ອາເມລິການໍາຊີຣີເລື່ອງ SKY Castle ມາສ້າງໃໝ່

  ຊີຣີເລື່ອງ “SKY Castle” ຂອງ ສ.ເກົາຫຼີ ທີ່ສະທ້ອນບັນຫາ ການສຶກສາທີ່ໄດ້ຮັບຄວາມນິຍົມ ໄປທົ່ວອາຊີຜົນງານຂອງນັກຂຽນຢູຮະຢອນມີ ໄດ້ຖືກຮູບເງົາຊື່ດັງ Warner Bros ນໍາໄປສ້າງໃໝ່ ເພື່ອລົງສາຍທາງໂທລະພາບໃນ ອາເມລິກາ ໂດຍຢູຮະຢອນມີເປີດ ໃຈວ່າການສຶກສາແບບການຮຽນເພີ່ມ ໂດຍສ່ວນຕົວນັ້ນບໍ່ໄດ້ເປັນ ປະເດັນທາງສັງຄົມພຽງແຕ່ໃນ ສ.ເກົາຫຼີເທົ່ານັ້ນແຕ່ເມື່ອຂ້ອຍໄດ້ ຂຽນບົດເລື່ອງນີ້ຂ້ອຍກໍໄດ້ຄິດວ່າ ເລື່ອງນີ້ສາມາດເຊື່ອມໂຍງໄປເຖິງລະບົບການສຶກສາໃນອາຊີທັງຍີ່ ປຸ່ນ, ສປ ຈີນ, ສິງກະໂປ, ອິນເດຍ ລວມທັງອາເມລິກາ ແລະເອີຣົບ.

ກ່ອນໜ້ານີ້ມີການລາຍງານວ່າພວກເຂົາກຳລັງຄິດຊື່ເລື່ອງໃໝ່ກັນຢູ່ ແລະກໍມີການລຶບອອກໄປ ໂດຍ ເລື່ອງ “SKY Castle” ອອກອາກາດໃນທ້າຍປີ 2018 ຕົ້ນປີ 2019 ທາງຊ່ອງ JTBC ແລະສ້າງສະຖິຕິເປັນຊີຣີທີ່ມີຍອດຜູ້ຊົມ(ເຣດຕິ້ງ) ສູງສຸດ ແລະກາຍເປັນປະເດັນທັນທີເມື່ອອອກອາກາດເພາະມັນຄືຕະລົກຮ້າຍຂອງລະບົບ ກາສຶກສາຂອງພໍ່ແມ່ຖານະຮັ່ງມີທີ່ເຮັດທຸກວິຖີ່ທາງເພື່ອລູກໆຂອງພວກເຂົາໃຫ້ໄດ້ເຂົ້າຮຽນໃນມະຫາວິທະຍາໄລອັນດັບໜຶປະເທດ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์