ຫວຽດນາມຈະປັບຫຼຸດເວລາເຮັດວຽກລົງ

  ສະຫະພາບແຮງງານ ສສ ຫວຽດນາມ (VGCL) ຮຽກຮ້ອງໃຫ້ແກ້້ໄຂຮ່າງກົດໝາຍແຮງງານເພື່ອຫຼຸດເວລາໃນການເຮັດວຽກລົງຈາກເດີມ 48 ຊົ່ວໂມງມາຢູ່ທີ່ 44 ຊົ່ວໂມງຕໍ່ອາທິດ.

ຕາມຂ່າວຕ່າງປະເທດລາຍງານວ່າສະພາແຫ່ງຊາດຫວຽດນາມມີການພິຈາລະນາຮ່າງກົດໝາຍ ໂດຍມີການສະເໜີໃຫ້ມີການປັບແກ້ຫຼຸດເວລາການເຮັດວຽກລົງຈາກເດີມ 48 ຊົ່ວ ໂມງ ລົງມາຢູ່ທີ່ 44 ຊົ່ວໂມງຕໍ່ອາທິດ,ຊຶ່ງຫຼາຍບໍ ລິສັດ ແລະບັນດາພະນັກງານລະບຸວ່າການຫຼຸດເວລາເຮັດວຽກຕໍ່ອາທິດຈະເຮັດໃຫ້ທຳລາຍອຸດສາຫະກຳແລະເສດຖະກິດເພາະກົດໝາຍແບບນີ້ຈະຫຼຸດມູນຄ່າການສົ່ງອອກຂອງປະເທດ ໂດຍ ລະບຸວ່າປະເທດອື່ນໆໃນພາກພື້ນອາຊຽນມີການເຮັດວຽກລ່ວງເວລາຫຼາຍກວ່າຫວຽດ ນາມ,ໃນກອງປະຊຸມ ທ່ານ ງໍ້ ຢຸຍ ຮ່ຽວຮອງປະ ທານ VGCL ລະບຸວ່າການຫຼຸດຊົ່ວໂມງເຮັດວຽກເປັນຄວາມກ້າວໜ້າຂອງມະນຸດ, ຄວາມຕ້ອງ ການເພີ່ມຜະລິດຜົນຕ້ອງກ້າວໜ້າໄປພ້ອມກັບສຸຂະພາບຂອງແຮງງານ ໃຫ້ເວລາພວກເຂົາໄດ້ເບິ່ງແຍງຄອບຄົວຫຼາຍຂຶ້ນແລະມີສ່ວນຮ່ວມ ໃນກິດຈະກຳທາງສັງຄົມຫຼາຍຂຶ້ນ,ການຫຼຸດເວລາໃນການເຮັດວຽກບໍ່ພຽງໄດ້ປະໂຫຍດກັບ ແຮງງານຍັງເປັນການສ້າງແຮງຈູງໃຈໃຫ້ກັບທຸລະກິດໃນການປັບປຸງອຸປະກອນ, ປັບປຸງການ ເບິ່ງແຍງກິດຈະການ ແລະປັບປຸງປະສິດທິພາບ ການຜະລິດ.

ປະຈຸບັນຊົ່ວໂມງການເຮັດວຽກພື້ນຖານຂອງຫວຽດນາມຢູ່ທີ່ 48 ຊົ່ວໂມງຕໍ່ອາທິດສູງກວ່າຫຼາຍປະເທດໃນພາກພື້ນແລະໃນໂລກ,ປະຈຸບັນຫວຽດນາມມີວັນພັກລາດຖະການໜ້ອຍກວ່າປະເທດອື່ນໆໃນອາຊຽນເຊັ່ນ:ກຳປູເຈຍມີວັນພັກ 28 ວັນ, ບຣູໄນມີວັນພັກ 15 ວັນ,ອິນໂດເນເຊຍມີວັນພັກ 16 ວັນ, ມາເລເຊຍມີວັນພັກ 12 ວັນ,ມຽນມາມີວັນພັກ 14 ວັນ ແລະໄທມີວັນພັກ 16 ວັນ ຂະນະທີ່ຫວຽດນາມມີວັນພັກພຽງ 10 ວັນເທົ່າກັບອາເມລິກາ.

-----------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

 

แชร์