ນັກມວຍລາຍລາວ ຮ່ວມແຂ່ງຂັນ ທີ່ ສ.ເກົາຫຼີ

 ສະຫະພັນມວຍລາວແຫ່ງ ຊາດໄດ້ສົ່ງ 5 ນັກກີລາມວຍລາຍ ລາວຈາກທິມ Lao Action star ເປັນຕົວແທນ ສປປ ລາວ ເພື່ອໄປ ສະແດງສັກກະຍະພາບໃນເວທີສາ ກົນຮ່ວມແຂ່ງຂັນສິລະປະການຕໍ່ສູ້ ຂອງແຕ່ລະປະເທດໃນລາຍການ Chungju world Martial Arts Park 2019 ລະວ່າງວັນທີ 30 ສິງຫາ ເຖິງ 6 ກັນຍາ 2019 ທີ່ ປະເທດ ສ.ເກົາຫຼີ.

ສະຫະພັນມວຍລາວແຫ່ງຊາດ ໄດ້ສົ່ງນັກກີລາມວຍລາຍລາວຈຳ ນວນ 5 ຄົນ ເພື່ອໄປຮ່ວມແຂ່ງຂັນ ການສະແດງສິລະປະການຕໍ່ສູ້ໂລກ ທີ່ເມືອງChungju ສ.ເກົາຫຼີ ໂດຍມີ 46 ປະເທດເຂົ້າຮ່ວມ.ລາຍການດັ່ງກ່າວຈັດມາແລ້ວ 3 ຄັ້ງ ແລະສປປ ລາວ ສົ່ງໄປຮ່ວມ ຄັ້ງທຳອິດໃນປີ 2018 ສົ່ງເຂົ້າ ພຽງ 1 ລາຍການຄື:ຟ້ອນດ່ຽວ ແລະສາມາດຍາດໄດ້ອັນດັບທີ 3, ສ່ວນປີ 2019 ສົ່ງເຂົ້າຮ່ວມ 3 ລາຍການຄື:ຟ້ອນດ່ຽວ, ຟ້ອນຄູ່ ແລະຟ້ອນລວມ 5 ຄົນ ໂດຍຕັ້ງເປົ້າ ໝາຍແມ່ນຫວັງຜົນງານໃຫ້ດີກວ່າ ປີທີ່ຜ່ານມາຄືຕິດອັນດັບ 1 ໃນ 2, ຜ່ານການແຂ່ງຂັນຕົວຈິງໃນປີ 2019 ປາກົດວ່າທັບນັກກີລາລາວ ໄປບໍ່ເຖິງຝັນ ໂດຍລາຍການຟ້ອນດ່ຽວ ໄດ້ອັນດັບທີ 11 ແລະລາຍ ການຄູ່ຍາດໄດ້ ອັນດັບທີ  5, ສ່ວນ ລາຍການປະເພດທິມຍາດໄດ້ອັນ ດັບ 6 ກ່ອນທີ່ນັກກີລາມວຍລາຍ ລາວຈະເດີນທາງກັບມາ ສປປ ລາວ ເມື່ອທ້າຍອາທິດຜ່ານມາ.

ຫຼັງຈາກກັບຈາກການແຂ່ງຂັນ ທ່ານ ພິລາວັນ ຈັນທະກາລີ ນັກກີ ລາມວຍລາຍລາວຕົວຫຼັກເປີດເຜີຍ ເມື່ອວັນທີ 10 ກັນຍາວ່າ: ການແຂ່ງຂັນລາຍການດ່ຽວແມ່ນແຕກຕ່າງກັບປີກາຍຫຼາຍເນື່ອງຈາກປີ ນີ້ຈະເນັ້ນແມ່ໄມ້ມວຍບໍ່ໄດ້ເນັ້ນ ເລື່ອງທ່າຍາກຜາດໂຝນ (ລອຍ ກາງອາກາດ) ຫຼາຍເກີນໄປຄະນະທີ່ພວກເຮົາກັບເນັ້ນທ່າຍາກຫຼາຍ ເກີນໄປເຮັດໃຫ້ບໍ່ໄດ້ຕາມເປົ້າໝາຍ,ສຳລັບແຜນປີຕໍ່ໄປຈະພະຍາຍາມ ສູ້ຊົນໃຫ້ໄດ້ຕິດອັນດັບ 1 ໃນ 5 ແລະຈະສົ່ງນັກກີລາເຂົ້າຮ່ວມໃຫ້ ໄດ້ຫຼາຍລາຍການທັງມືເປົ່າ ແລະ ປະກອບອາວຸດເພື່ອເພີ່ມປະສົບ ການທັງພາຍໃນ ແລະສາກົນ.

ສຳລັບຄະນະນຳທິມນັກກີລາຮ່ວມແຂ່ງຂັນຄັ້ງນີ້ນຳໂດຍອາຈານພິລາວັນຈັນທະກາລີ ເຈົ້າຂອງອັນດັບ 3 ໃນລາຍການຟ້ອນ ດ່ຽວ ເມື່ອປີ 2018,ອາຈານຈື້ ເນັ້ງ ຄົວປາວຊົ່ງ ຫຼື ບູດສ໌ລີລາວ, ອາຈານ ໄພລັດ ທຳມະວົງສາ ຄູ ຝຶກວໍວິນາມທິມຊາດລາວ, ກອງ ເງິນອິດທິສາມ ແລະຄຳຮັກ ສີວົງ ໄຊ ໂດຍທັງ 5 ຄົນ ມາຈາກທິມ Lao Action star ທິມສະແດງ ແມ່ໄມ້ມວຍລາວ ແລະແອັກຊັນຕ່າງໆໃນໜັງສັ້ນທີ່ມີຊື່ສຽງໃນ ສປປ ລາວ.

-----------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์