ໂຮງຮຽນວັນໃໝ່ ໃສ່ໃຈຄຸນນະພາບ

    ໂຮງຮຽນອະນຸບານປະຖົມມັດທະຍົມສົມບູນວັນໃໝ່ໜຶ່ງໂຮງຮຽນເອກະຊົນທີ່ເອົາໃຈໃສ່ທຸ້ມເທທຸກດ້ານການສຶກສາເພື່ອໃຫ້ນັກຮຽນໄດ້ຮັບຄຸນນະພາບມາດຖານຕາມຫຼັກສູດກະຊວງສຶກສາທິການແລະກີລາວາງອອກຊຶ່ງຕະຫຼອດໄລຍະຜ່ານມາຖືວ່ານັກຮຽນພໍ່ແມ່ຜູ້ປົກຄອງບໍລິເວນໃກ້ໃຫ້ຄວາມສົນໃຈເຊື່ອໝັ້ນ.ເມື່ອບໍດົນມານີ້ທ່ານ ທະນົງສອນມໍຣະກົດອຳນວຍການໂຮງຮຽນອະນຸບານປະຖົມມັດທະຍົມສົມບູນວັນໃໝ່ໃຫ້ສຳພາດວ່າ:ໂຮງຮຽນອະນຸບານປະຖົມມັດທະຍົມສົມບູນວັນໃໝ່ສ້າງຂຶ້ນປີ 1991 ເບື່ອງຕົ້ນແມ່ນເປີດຊັ້ນປະຖົມ ແລະເພື່ອເປັນການຕອບສະໜອງຄວາມຮຽກຮ້ອງຕ້ອງການນັກຮຽນເພີ່ມຂຶ້ນຜູ້ປົກຄອງ ແລະນັກຮຽນຢາກຮຽນຢູ່ບ່ອນເກົ່າທາງໂຮງຮຽນຂະ ຫຍາຍຊັ້ນຮຽນມາຮອດປະຈຸບັນແມ່ນມັດທະຍົມສົມບູນ.

 

ສຳລັບໂຮງຮຽນອະນຸບານປະຖົມມັດທະຍົມສົມບູນວັນໃໝ່ຖືເປັນໜຶ່ງໂຮງຮຽນເອກກະຊົນທີ່ສ້າງຂຶ້ນມາດ້ວຍຄວາມຈິດໃຈມັກຮັກ ແລະຢາກພັດທະນານັກຮຽນໃຫ້ມີຄວາມຮູ້ຄວາມສາມາດ ໂດຍຈຸດ ເດັ່ນໂຮງຮຽນແມ່ນເປັນໂຮງຮຽນທີ່ເກົ່າແກ້ເປີດການຮຽນ-ການສອນມາເກືອບ 30 ປີ ແລະທາງໂຮງຮຽນແມ່ນເນັ້ນໃສ່ໃຈຄຸນນະພາບການສຶກສາຫຼັກສູດການຮຽນ-ການສອນຂອງກະຊວງສຶກສາທິການ ແລະກີລາວາງອອກ,ຊຶ່ງແຕ່ລະສົກຮຽນນອກຈາກການຮຽນ-ການສອນ ທາງໂຮງຮຽນສົ່ງນັກຮຽນເຂົ້າສອບເສັງນັກຮຽນເກັ່ງກໍ່ຕິດຂັ້ນເມືອງນອກຈາກນີ້ຈັດກິດຈະກຳແຂ່ງຂັນບານເຕະມິດຕະພາບ ແລະສະແດງສິລະປະຕາມວັນສຳຄັນຕ່າງໆ ໃນວັນ ສຳຄັນ.

ທ່ານ ທະນົງສອນໃຫ້ຮູ້ຕື່ມວ່າ:ຕະຫຼອດສົກຮຽນຜ່ານມາທາງ ໂຮງຮຽນແມ່ນໄດ້ເອົາໃຈໃສ່ທຸກດ້ານການສຶກສາເພື່ອໃຫ້ນັກຮຽນໄດ້ຕາມເປົ້າໝາຍທີ່ໂຮງຮຽນວາງໄວ້ຄືການສອບເສັງຈົບຊັ້ນແມ່ນ100% ໂດຍທາງໂຮງຮຽນມີວິໄສ ທັດໂຮງຮຽນວັນໃໝ່ໃສ່ໃຈຮຽນຮູ້,ຄຽງຄູ່ຄຸນສົມບັດດີ,ພ້ອມມີຄຸນນະທຳ,ນຳໃຊ້ເຕັກໂນໂລຊີຖືກຕ້ອງສອດຄ່ອງການສຶກສາ 5 ຫຼັກມູນນໍາໄປໝູນໃຊ້ຊີວິດປະຈຳວັນສິ່ງສຳຄັນການຮັກສາມູນເຊື້ອຄຸນ ນະພາບເປັນທີ່ຍ້ອມຮັບສັງຄົມ.ປະຈຸບັນທາງໂຮງຮຽນຄູ່ສອນ 60 ຄົນນັກຮຽນ1ພັນກວ່າຄົນ ໂຮງຮຽນຕັ້ງຢູ່ຖະໜົນໄກສອນພົມວິຫານບ້ານດອນໜູນເມືອງໄຊທານີນະຄອງຫຼວງວຽງຈັນ ທ່ານໃດສົນໃຈຝາກລູກຮຽນຕິດຕໍ່ເບີ 0205550 5303.02077 853202.

-------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

 

แชร์