ຟິລິບປິນ ພົບພະຍາດອະຫິວາອາຟຣິກກາໃນໝູເປັນຄັ້ງທຳອິດ

 ຟິລິບປິນແຈ້ງວ່າ: ກວດພົບເຊື້ອພະຍາດອະຫິວາອາຟຣິກາ ໃນໝູເປັນຄັ້ງທຳອິດຢູ່ໃກ້ກັບນະຄອນຫຼວງມະນີລາຖືເປັນປະເທດ ຫຼ້າສຸດທີ່ພົບພະຍາດນີ້ຊຶ່ງແຜ່ລະບາດໄປແລ້ວຫຼາຍປະເທດ.

ຕາມຂ່າວຕ່າງປະເທດລາຍ ງານວ່າ: ອີງຕາມຂໍ້ມູນກະຊວງ ກະສິກຳຟິລິບປິນແຈ້ງວ່າ: ປະຈຸບັນກວດພົບເຊື້ອພະຍາດອະຫິວາອາຟຣິກາໃນໝູເປັນຄັ້ງທຳອິດ ໃກ້ກັບນະຄອນຫຼວງມະນິລາເຮັດ ໃຫ້ມີການກຳຈັດໝູ 7.000 ໂຕ ພາຍໃນລັດສະໝີ 1 ກິໂລແມັດ ຈາກຜົນການສົ່ງ 20 ຕົວຢ່າງ ໄປກວດທີ່ຫ້ອງທົດລອງໃນອັງ ກິດພົບວ່າ 14 ຕົວຢ່າງຕິດເຊື້ອ ແລ້ວແຕ່ຍັງຕ້ອງກວດໃຫ້ລະອຽດ ເພື່ອລະບຸເຖິງສາຍພັນໃດອີກປະ ມານ 1 ອາທິດ, ແຕ່ຢ່າງໃດກໍຕາມ ສະຖານະການດັ່ງກ່າວຍັງຖືວ່າ ບໍ່ທັນມີການລະບາດຮຸນແຮງ ຈຶ່ງ ຂໍໃຫ້ປະຊາຊົນສາມາດບໍລິໂພກ ຊີ້ນໝູແບບປົກກະຕິຂະນະນີ້ເຈົ້າໜ້າທີ່ກ່ຽວຂ້ອງພວມຕິດຕາມ ເຝົ້າລະວັງຢ່າງໃກ້ຊິດເພື່ອແກ້ໄຂ ບັນຫາເຊື້ອພະຍາດນີ້ຢ່າງຮີບ ດ່ວນ.

ຟິລິບປິນເປັນຜູ້ຜະລິດຊີ້ນໝູ ໃຫຍ່ເປັນອັນດັບ 8 ຂອງໂລກ ອຸດສາຫະກຳລ້ຽງໝູມີມູນຄ່າປະ ມານ 260 ຕື້ເປໂຊ ເພາະຄົນບໍ ລິໂພກຊີ້ນໝູຫຼາຍເຖິງ 60% ຂອງ ຊີ້ນທັງໝົດ, ອົງການອາຫານ ແລະກະເສດແຫ່ງສະຫະປະຊາຊາດ ແຈ້ງຂໍ້ມູນຫຼ້າສຸດໃນວັນທີ 5 ກັນ ຍາວ່າ ພົບພະຍາດນີ້ແລ້ວໃນ 7 ປະເທດປະກອບມີ: ສປ ຈີນ, ມົງ ໂກລີ, ສສ ຫວຽດນາມ, ກຳປູ ເຈຍ, ສ ເກົາຫຼີ, ສປປ ລາວ ແລະ ມຽນມາ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์