ສາທາເນັ້ນປະຊາຊົນລະວັງ 17 ພະຍາດຫຼັງນໍ້າຖ້ວມບົກແຫ້ງ

  ຄືຮູ້ແລ້ວວ່າເນື່ອງຈາກພາຍຸໝູນເຂດຮ້ອນໂພດູນ ແລະລົມພາຍຸດີເປຣເຊິນໄດ້ພັດເຂົ້າ ສປປ ລາວ ເຮົາເຮັດໃຫ້ທຸກພາກຂອງປະເທດມີຝົນຕົກຕິດຕໍ່ກັນຫຼາຍວັນ ແລະເກີດມີໄພນໍ້າຖ້ວມຢູ່ 6 ແຂວງຄື: ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະເມືອງສະໜາມໄຊ ແຂວງອັດຕະປື ກໍ່ແມ່ນເມືອງໜຶ່ງທີ່ໄດ້ຮັບຜົນກະທົບຈາກໄພນໍ້າຖ້ວມຄັ້ງນີ້.

  ທ່ານ ສົມພອນ ເຄນນະລາດ ຫົວໜ້າຫ້ອງສາທາລະນະສຸກເມືອງສະໜາມໄຊ ໄດ້ໃຫ້ສຳພາດຕໍ່ສື່ມວນຊົນແຂວງໃນວັນທີ 10 ກັນຍາວ່າ: ຕະຫຼອດໄລຍະຜ່ານມາ ທາງຫ້ອງການສາທາລະນະ ສຸກເມືອງ ໄດ້ສົ່ງພະນັກງານລົງຕິດຕາມ ເຝົ້າລະວັງເຫດສຸກເສິນໃນໄລຍະນໍ້າ ຖ້ວມໃນ 8 ສຸກສາລາທົ່ວເມືອງ ໃນນີ້ ມີ 3 ສຸກສາລາທ່ີຖືກນ້ຳຖ້ວມຄື: ສຸກສາ ລາບ້ານຄັງ, ສຸກສາລາສົ້ມປ່ອຍ ແລະ ສຸກສາລາບ້ານໃຫ່ຍແທ ເຮັດໃຫ້ອຸປະ ກອນການແພດ ແລະຢາຈຳນວນໜຶ່ງເສຍ ຫາຍພໍສົມຄວນພາຍຫຼັງນໍ້າບົກແຫ້ງລົງ ແລ້ວທາງຫ້ອງການສາທາລະນະສຸກ ເມືອງຈຶ່ງໄດ້ເນັ້ນໃຫ້ພໍ່ແມ່ປະຊາຊົນພາຍໃນເມືອງເອົາໃຈໃສ່ເຝົ້າລະວັງ 17 ພະຍາດທີ່ຈະເກີດຂຶ້ນພາຍຫຼັງນ້ຳບົກແຫ້ງ, ໃນນີ້ມີພະຍາດຕາແດງ, ໄຂ້ຫວັດ, ປອດ ອັບເສບ, ໄຂ້ຍຸງລາຍ, ທ້ອງບິດ, ອັບເສບ ປອດ, ໝາກສຸກ, ໝາກໃສ, ອະຫິວາ, ໄຂ້ທ້ອງບິດ, ກະເພາະອັບເສບ, ອັບເສບປອດ, ວັນນະໂລກ ແລະພະຍາດອື່ນໆ.

  ທ່ານ ສົມພອນ ເຄນນະລາດ ຍັງໄດ້ຮຽກຮ້ອງເຖິງປະຊາຊົນບັນດາເຜົ່າທີ່ຖືກຜົນກະທົບຈາກໄພນໍ້າຖ້ວມໃນຄັ້ງນີ້ເພື່ອຫຼີີກເວັ້ນພະຍາດຕ່າງໆຈົ່ງເອົາໃຈໃສ່ຮັກສາສຸຂະ ພາບດ້ວຍການປະຕິບັດ 3 ສະອາດ ເປັນຕົ້ນກິນສະອາດ, ດື່ມສະອາດຢູ່ສະອາດ ແລະຖ້າມີອາການເຈັບເປັນໃຫ້ໄປຫາແພດໝໍທີ່ປະຈຳສຸກສາລາໃກ້ບ້ານເພື່ອໃຫ້ແພດໝໍກວດ ແລະປິ່ນປົວໃຫ້ທັນເວລາ.

--------

ຂຽນໂດຍ: ວັດທະນາ ຫຼວງອາໄພ  

• 12/09/2019