼັກຂອງມາດຕະຖານໂຮງແຮມຂຽວອາຊຽນແມ່ນເງື່ອນໄຂຕໍ່າສຸດ ທີ່ບັນດາຜູ້ປະກອບການທຸລະກິດ ໂຮງແຮມຈະຕ້ອງມີສ່ວນຮ່ວມໃນ ການປົກປັກຮັກສາຊັບພະຍາກອນທໍາມະຊາດ  ແລະວັດທະນະທໍາຂອງອາຊຽນ ໃຫ້ມີຄວາມຍືນຍົງເພື່ອຮັບປະກັນໃຫ້ການທ່ອງທ່ຽວກາຍ   ເປັນເຄື່ອງມືປົກປັກຮັກສາຊັບພະ ຍາກອນທໍາມະຊາດ, ວັດທະນະທໍາ ແລະເພື່ອຫຼຸດຜ່ອນຄວາມທຸກຍາກ ຂອງປະຊາຊົນ, ປະຈຸບັນຢູ່ ສປປ ລາວ ມີສະຖານທີ່ພັກແຮມທັງໝົດ 2.102 ແຫ່ງ, ສະເພາະຢູ່ ແຂວງວຽງຈັນ ມີສະຖານທີ່ພັກ ແຮມຈໍານວນ 477 ແຫ່ງ ໃນນັ້ນ ໂຮງແຮມ 90 ແຫ່ງ,ລີສອດ ແລະເຮືອນພັກ 387 ແຫ່ງ ໃນນີ້ມີໂຮງແຮມ ແລະລີສອດທີ່ໄດ້ຮັບ ລາງວັນມາດຕະຖານໂຮງແຮມ ຂຽວອາຊຽນຢູ່ ສປປ ລາວ ທັງໝົດ 53 ແຫ່ງ,ສະເພາະຢູ່ແຂວງ ຫຼວງພະບາງ ມີ 18 ແຫ່ງ, ຊຶ່ງ ກວມເອົາ 33% ຂອງຈໍານວນໂຮງແຮມທີ່ໄດ້ຮັບລາງວັນຂຽວ ອາຊຽນ ຢູ່ ສປປ ລາສໍາລັບນັກທ່ອງທ່ຽວສ່ວນຫຼາຍເລືອກທີ່ຈະພັກຕາມໂຮງແຮມທີ່ໄດ້ມາດຕະຖານ ແລະເປັນຕົວແບບໃນການ ຮັກສາສິ່ງແວດລ້ອມ ແລະເປັນມິດ ກັບທໍາມະຊາດ,ສະນັ້ນການເຜີຍ ແຜ່ບັນດາມາດຕະຖານດັ່ງກ່າວນີ້ຈະເປັນທິດຊີ້ນໍາໃຫ້ແກ່ຜູ້ປະກອບ ການທຸລະກິດໂຮມແຮມ-ລີສອດຢູ່ ສປປ ລາວ ຈະຕ້ອງໄດ້ປະຕິບັດ ຕາມເພື່ອເປັນບ່ອນອີງໃນການປັບ ປຸງ ແລະຍົກລະດັບຂອດການບໍລິການຂອງຕົນໃຫ້ໄດ້ຕາມມາດຕະຖານ ແລະສ້າງຄວາມປະທັບໃຈ ໃຫ້ແກ່ຜູ້ທີ່ມາຢ້ຽມຢາມ.

-------------

  ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์