ຍອດການສົ່ງອອກຈີນເດືອນສິງຫາຫຼຸດລົງ 1%

   ທາງການ ສປ ຈີນ ເປີດເຜີຍໃນວັນທີ 8 ກັນຍາທີ່ຜ່ານ ມາວ່າ: ຍອດສົ່ງອອກໃນເດືອນສິງຫາທີ່ຜ່ານມາຫຼຸດລົງ 1% ເມື່ອທຽບໃສ່ເດືອນດຽວກັນຂອງ ປີກາຍນີ້. ຕາມຂ່າວຕ່າງປະເທດລາຍ ງານວ່າ: ຍອດການສົ່ງອອກຂອງ ຈີນໃນເດືອນສິງຫາຜ່ານມາຫຼຸດລົງ 1% ເມື່ອທຽບໃສ່ໄລຍະດຽວກັນຂອງປີກາຍນີ້ ຫຼັງຈາກເພີ່ມຂຶ້ນ ລື່ນຄວາມຄາດໝາຍເຖິງ 3,3% ໃນເດືອນກໍລະກົດສຳລັບຍອດ ການນຳເຂົ້າກໍຫຼຸດລົງເປັນເດືອນ ທີ່ 4 ຕິດຕໍ່ກັນ ໂດຍຫຼຸດລົງ 5,6% ຈາກເດືອນດຽວກັນກັບປີກ່ອນຂະ ນະທີ່ຍອດເກີນດຸນການຄ້າຫຼຸດລົງ 34.830 ລ້ານໂດລາສະຫະລັດຈາກ 44.580 ລ້ານໂດລາສະຫະລັດ ໃນເດືອນກໍລະກົດຍ້ອນ ໄດ້ຮັບຜົນກະທົບຈາກ ສປ ຈີນ ແລະອາເມລິກາ ເຮັດສົງຄາມການ ຄ້າດ້ວຍການເກັບພາສີຕອບໂຕ້ ກັນໄປມາຕັ້ງແຕ່ປີກ່ອນ.

ຂະນະທີ່ທະນາຄານກາງຈີນ ປະກາດໃນທ້າຍອາທິດທີ່ຜ່ານມາ ວ່າ: ຈະຫຼຸດເກນການດຳລົງຊັບ ສິນສະພາບຄ່ອງຂອງທະນາຄານກາງຄ້າລົງ ຊຶ່ງຈະເຮັດໃຫ້ຂະແໜງ ທຸລະກິດສາມາດເຂົ້າເຖິງສິນເຊື່ອ ໄດ້ອີກ 126 ຕື້ໂດລາ ສະທ້ອນ ເຖິງແຮງກົດດັນທີ່ຍັງມີຕໍ່ເສດຖະກິດຈີນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์