ອາເມລິກາ ຈະລົງໂທດປະເທດທີ່ຊື້ຂາຍນໍ້າມັນກັບອີຣານ

  ເຈົ້າໜ້າທີ່ອຳນາດການປົກຄອງອາເມລິກາທ່ານໜຶ່ງໄດ້ ຖະແຫຼງວ່າ: ອາເມລິກາ ຈະສືບຕໍ່ຈັດວາງບັນດາຄຳສັ່ງລົງໂທດຕໍ່ປະເທດທີ່ຊື້ນໍ້າມັນ ຫຼື ພົວພັນແລກປ່ຽນການຄ້າກັບອີຣານ.

ຕາມຂ່າວຕ່າງປະເທດລາຍ ງານວ່າ ທ່ານ ນາງ Sigal Man delker ຮອງລັດຖະມົນຕີກະ ຊວງການເງິນອາເມລິກາຮັບຜິດຊອບກ່ຽວກັບລັດທິກໍ່ການຮ້າຍ ແລະສືບລາຊະການລັບການເງິນ ໃຫ້ຮູ້ວ່າ: ບັນດາການເຄື່ອນໄຫວ ຊື້-ຂາຍນໍ້າມັນຂອງອີຣານໄດ້ຫຼຸດລົງພໍສົມຄວນຍ້ອນກຳລັງກົດດັນຈາກອາເມລິກາ ຊຶ່ງການສົ່ງອອກນໍ້າມັນດິບຂອງອີຣານໄດ້ຫຼຸດລົງ 80% ຫຼັງຈາກອາເມລິກາຈັດວາງ ບັນດາຄຳສັ່ງລົງໂທດຄືນໃໝ່ ໂດຍ ທ່ານ ໂດນັລ ທຣຳປະທານາທິບໍດີ ອາເມລິກາຖອນຕົວອອກຈາກຂໍ້ ຕົກລົງນິວເຄຣຍ ອີຣານ ຊຶ່ງລົງ ນາມໃນປີ 2015.

ມາດຕະການລົງໂທດຂອງ ອາເມລິກາ ກໍເພື່ອເພີ່ມແຮງກົດດັນຕໍ່ອີີຣານໃນການກຳນົດຂອງ ເຂດໂຄງການນິວເຄຣຍ, ການຢຸດຕິ ໂຄງການລູກສອນໄຟນໍາວິຖີ ແລະ ຢຸດຕິການໜູນຊ່ວຍບັນດາກໍາລັງ ທີ່ແຕ່ງຕັ້ງຢູ່ພາກພື້ນຕາເວັນອອກ ກາງ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์