ມຽນມາສົ່ງອອກແຮງງານ 30 ພັນກວ່າຄົນ ໃນ 1 ເດືອນ

ກະຊວງຂ່າວສານມຽນ ມາລາຍງານໃນວັນທີ 12 ກັນຍາວ່າມຽນມາໄດ້ສົ່ງແຮງງານຂ້າມ ຊາດໄປເຮັດວຽກຕ່າງປະເທດຈຳນວນ 33.805 ຄົນ ເມື່ອທຽບກັບ ເດືອນສິງຫາທີ່ຜ່ານມາ.

ຕາມຂ່າວຕ່າງປະເທດລາຍ ງານວ່າ ໃນໄລຍະເວລາດັ່ງກ່າວ ແຮງງານຖືກສົ່ງໄປຍັງ 8 ປະເທດຊຶ່ງລວມເຖິງໄທໃນຈຳນວນ 24.583 ຄົນ,ມາເລເຊຍ 7.866 ຄົນ ແລະຍີ່ປຸ່ນ 761 ຄົນຂະນະທີ່ແຮງງານ 595 ຄົນ ທີ່ ເຫຼືອຖືກສົ່ງໄປ ສ.ເກົາຫຼີ, ຊູດັງ,ສະຫະລັດອາຣັບອາມິເຣດ, ສິງກະໂປ ແລະກາຕ້າຕາມລໍາດັບ, ຂະນະ ດຽວກັນກະຊວງແຮງງານກວດຄົນເຂົ້າເມືອງ ແລະປະຊາກອນ ມຽນມາສະເໜີການຈ້າງວຽກ ເຮັດໃນທ້ອງຖິ່ນໃຫ້ກັບແຮງງານ 28.982 ຄົນ ໂດຍໃນຈຳນວນນີ້ມີແຮງງານ 28.366 ຄົນຈ້າງໃຫ້ເຮັດວຽກໃນຂະແໜງເອກະຊົນໃນເດືອນສິງຫາທີ່ຜ່ານມາ.

ທັງນີ້ກະຊວງໄດ້ສະເໜີໂອກາດການຈ້າງວຽກເຮັດທັງໃນ ແຕ່ລະປະເທດໃຫ້ກັບແຮງງານ ທ້ອງຖິ່ນຜ່ານລະບົບການຈັດການແລກປ່ຽນແຮງງານທາງອອນລາຍເພື່ອສົ່ງເສີມການພັດທະນາຂອງປະເທດ ແລະຊ່ວຍເພີ່ມລາຍໄດ້ໃຫ້ກັບຊາວບ້ານໃນ ທ້ອງຖິ່ນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

 

แชร์