ສະຫຼອງວັນສະຖາປະນາ ສປ ຈີນ ແລະບຸນປະເພນີໄຫວ້ພະຈັນ

  ລາວ-ຈີນ ຈັດງານລ້ຽງສະເຫຼີມສະຫຼອງວັນສະຖາປະນາ ສປ ຈີນ ແລະ ບຸນປະເພນີໄຫວ້ພະຈັນຂອງຈີນຂຶ້ນໃນວັນທີ 12 ກັນຍາ ທີ່ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ,ທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ, ທ່ານ ຈ່ຽງ ຈ້າຍຕົ່ງ ເອກອັກຄະລັດຖະທູດຈີນປະຈຳລາວ, ທ່ານ ເລັ່ງ ສະຫວັນວາລີ ປະທານສະມາຄົມລວມຈີນດຽວດ້ວຍສັນຕິບັນດາທ່ານລັດຖະມົນຕີກະຊວງກ່ຽວຂ້ອງ, ຫົວໜ້າກົມ ແລະແຂກການນຳລະດັບສູງລາວ-ຈີນເຂົ້າຮ່ວມ.

  ທ່ານ ເລັ່ງ ສະຫວັນວາລີ ກ່າວວ່າ: ລາວ-ຈີນມີສາຍພົວພັນຮ່ວມມືພາຍໃຕ້ການຊຸກຍູ້ຂອງຜູ້ນຳຂັ້ນສູງທາງດ້ານເສດຖະກິດການຄ້າ, ການລົງທຶນ, ວິທະຍາສາດການສຶກສາ, ວັດທະນະທຳ ແລະການທ່ອງທ່ຽວລະຫວ່າງສອງປະເທດຢ່າງບໍ່ຢຸດຢັ້ງຈົນໄດ້ເຂົ້າສູ່ຍຸກທີ່ດີຂອງປະຫວັດສາດກາຍເປັນຄູ່ຮ່ວມຊະຕາກຳແບບ “ເພື່ອບ້ານທີ່ດີ, ເພື່ອມິດທີ່ດີ, ສະຫາຍທີ່ດີ ແລະຄູ່ຮ່ວມມືທີ່ດີ” ຈົນກາຍເປັນເຈົ້າການຮ່ວມການພັດທະນາເສດຖະກິດ-ສັງຄົມລາວຍຸດທະສາດ “ໜຶ່ງ ແລ້ວໜຶ່ງເສັ້ນທາງ” ທີ່ໄດ້ຮັບໝາກຜົນອັນໂດດເດັ່ນສະນັ້ນຈຶ່ງໄດ້ຈັດງານສະເຫຼີມສະຫຼອງວັນສະຖາປະນາ ສາທາລະນະລັດ ປະຊາຊົນຈີນຄົບຮອບ 70 ປີ ແລະສະເຫຼີມສະຫຼອງບຸນປະເພ ນີໄຫວ້ພະຈັນຂອງຈີນເພື່ອສະແດງໃຫ້ເຫັນສາຍພົວພັນມິດຕະພາບຄວາມສາມັກຄີຮັກແພງລະຫວ່າງປະຊາຊົນສອງຊາດລາວ-ຈີນກ້າວເຂົ້າສູ່ເສັ້ນທາງອັນສະຫງ່າລາສີ ແລະງົດງາມກວ່າເກົ່າ.

 ໃນໂອກາດສະເຫຼີມສະຫຼອງວັນສະຖາປະນາ ສປ ຈີນ ແລະບຸນປະເພນີໄຫວ້ພະຈັນຂອງຈີນທີ່ນະຄອນຫຼວງວຽງຈັນຄັ້ງນີ້ເພື່ອອຳນວຍຄວາມສະດວກຂອງພາກສ່ວນທີ່ກ່ຽວຂ້ອງ ແລະ ອຳນາດການປົກຄອງແຕ່ລະຂັ້ນຂອງຊາວຈີນຕ່າງດ້າວໄດ້ຢຶດໝັ້ນເຄົາລົບ ແລະປະຕິບັດລະບຽບກົດໝາຍຮີດຄອງປະເພນີລາວ ແລະເປັນເຈົ້າການຮ່ວມການສ້າງລົງທຶນດຳເນີນທຸລະກິດອັນແນ່ນອນໃຫ້ແກ່ການພັດທະນາເສດຖະກິດແຫ່ງຊາດລາວໃຫ້ຈະເລີນຮຸ່ງເຮືອງ.

---------------

ໜັງສືພິມເສດຖະກິດ-ສັງຄົມ

• 16/09/2019