ອົງການຊຳດົງອິນເຕີເນຊັນແນລ ເປີດສອນພາສາເກົາຫຼີບໍ່ເສຍຄ່າຢູ່ຊຽງຂວາງ

ພິທີເປີດຫ້ອງຮຽນພາສາ ເກົາຫຼີ ບໍ່ເສຍຄ່າຂອງອົງການຊຳດົງ ອິນເຕີເນຊັນແນລ ໃນວັນທີ 9 ກັນຍາ 2019 ທີ່ໂຮງຮຽນປະຖົມສົມບູນ ແລະມັດທະຍົມຕອນຕົ້ນສາຍລົມບ້ານສາຍລົມ ເມືອງແປກແຂວງຊຽງຂວາງ ໂດຍເຂົ້າຮ່ວມ ຂອງທ່ານ ທອງສີພັນທະວົງຮອງຫົວໜ້າພະແນກສຶກສາທິການ ແລະກີລາແຂວງ, ທ່ານ ຄີມແຕ້ຮ່ອຍ (KIM TAE HOI) ຫົວໜ້າອົງ ການຊຳດົງອິນເຕີເນຊັນແນລປະຈຳແຂວງຊຽງຂວາງ, ມີຄະນະຜູ້ ໃຫ້ທຶນໃນການຊ່ວຍເຫຼືອ, ບັນດາທ່ານທີ່ມາຈາກບັນດາພະແນກການ, ຄູ-ອາຈານທີ່ມາຈາກ ສ.ເກົາຫຼີພ້ອມດ້ວຍນັກຮຽນໂຮງຮຽນປະຖົມສົມບູນ ແລະມັດທະຍົມຕອນ ຕົ້ນສາຍລົມເຂົ້າຮ່ວມ.

ທ່ານ ຄີມແຕ້ຮ່ອຍ ຫົວໜ້າອົງ ການຊຳດົງ ອິນເຕີເນຊັນແນລປະຈຳແຂວງຊຽງຂວາງກໍ່ໄດ້ ກ່າວເຖິງໂຄງການຊ່ວຍເຫຼືອການ ຮຽນ-ການສອນພາສາເກົາຫຼີ ຊຸດ ທີ 1 ຮັບນັກຮຽນຈຳນວນ 40 ຄົນ ສອນໂດຍອາຈານຄົນເກົາຫຼີ ຈຳນວນ 2 ທ່ານ ມີ 2 ຫ້ອງຮຽນ ເລີ່ມຮຽນວັນທີ 2 ກັນຍາ 2019 ວັນຈັນເຖິງວັນສຸກເວລາ 16:30-18:30 ໂມງ, ວັນເສົາເວລາ 10:00-12:00  ໂມງທີ່ໂຮງຮຽນ ປະຖົມສົມບູນ ແລະມັດທະຍົມຕອນຕົ້ນສາຍລົມ,ຜ່ານມາອົງການຊຳ ດົງ ອິນເຕີເນຊັນແນລ  ໄດ້ໃຫ້ການຊ່ວຍເຫຼືອແຂວງຊຽງຂວາງ ເລີ່ມ ແຕ່ປີ 2017 ເຖິງປີ 2022 ໄດ້ ຊ່ວຍເຫຼືອປັບປຸງບັນດາໂຮງຮຽນ ເປົ້າໝາຍຂອງໂຄງການເພື່ອເຮັດ ໃຫ້ສະພາບແວດລ້ອມການສຶກສາ ແລະກີລາໄດ້ຮັບການພັດທະນາ ດີຂຶ້ນ, ສະໜອງຫຼັກສູດການສຶກ ສາຕ່າງປະເທດເຊັ່ນ:ພາສາອັງ ກິດ, ເກົາຫຼີ, ຄອມພີວເຕີ ແລະ ອື່ນໆ ໂດຍການຮັບຮອງຈາກກະຊວງສຶກສາທິການ ແລະກີລາ, ສະໜອງທຶນການສຶກສາໃຫ້ເດັກນ້ອຍ ທີ່ທຸກຍາກ, ໃຫ້ທຶນການສຶກສາສຳ ລັບນັກຮຽນລາວທີ່ຮຽນຢູ່ ສ.ເກົາ ຫຼີ, ພັດທະນາສວນຄົວຂອງໂຮງ ຮຽນ ແລະສົ່ງເສີມການປູກ-ການ ລ້ຽງ, ພັດທະນາວຽກງານກີລາ-ສິລະປະໃຫ້ໂຮງຮຽນ, ຝຶກອົບຮົມ ໃຫ້ຄູບາງວິຊາທີ່ເຫັນວ່າມີຄວາມຈຳເປັນ, ຕອບສະໜອງຄວາມຮູ້ ພື້ນຖານ ແລະບໍລິຫານສຸຂະພາບ ໃຫ້ໂຮງຮຽນ ແລະຊຸມຊົນລວມມູນ ຄ່າການຊ່ວຍຫຼືອ 4 ແສນໂດລາ. ທ່ານ ທອງສີ ພັນທະວົງ ຮອງ ຫົວໜ້າພະແນກສຶກສາທິການ ແລະ ກີລາແຂວງກໍ່ໄດ້ມີຄຳຄິດເຫັນ ແລະເນັ້ນໃຫ້ນັກຮຽນຜູ້ທີ່ມາລົງ ຊື່ຮຽນຈົ່ງມາຮຽນເປັນປົກກະຕິ,ພະຍາຍາມຍາດເອົາຄວາມຮູ້ເພື່ອ ນຳໄປປະກອບອາຊີບ, ຄູ-ອາຈານ ທີ່ສອນຢູ່ໂຮງຮຽນແຫ່ງນີ້ກໍ່ໃຫ້ ເຂົ້າຮ່ວມຮຽນພາສາເພາະຄວາມຮູ້ບໍ່ມີທີ່ສິ້ນສຸດຍິ່ງຮູ້ຫຼາຍຍິ່ງດີຫຼາຍ,ທົ່ງໄຫຫີນເຂົ້າເປັນມໍລະດົກໂລກ ແລ້ວຍິ່ງມີນັກທ່ອງທ່ຽວເຂົ້າມາຫຼາຍກໍ່ຍິ່ງຕ້ອງການຄົນທີ່ມີຄວາມຮູ້ພາສາຕ່າງປະເທດຫຼາຍຂຶ້ນສະ ແດງຄວາມຂອບໃຈຕໍ່ອົງການທີ່ ໄດ້ໃຫ້ການຊ່ວຍເຫຼືອຢ່າງຫຼວງ ຫຼາຍຕໍ່ແຂວງຊຽງຂວາງ ເຮັດໃຫ້ການພັດທະນາຊັບພະຍາກອນມະນຸດດີຂຶ້ນເລື້ອຍໆ.

--------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์