ສສ ຫວຽດນາມ ໃຫ້ທຶນກໍ່ສ້າງໂຮງຮຽນ ມັດທະຍົມຕອນຕົ້ນ ເມືອງຊໍາໃຕ້

  ໃນວັນທີ 6 ກັນຍາ 2019 ທີ່ບ້ານຫາງ ເມືອງຊຳໃຕ້ ແຂວງ ຫົວພັນ ໄດ້ຈັດພິທີມອບ-ຮັບໂຮງ ຮຽນມັດທະຍົມຕອນຕົ້ນໂພນໄຊ ເມືອງຊຳໃຕ້ ແຂວງຫົວພັນ ໂດຍ ການເປັນປະທານຮ່ວມຂອງທ່ານ ທອງຫວັງ ຄູນທອນຮຸ່ງມີໄຊ ຮອງ ເຈົ້າເມືອງໆຊຳໃຕ້ ແຂວງຫົວພັນ ແລະທ່ານ ຮ່າວັນກາຮອງເລຂາພັກຜູ້ປະຈຳການພັກເມືອງລ່າງ ແຈ້ງ ແຂວງແທັງຮວ່າ, ມີບັນດາ ທ່ານການນຳທັງສອງເມືອງພ້ອມ ດ້ວຍບັນດາທ່ານແຂກຖືກເຊີນ,ອຳນາດການປົກຄອງບ້ານ, ພໍ່ແມ່ປະ ຊາຊົນຕະຫຼອດຮອດຄູ-ອາຈານ ແລະນັກຮຽນເຂົ້າຮ່ວມ.

ໂຄງການກໍ່ສ້າງໂຮງຮຽນມັດ ທະຍົມຕອນຕົ້ນໂພນໄຊ ເລີ່ມລົງມື ກໍ່ສ້າງໃນວັນທີ 30 ເມສາ 2019 ແລະສຳເລັດການກໍ່ສ້າງ 100% ໃນວັນທີ 10 ສິງຫາ 2019 ໂຮງ ຮຽນຫຼັງດັ່ງກ່າວມີຫ້ອງຮຽນ 4 ຫ້ອງ, ແຕ່ລະຫ້ອງສາມາດບັນຈຸນັກ ຮຽນໄດ້ 30 ຄົນ, ຫ້ອງການຄູ 1 ຫ້ອງ, ຫ້ອງນໍ້າ 2 ຫ້ອງ ນອກ ນັ້ນຍັງມີໂຕະ, ຕັ່ງນັກຮຽນຈຳ ນວນ 60 ຊຸດ ແລະໂຕະ, ຕັ່ງຄູຈຳນວນ 5 ຊຸດ ຊຶ່ງໂຄງການດັ່ງ ກ່າວແມ່ນໄດ້ຮັບທຶນຊ່ວຍເຫຼືອລ້າຈາກພະນັກງານ ແລະປະຊາຊົນຊາວເມືອງລ່າງແຈ້ງ ແຂວງແທັງ ຮ່ວາ ສສ ຫວຽດນາມ ໃນຈຳນວນ ເງິນ 700 ລ້ານດົງ ຫຼື ປະມານ 267 ລ້ານກວ່າກີບ, ລວມມູນຄ່າການກໍ່ສ້າງທັງໝົດ 337 ລ້ານ ກວ່າກີບ ໃນນີ້ມີທຶນຊຸມຊົນປະກອບສ່ວນຈຳນວນ 70 ລ້ານກວ່າ ກີບ, ໂຮງຮຽນຫຼັງດັ່ງກ່າວແມ່ນປະ ກອບມີ 5 ບ້ານທີ່ຢູ່ໃນເຂດອ້ອມຂ້າງມີປະຊາກອນທັງໝົດ 797 ຄົນ, ຍິງ 359 ຄົນ, ມີຄູສອນທັງ ໝົດ 6 ຄົນ, ຍິງ 1 ຄົນ.

ໂດຍເປັນກຽດກ່າວຂອງທ່ານ ຮ່າວັນກາ ຮອງເລຂາພັກຜູ້ປະຈຳການພັກເມືອງລ່າງແຈ້ງ  ແຂວງ ແທັງຮ່ວາ ແລະຕາງໜ້າຮັບໂດຍ ທ່ານ ທອງຫວັງຄູນທອນຮຸ່ງມີໄຊຮອງເຈົ້າເມືອງໆຊຳໃຕ້ ແຂວງ ຫົວພັນ ແລະມອບຕໍ່ໃຫ້ຫ້ອງການສຶກສາທິການ ແລະກີລາເມືອງກໍ່ຄືປະຊາຊົນທີ່ນອນຢູ່ໃນເຂດດັ່ງກ່າວຈົ່ງພ້ອມກັນຈັດຕັ້ງປະຕິບັດຕາມຂໍ້ ແຂ່ງຂັນທີ່ກະຊວງສຶກສາທິການ ແລະກີລາວາງອອກ,ປົກປັກຮັກສາ ແລະຊົມໃຊ້ໃຫ້ເກີດປະໂຫຍດສູງສຸດ, ເປັນເຈົ້າການໃນການຊຸກຍູ້ ແລະສົ່ງເສີມໃຫ້ລູກຫຼານພາຍໃນບ້ານຂອງຕົນທີ່ມີອາຍຸໃນເກນເຂົ້າຮຽນໃຫ້ເຂົ້າໂຮງຮຽນນັບມື້ເພີ່ມຫຼາຍຂຶ້ນ.

----------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์