ວົງເງິນສົ່ງອອກຂອງຫວຽດນາມ ໄປຍັງເຊັກເພີ່ມຂຶ້ນ

  ຄາດຄະເນວ່າ: ທັງປີຍອດວົງເງິນມີການສົ່ງອອກລະຫວ່າງ ສສ ຫວຽດນາມ-ເຊັກຈະບັນລຸ 1,180 ຕື້ໂດລາສະຫະລັດ, ເພີ່ມ ຂຶ້ນ 0,66% ເມື່ອທຽບໃສ່ປີ 2018.

ຕາມຂ່າວສານຫວຽດນາມ ລາຍງານວ່າ ຕາມຕົວເລກສະຖິຕິ ຫຼ້າສຸດຂອງເຊັກໃຫ້ຮູ້ວ່າ: ໃນໄລ ຍະ 6 ເດືອນຕົ້ນປີ 2019, ຍອດວົງເງິນການຄ້າ 2 ສົ້ນລະຫວ່າງ ຫວຽດນາມ ແລະເຊັກໄດ້ເພີ່ມຂຶ້ນ ກວ່າ 5%, ໃນນັ້ນການສົ່ງອອກ ຂອງຫວຽດນາມ ໄປຍັງເຊັກໄດ້ ເພີ່ມຂຶ້ນ 8,96% ແລະການນຳເຂົ້າແມ່ນຫຼຸດລົງ 30% ຕາມການຄາດຄະເນໃຫ້ທັງປີ, ຍອດ ວົງເງິນມີການສົ່ງອອກລະຫວ່າງ 2 ປະເທດຈະບັນລຸ 1,180 ຕື້ໂດ ລາ, ເພີ່ມຂຶ້ນ 0,66% ເມື່ອທຽບ ໃສ່ປີ 2018,ບັນດາສິນຄ້າທີ່ສົ່ງອອກຫຼາຍທີ່ສຸດໃນໄລຍະ 6 ເດືອນຕົ້ນປີນີ້ຈາກຫວຽດນາມ ໄປຍັງເຊັກຕົ້ນຕໍແມ່ນເຄື່ອງຈັກ,ເຄື່ອງອຸປະກອນໄຟຟ້າ,ເກີບໜັງ,ບັນດາຜະລິດຕະພັນເຄື່ອງຕໍ່າແຜ່ນ ຕັດຫຍິບ.

ໃນຂະນະນັ້ນ, ອົງການການຄ້າຫວຽດນາມປະຈຳເຊັກໄດ້ຄັດ ຕົວເລກຈາກອົງການພາສີຫວຽດ ນາມ ໂດຍໃຫ້ຮູ້ວ່າ: ໃນໄລຍະ 7 ເດືອນຕົ້ນປີ 2019, ວົງເງິນສົ່ງອອກຂອງຫວຽດນາມ ໄປຍັງ ຫຼາຍປະເທດເອີຣົບ ລ້ວນແຕ່ເພີ່ມ ຂຶ້ນຄື: ເຢຍລະມັນ ເພີ່ມຂຶ້ນ 3,43%,ຮົງກາຣີ ເພີ່ມຂຶ້ນ 7,94%, ແດນ ມາກ ເພີ່ມຂຶ້ນ 4,74%.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์