ຖໍ້ານາງແອ່ນ ແຫຼ່ງທ່ອງທ່ຽວທາງທໍາມະຊາດ

  ອອກພັນສານີ້ຖ້າໃຜຍັງບໍ່ຮູ້ວ່າຈະໄປທ່ຽວສະຖານທີ່ໃດຈຶ່ງຈະໄດ້ສຳພັດກັບທຳຊາດ,ອາກາດເຢັນສະບາຍ,ພ້ອມມີສະຖານທີ່ພັກກິນເຂົ້າກັບບັນຍາກາດທີ່ສວຍງາມມື້ນີ້ຜູ້ຂຽນຂໍແນະນຳສະຖານທີ່ທ່ອງທ່ຽວຖໍ້ານາງແອ່ນຕັ້ງຢູ່ເຂດບ້ານພິນເມືອງທ່າແຂກ ແຂວງ ຄຳມ່ວນ ໄປຕາມເສັ້ນທາງເລກ 12 ປະມານ 19 ກິໂລແມັດ ຊຶ່ງປະຈຸບັນພວມໄດ້ຮັບຄວາມສົນໃຈຈາກນັກທ່ອງທ່ຽວທັງພາຍໃນແລະຕ່າງປະເທດ.

ຖໍ້ານາງແອ່ນເປັນອີກໜຶ່ງແຫຼ່ງທ່ອງທ່ຽວທາງທຳມະຊາດອັນສວຍສົດງົດງາມທີ່ໜ້າທ່ຽວຊົມແລ້ວຖໍ້າດັ່ງກ່າວໄດ້ຮັບຄວາມສົນໃຈຫຼາຍສົມຄວນເນື່ອງຈາກວ່າສະຖານທີ່ທ່ອງທ່ຽວແຫ່ງນີ້ມີຄວາມ ງາມທີ່ເປັນເອກະລັກແບບທຳມະ ຊາດ ໂດຍສະເພາະກໍ່ແມ່ນຫີນງອກ ທີ່ປົ່ງຊ້ອນຂຶ້ນພາຍໃນຖໍ້າບວກກັບທໍາມະຊາປ່າໄມ້ທີ່ຂຽວສົດງົດ ງາມອາກາດເຢັນສົດຊື່ນບວກກັບສັດນ້ອຍໃຫຍ່ສົ່ງສຽງດັງກ້ອງລະງົມທີ່ຟັງແລ້ວໜ້າຫຼົງໄຫຼມ່ວນຊື່ນໄປກັບມັນເຮັດໃຫ້ລືມຄວາມອິດ ເມື່ອຍຈາກການເດີນທາງ.

 ນັກທ່ອງທ່ຽວສາມາດຂີ້ເຮືອລອດຖໍ້າສຳພັດກັບບັນຍາກາດຄວາມງົດງາມ,ຄວາມເຢັນທີ່ມີຄວາມຄ້າຍຄືກັບຖໍ້າກອງລໍນາຕານຊຶ່ງເປັນຖໍ້າທີ່ມີຊື່ສຽງຂອແຂວງຄຳມ່ວນ,ພ້ອມກັນນັ້ນຖໍ້ານາງແອ່ນຍັງເປັນສະຖານທີ່ພັກຜ່ອນທີ່ໄດ້ຮັບຄວາມນິຍົມຂອງບັນ ດາປະຊາຊົນທ້ອງຖິ່ນຈະເຫັນໃນງານເທສະການທີ່ສຳຄັນຕ່າງໆ ເປັນຕົ້ນແມ່ນບຸນປີໃໝ່ສາກົນ, ປີໃໝ່ລາວ ແລະອື່ນໆ

------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 16/09/2019